Morgunblaðið - 24.10.2007, Síða 19

MORGUNBLAÐIÐ MIÐVIKUDAGUR 24. OKTÓBER 2007 19
SUÐURNES
Eftir Svanhildi Eiríksdóttur
Reykjanesbær | „Ég stefndi alltaf að því að
læra meira og spila meira sjálf en aðstæður
leyfðu það ekki. Mér fannst ekki skemmtilegt
að kenna í fyrstu en það varð alltaf skemmti-
legra og skemmtilegra og í dag finnst mér það
fjarska skemmtilegt,“ sagði Ragnheiður Skúla-
dóttir, píanókennari í Tónlistarskóla Reykja-
nesbæjar, í samtali við Morgunblaðið en hún
hefur verið viðloðandi skólann í þá hálfu öld sem
hann hefur verið starfandi, fyrst sem nemandi
en síðar kennari.
Skólinn hét upphaflega Tónlistarskóli Kefla-
víkur en varð eftir sameiningu við Tónlistar-
skóla Njarðvíkur að Tónlistarskóla Reykjanes-
bæjar árið 1999.
Um þessar mundir eru 50 ár liðin frá því að
tónlistarkennsla hófst í Reykjanesbæ. Tónlist-
arfélag Keflavíkur var stofnað 24. október 1957
að frumkvæði Guðmundar Norðdahl, Her-
manns Hjartarsonar og Kristins Reyrs en hlut-
verk þess var að standa fyrir tónleikahaldi í
sveitarfélaginu og starfrækja tónlistarskóla.
Tónlistarskóli Keflavíkur var settur í fyrsta
sinn 17. nóvember sama ár undir stjórn Ragn-
ars Björnssonar.
Mikilvægt að foreldrar hlusti
Ragnheiður Skúladóttir píanóleikari og
deildarstjóri hljómborðsdeildar við Tónlistar-
skóla Reykjanesbæjar hóf píanónám í skól-
anum 14 ára gömul og hafði þá sótt einkatíma í
4 ár. Tveimur árum síðar var hún orðin undir-
leikari hjá Karlakór Keflavíkur og um tvítugt
var hún orðin kennari við skólann. Hún hefur
upplifað að flytja með tónlistarskólanum hús úr
húsi og langar að upplifa að kenna í nýjum
húsakynnum við Stapa, svokallaðri Hljómahöll
sem áætlað er að taka í notkun 2009. Blaðamað-
ur settist niður með Ragnheiði einn eftirmiðdag
til að rifja upp gamla tíma.
Ragnheiður var 10 ára gömul þegar hún hóf
að sækja einkatíma til frú Vigdísar Jak-
obsdóttur bæjarfógetafrúar. Kennsla fór fram á
heimili Vigdísar og Ragnheiður sagði að hjá
Vigdísi hefði hún fengið að spila bara það sem
hún vildi. Áhugi Ragnheiðar á píanónámi kvikn-
aði heimafyrir. „Mamma hafði mikinn áhuga á
tónlist eins og allt hennar fólk af Birt-
ingaholtsætt í Hreppum. Hún keypti píanó og
Helgi heitinn bróðir minn byrjaði að læra á pí-
anó og hann var alveg frábær píanóleikari. Það
var reyndar alveg sama hvað hann Helgi tók
sér fyrir hendur, hvort hann málaði, spilaði eða
lék, hann var listamaður af guðs náð,“ sagði
Ragnheiður og bætt við að auk þess hefði móð-
uramma hennar spilað á harmonikku og móð-
urbræður sungið mikið, þannig að heimilislífið
var gegnsýrt tónlist.
Ragnheiður talaði sérstaklega um hvað henni
þótti vænt um þegar mamma hennar settist nið-
ur og bað hana að spila fyrir sig. Þann sið hefur
Ragnheiður reynt að nota í píanókennslu sinni,
þar sem hún segir mjög mikilvægt að foreldrar
sýni námi barna sinna áhuga. „Mér þykir alltaf
gott að heyra þegar nemendur mínir segja mér
að þetta og þetta lag sé uppáhaldslag mömmu.
Þá veit ég að foreldrarnir eru að hlusta.“
Frá heimili frú Vigdísar lá leiðin í nýstofn-
aðan Tónlistarskóla Keflavíkur og það fannst
Ragnheiði afskaplega spennandi. „Þetta var
mjög skemmtilegur tími þó aðstæður hafi verið
frumstæðar. Skólinn byrjaði uppi á lofti í gamla
Ungó og þar var svo kalt að kennari minn,
Ragnar Björnsson, sat í úlpu og var með vett-
linga á höndunum. Við píanónemendurnir gát-
um auðvitað ekki haft vettlinga.“
Fyrstu árin flutti tónlistarskólinn hús úr húsi
og frá Ungó lá leiðin í kjallarann undir Nýja bíó,
þaðan í bílskúr við Tjarnargötu en að lokum í
húsnæði við Austurgötu 13, þar sem tónlist-
arskólinn er enn til húsa. Það húsnæði er löngu
sprungið og í raun mjög óhentugt í tónlistar-
kennslu og sagði Ragnheiður að tónlistar-
kennsla yngstu nemendanna í grunnskólum
bæjarins bjargaði málunum. „Þetta hefst líka
með mikilli þolinmæði og aðlögunarhæfni kenn-
ara. Einangrun í skólanum er léleg og stundum
er lúðrasveitaæfing á sama tíma og hljóðfæra-
kennsla fer fram. Það hentar illa með lág-
stemmdum hljóðfærum.“
Börnin erfðu tónlistaráhugann
Líkt og á æskuheimili Ragnheiðar hefur tón-
list verið í hávegum höfð á heimili hennar og
eiginmanns, Sævars Helgasonar, leikara, mál-
arameistara og handverksmanns. Hann söng
lengi vel með Karlakór Keflavíkur, lék og leik-
stýrði mörgum leikritum. Það liggur beinast við
að spyrja hvort þau hafi kynnst í karlakórnum
eftir að hún gerðist undirleikari kórsins aðeins
16 ára gömul. „Nei, hann var ekki byrjaður að
syngja með þeim þá. Ég kynntist honum þegar
ég var að færa Helga bróður mat frá mömmu á
æfingar hjá Leikfélagi Njarðvíkur.“
Þrjú börn þeirra Ragnheiðar og Sævars hafa
öll fetað tónlistarbrautina „og ekki aðeins
börn“, sagði Ragnheiður, „heldur tengdabörn
og barnabörn líka.“ Synirnir Sigurður og Jó-
hann Smári lærðu báðir að syngja eftir hljóð-
færanám og við þá iðju er Jóhann Smári enn en
Sigurður hefur snúið sér meira að tónsmíðum
og er auk þess skólastjóri Nýja tónlistarskól-
ans. Dóttirin Sigrún var eina barnið sem lærði á
píanó en fór síðar til náms í Guildhall school of
music and drama og kennir nú tónlistarmiðlun
við skólann.
Þegar blaðamaður spurði í lokin um tónlist-
artengslin milli hennar og barnanna, sagðist
Ragnheiður hafa komist að því eftir einn píanó-
tíma að það hentaði ekki að kenna sínu eigin
barni. „Ég spilaði reyndar oft undir hjá strák-
unum meðan þeir voru í söngnámi, eins og ég
geri enn hjá söngnemum skólans og á einstaka
tónleikum, en hef ekki alltaf verið hrifin af því
og jafnvel neitað.“
Viðloðandi tónlistarkennslu frá upphafi
Morgunblaðið/Svanhildur Eiríksdóttir
Heima Ragnheiður Skúladóttir við píanóið heima í stofu. Hún hefur lengi kennt tónlist í sínum
heimabæ og er nú deildarstjóri hljómborðdeildar við Tónlistarskóla Reykjanesbæjar.
Í HNOTSKURN
»Fimmtíu ár eru liðin frá því tónlist-arkennsla hófst í sveitarfélögunum
sem nú mynda Reykjanesbæ. Tónlistar-
félag Keflavíkur stóð fyrir kennslunni
og stofnaði til þess Tónlistarskólann í
Keflavík. Árið 1976 var Tónlistarskóli
Njarðvíkur stofnaður.
»Tónlistarskóli Reykjanesbæjar tókvið starfsemi beggja skólanna 1.
september 1999.
Ragnheiður Skúladótt-
ir ætlaði að leika meira
en ílentist í kennslu
Kópasker | Því var fagnað á Kópa-
skeri um helgina að þorpið er komið
í „góðvegasamband“. Bundið slitlag
er nú komið á veginn milli Kópa-
skers og Húsavíkur. Þar með er
hægt að aka á góðum vegi frá
Reykjavík – nú eða alla leiðina frá
Höfn í Hornafirði með því að fara
vesturleiðina.
Síðasti kaflinn er á milli Prest-
hóla og Brekku sem er skammt frá
Kópaskeri. Er þetta liðlega 5 kíló-
metra kafli sem komið er bundið
slitlag á þótt Árni Helgason verk-
taki sé enn að vinna við frágang.
Kópaskersbúar hafa lengi beðið
eftir þessum tímamótum og stóð
Sveitarfélagið Norðurþing fyrir há-
tíð af þessu tilefni sl. laugardag.
Samkoman hófst á Brekkuhamri
þar sem slitlagið kom saman en þar
skammt frá kemur einnig ný teng-
ing við Þistilfjörð um Hólaheiði,
svonefnd Hófaskarðsleið en byrjað
er á þeirri framkvæmd austan frá.
Síðan var íbúum og starfsmönn-
um verktaka boðið í kaffi í Pakkhús-
inu. Á annað hundrað manns mætti.
Fagna góðu
vegasambandi
Morgunblaðið/Kristbjörg Sigurðardóttir
Vegahátíð Bergur Elías Ágústsson
bæjarstjóri ávarpar gesti.
Eftir Kára Jónsson
Laugarvatn | Bláskógabyggð hefur
gert samning við Byggingafélag
Laugarvatns um uppbyggingu nýs
íbúðahverfis á Laugarvatni. Gert er
ráð fyrir sextíu íbúðum.
Hverfið er staðsett neðan Mennta-
skólans, á hægri hönd þegar komið
er að þorpinu úr suðri. Nýja hverfið
er hannað fyrir 60 íbúðir en fyrsti
áfangi framkvæmda gerir ráð fyrir
25 einbýlis- og parhúsalóðum með 35
íbúðum. Hver lóð er um eitt þúsund
fermetrar og áætlaður kostnaður
húsbyggjenda á bilinu 2,5 til 3,5
milljónir á hverri lóð í gatnagerðar-
gjöld.
Byggingafélag Laugarvatns tekur
að sér að leggja götur og gangstíga
og skilar þeim af sér fullbúnum með
bundnu slitlagi og heimtaugateng-
ingum tilbúnum fyrir hverja lóð, en
sveitarfélagið úthlutar lóðunum.
Hestar og tún
Fyrra skipulag íbúðabyggðar á
Laugarvatni gerði ráð fyrir upp-
byggingu norðan þorpsins frá Hrís-
holti út undir Stóragil að landa-
merkjum við Snorrastaði. Fljótlega
komu í ljós vandkvæði við byggingr-
landið vegna bleytu og var því fallið
frá frekari uppbyggingu í þá átt og
hafist handa við nýtt skipulag. Með
makaskiptasamningum við ríkið
fékkst byggingarland sunnan og
vestan við þorpið í kringum Mennta-
skólann. Hluti þess lands er nú tek-
inn til uppbyggingar.
Nú er í fyrsta skipti heilt hverfi
auglýst til byggingar. Þrjár götur
verða byggðar upp með 35 lóðum og
hefst úthlutun 1. nóvember nk. Götu-
heiti í nýja hverfinu bera hestanöfn
og endinguna tún sem vísar til
hrossaræktar á Laugarvatni, þar má
nefna Guststún, Traustatún og
Herutún. Stefnt er að því að bygg-
ingarframkvæmdir geti hafist eftir
áramót og gatnagerð við þessar 25
lóðir verði lokið 1. október 2008.
Strákarnir úr sveitinni
Byggingarfélag Laugarvatns er
félag metnaðarfullra einstaklinga
sem aldir eru upp á Laugarvatni.
Stjórnendur og eigendur fyrirtækis-
ins eru þeir Sölvi Arnarson og Eirík-
ur Steinsson.
Þeir hafa fengið Rúnar Gunnars-
son sem rekur grafíska teiknistofu,
Þríbrot, til að hanna og teikna útlit
hverfisins. Eyþór Sigurðsson og
Börkur Benediktsson vinna að verk-
fræðiteikningum hjá Verkfræðistofu
Suðurlands.
Þessir athafnasömu ungu menn
kalla sig „strákana úr sveitinni“ og
hafa sett upp vefsíðuna www.laug-
arvatn.net til að kynna þessi áform
öll.
Skipulagt sextíu íbúða
hverfi á Laugarvatni
Morgunblaðið/Kári Jónsson
Ungt athafnafólk Eigendur Byggingafélags Laugarvatns ehf. við kynn-
ingu skipulagsins, fv. Eiríkur Steinsson, Margrét Gunnarsdóttir, Kristín
Ingunn Haraldsdóttir með Ingvar Jökul Sölvason og Sölvi Arnarson.
LANDIÐ
Fréttir á SMS