Morgunblaðið - 28.11.2007, Blaðsíða 14
14 MIÐVIKUDAGUR 28. NÓVEMBER 2007 MORGUNBLAÐIÐ
ERLENT
Villiers-le-Bel. AFP. | Yfir 80 lögreglu-
menn særðust, þar af fimm alvar-
lega, í átökum við ungmenni sem
kveiktu í opinberum byggingum í út-
hverfum Parísar í fyrrinótt.
Um 100 ungmenni í úthverfinu
Villiers-le-Bel köstuðu grjóti á 160
lögreglumenn sem svöruðu með því
að skjóta gúmmíkúlum og beita tára-
gasi. Ungir óeirðaseggir beittu bens-
ínsprengjum, flöskum fylltum sýru
og hafnaboltakylfum í átökum við
lögreglu í fimm nálægum bæjum.
Sex ungmenni voru handtekin í
fyrrinótt og átta nóttina áður.
Talsmaður samtaka franskra lög-
reglumanna sagði að átökin væru
harðari en í svipuðum óeirðum í
hverfum innflytjenda í París fyrir
tveimur árum. Nokkrir óeirðaseggj-
anna hefðu verið vopnaðir rifflum.
Óeirðirnar hófust eftir að tveir
unglingar á bifhjóli létu lífið í
árekstri við lögreglubíl í Villiers-le-
Bel á sunnudag. Lögreglumenn sem
voru í bílnum sögðu að bifhjólinu
hefði verið ekið á hann og frumrann-
sókn virtist staðfesta þá frásögn.
Bróðir annars unglinganna sakaði
hins vegar lögreglumennina um að
hafa ekið á hjólið og flúið af vett-
vangi.
Tugir
særðust
Sydney. AFP. | Nýr forsætisráðherra í
Ástralíu, Kevin Rudd, ólst upp við
kröpp kjör og ellefu ára gamall mátti
hann upplifa heimilisleysi – í kjölfar
þess að faðir hans lést í bílslysi missti
móðir hans húsnæðið og fjölskyldan
neyddist til þess um nokkra hríð að
sofa í bílnum. Reynslan hlýtur að
hafa markað Rudd og hún setur í
samhengi yfirlýsingu hans í gær um
að það myndi verða hluti af lærdóms-
ferli nýrra þingmanna Verkamanna-
flokksins, áður en þeir settust á þing,
að heimsækja heimilislausa í kjör-
dæmum sínum.
Rudd tók við formennsku í ástr-
alska Verkamannaflokknum fyrir að-
eins tæpu ári síðan en á þessum tíma
náði hann að hvetja flokksmenn til
dáða gegn íhaldsmanninum ósigr-
andi, John Howard, sem setið hafði á
stóli forsætisráðherra í rúm ellefu ár
og sigrað í fernum kosningum. Óhætt
er því að segja að hann hafi unnið
kraftaverk – staða Howards var sterk
samkvæmt skoð-
anakönnunum
þegar Rudd kom
til skjalanna.
Rudd hefur
lægt þær ófrið-
aröldur sem ein-
kenndu starf
Verkamanna-
flokksins og hann
hefur stýrt
flokknum inn á miðju. Hann þykir til-
tölulega íhaldssamur og hófsamur,
leggur t.d. mikla áherslu á ráðdeild í
ríkisfjármálum rétt eins og forveri
hans, John Howard.
Rudd boðar hins vegar algerlega
nýja utanríkisstefnu, hann hyggst
kalla ástralska herinn heim frá Írak
og setja baráttuna gegn loftslags-
breytingum á oddinn.
Rudd var fyrst kjörinn á þing 1998
en var áður embættismaður í fylkis-
stjórn Queensland og síðan starfs-
maður utanríkisþjónustunnar, hann
þjónaði í sendiráðum Ástralíu í bæði
Svíþjóð og Kína. Dvölin í Peking setti
raunar mark á hann því að hann gerð-
ist mikill Asíusérfræðingur og talar
kínversku reiprennandi. Honum
tókst að hrista af sér allar tilraunir
íhaldsmanna til að koma á hann höggi
í kosningabaráttunni; m.a. virtist
engu máli skipta þó að hann yrði að
gangast við því að hann hefði árið
2003 heimsótt nektarstað í New
York. Rudd þykir býsna fræðimanns-
legur en hann er viðkunnanlegur og
honum tókst að ávinna sér traust
ástralskra kjósenda í aðdraganda ný-
afstaðinna kosninga.
Leiðtogi með reynslu
Kevin Rudd ólst upp við kröpp kjör Hann hefur fært
flokk sinn inn á miðjuna og boðar ráðdeild í ríkisbúskapnum
Í HNOTSKURN
»Kevin Rudd er fimmtugurþriggja barna faðir, kvæntur
Theresu, en hún stundar við-
skipti og er bara býsna fær á sínu
sviði, hún tilheyrir allavega
flokki milljónamæringa.
Kevin Rudd
Eftir Kristján Jónsson
kjon@mbl.is
LEIÐTOGAR Ísraela og Palestínu-
manna náðu í gær samkomulagi um
að hefja aftur friðarviðræður eftir
sjö ára hlé. Er markmiðið að endan-
legur friðarsamningur verði gerður
fyrir lok ársins 2008, að því er fram í
gær kom í yfirlýsingu þeirra George
W. Bush Bandaríkjaforseta,
Mahmouds Abbas Palestínuforseta
og Ehuds Olmerts, forsætisráðherra
Ísraels, á ráðstefnu í Bandaríkjun-
um um frið í Mið-Austurlöndum.
Gert er ráð fyrir að deiluaðilar
byrji 12. desember að fjalla um við-
kvæmustu og mikilvægustu atriðin,
þ.e. landamæri væntanlegs sjálf-
stæðs ríkis Palestínumanna, yfirráð-
in í Jerúsalem og rétt Palestínu-
manna í útlegð til að setjast að í
heimalandinu. Önnur mikilvæg mál
er skipting vatnsréttinda og framtíð
byggða landtökumanna gyðinga á
hernumdu svæðunum. Samninga-
fundir verða haldnir á tveggja vikna
fresti og munu Bandaríkjamenn
halda utan um ferlið.
„Við erum sammála um að leggja
okkur fram í kraftmiklum og viðvar-
andi samningaviðræðum og munum
gera allt sem í okkar valdi stendur til
að ljúka samningum fyrir árslok
2008,“ segir í yfirlýsingunni. Margir
hafa efast um að umtalsvert gagn
gæti orðið að ráðstefnunni sem Bush
boðaði til en ljóst virðist að fyrstu
skrefin hafi nú verið stigin til að
binda enda á þráteflið. Á hinn bóginn
hefur ekki komið neitt fram sem
bendir til þess að Abbas og Olmert
séu reiðubúnir að hvika í mikilvæg-
um málum enda þótt Olmert segði að
vísu að Ísraelar væru búnir undir
„sársaukafullar tilslakanir“ og mála-
miðlanir til að friður næðist.
Bush sagði m.a. að árangur hefði
nú náðst vegna þess að bæði Olmert
og Abbas væru staðráðnir í að semja
um frið. „En í öðru lagi er rétti tím-
inn núna vegna þess að orrusta er nú
háð um framtíð Mið-Austurlanda og
við megum ekki leyfa ofstækismönn-
unum að sigra,“ sagði forsetinn.
Talsmenn Hamas-samtakanna,
sem ráða yfir Gaza, fordæmdu Abb-
as og sögðu hann ekki hafa neitt um-
boð til að semja fyrir hönd þjóðar-
innar og fallast á málamiðlanir.
Hefja aftur friðarviðræður
Abbas og Olmert heita að leggja sig fram um að ná samkomulagi fyrir 2009
AP
Vongóðir Ehud Olmert (t.v.), George W. Bush og Mahmoud Abbas við upp-
haf ráðstefnunnar í flotaskólanum í Annapolis, skammt frá Washington.
PERVEZ Musharraf, forseti Pakistans, skoðar heið-
ursvörð pakistanska flughersins í Islamabad í gær en
Musharraf kvaddi þá félaga sína og samstarfsmenn.
Gert er ráð fyrir að Musharraf víki sem æðsti yfirmað-
ur hersins eftir að hann hefur verið svarinn í embætti
forseta í dag en Musharraf hét því fyrir ekki löngu síð-
an – eftir háværar kröfur þar að lútandi frá bæði inn-
lendum sem erlendum aðilum – að víkja úr embætti
yfirmanns hersins, áður en til þingkosninga kemur í
Pakistan, en þær eiga að fara fram 9. janúar nk.
Reuters
Musharraf kvaddi herinn
PÓLVERJAR
hafa ákveðið að
falla frá andstöðu
sinni við það að
Rússland fái aðild
að Efnahags- og
framfarastofnun-
inni (OECD).
Donald Tusk, for-
sætisráðherra
Póllands, til-
kynnti þetta í gær og kvaðst vona að
ákvörðunin yrði til þess að tengsl
landsins við Rússlands bötnuðu.
Forveri Tusks í embættinu, Jar-
oslaw Kaczynski, hafði lagst gegn
því að Rússar fengju aðild að OECD
vegna deilna landanna tveggja eftir
hrun kommúnismans, m.a. um bann
Rússa við innflutningi á pólsku kjöti.
Vill Rússa
í OECD
Donald Tusk
ÚTLÆGUR leiðtogi Tíbets, Dalai
Lama, segir að tíbeska þjóðin verði
að standa að vali eftirmanns hans
en Dalai Lama er nú 72 ára. Margra
alda hefð er fyrir því að æðstu emb-
ættismenn tíbeskra búddista annist
valið á barni sem tekur síðan við
leiðtogastöðunni í fyllingu tímans.
Tíbetar kjósi
Reuters
Útlegð Dalai Lama, leiðtogi Tíbeta.
SVONEFND vopnasölubönn Sam-
einuðu þjóðanna skila aðeins ár-
angri í um fjórðungi tilfella, skv.
nýrri rannsókn. Öryggisráð SÞ
samþykkti 27 slíkar aðgerðir á ár-
unum 1990-2007 – þær beindust
gegn þjóðum eins og Írak, Íran,
Afganistan og Rúanda – en í fæst-
um tilfellum varð það til þess að að-
gengi að vopnum minnkaði.
Vopnasölubönn
GORDON Brown ætlar ekki að
sækja ráðstefnu Evrópusambands-
ins um málefni Afríku í Portúgal í
næstu viku. Ástæðan er sú að Ro-
bert Mugabe, forseti Zimbabwe,
hefur boðað komu sína.
Brown ekki með
Colombo. AFP. | Leiðtogi Tamíl-tígr-
anna á Srí Lanka lýsti því yfir í gær
að friðarumleitanirnar í landinu
væru eintóm tímasóun. Leiðtoginn,
Velupillai Prabhakaran, sakaði
stjórn Srí Lanka um tilraun til „þjóð-
armorðs“ og hét því að svara árásum
hennar.
Í árlegri stefnuræðu sinni, sem
Prabhakaran flutti í frumskógar-
fylgsni sínu í norðanverðu landinu,
virtist hann lýsa yfir allsherjarstríði
gegn stjórn Srí Lanka.
Aðalsamningamaður Tamíl-tígr-
anna féll í loftárás stjórnarhersins
fyrr í mánuðinum og ræða leiðtogans
bendir til þess að uppreisnarhreyf-
ingin vilji ekki lengur eiga samstarf
við Norrænu eftirlitssveitirnar
(SLMM) sem hafa fylgst með fram-
kvæmd vopnahléssamnings frá 2002.
Prabhakaran sagði að Norrænu
eftirlitssveitirnar
undir forystu
Norðmanna
hefðu „lokað aug-
unum, bundið
hendur sínar aft-
ur fyrir bak og
farið að sofa í
Colombo“.
„Sinhalar eru
að reyna að tor-
tíma tamílsku þjóðinni,“ sagði
skæruliðaleiðtoginn. „Þeir hafa hafið
óumræðilegt ofbeldi gegn annarri
þjóð. Þeir vilja aðeins leysa tamíla-
málið með því að beita hervaldi og
kúgun.“
Tamíl-tígrarnir berjast fyrir sjálf-
stæðu ríki tamíla á norðaustur- og
norðurhluta eyjunnar. Átökin hafa
staðið yfir í aldarfjórðung og tugþús-
undir fallið.
Virðist lýsa yfir stríði
Prabhakaran
Dalvegi 10-14 • Sími 577 1170
Innrettingar
Þi´n vero¨ld
X
E
IN
N
IX
0
7
10
0
25