Morgunblaðið - 30.11.2007, Síða 8

8 FÖSTUDAGUR 30. NÓVEMBER 2007 MORGUNBLAÐIÐ
FRÉTTIR
BENT Scheving Thorsteinsson at-
hafnamaður afhenti á miðvikudag
Styrktarsjóðum Háskóla Íslands 13
milljóna króna peningagjöf. Fjár-
munirnir munu m.a. nýtast í þágu
rannsókna við skólann.
Á nærri sjö árum hefur Bent fært
skólanum 60 milljónir króna sem
runnið hafa til þriggja styrktar-
sjóða, þ.e. Verðlaunasjóðs Óskars
Þórðarsonar læknis, Verðlauna-
sjóðs Bergþóru og Þorsteins Schev-
ing Thorsteinssonar lyfsala og
Styrktarsjóðs Margaret og Bent
Scheving Thorsteinssonar. Þeir
voru stofnaðir árin 2000 og 2001 og
alls hafa sjóðirnir veitt fimmtán
styrki til vísindarannsókna. Sjóðir
sem slíkir eru háskólanum afar
mikilvægir, sér í lagi fyrir unga vís-
indamenn sem eru að hasla sér völl
á sviði vísinda, segir í frétt frá HÍ.
Hefur fært Háskóla Íslands
60 milljónir króna á sjö árum
Morgunblaðið/Sverrir
Styrkur Bent og Margaret færðu Kristínu Ingólfsdóttur rektor gjöfina.
NÝBYGGINGAR Háskóla Íslands; Háskólatorg,
Gimli og Tröð, verða vígðar með hátíðarbrag
laugardaginn 1. desember kl. 17. Byggingarnar
eru samtals um 10.000 fermetrar. Við opunun-
arathöfnina ávarpar Þorgerður Katrín Gunn-
arsdóttir menntamálaráðherra gesti og Björg-
ólfur Guðmundsson, stjórnarformaður Háskólasjóðs Eimskips, afhjúpar
listaverk Finns Arnar Arnarssonar „Vits er þörf þeim er víða ratar“, sem
prýðir miðrými Háskólatorgs. Þá flytur Kristín Ingólfsdóttir háskóla-
rektor ávarp, auk fulltrúa stúdenta, Félagsstofnunar stúdenta og bygging-
araðila. Háskólakórinn syngur og gleðisveitin 7 á Torgi leikur.
Háskólatorgið vígt á morgun
KENNARAR við Digranesskóla lýsa yfir þungum áhyggjum af kjara-
málum grunnskólakennara. Skólastarfi sé stefnt í verulega hættu með fá-
ránlega lágum launum sem valdið hafi flótta úr stéttinni. Kaupmáttur
launa grunnskólakennara og skólastjóra í Reykjavík hafi rýrnað um 5,6%
frá árinu 2005 á meðan kaupmáttur almennt hafi vaxið um 8% fram á mitt
ár 2007. Grunnskólakennarar hafi því dregist verulega aftur úr viðmið-
unarstéttum. Kennarar við Digranesskóla skora á bæjarstjórn Kópavogs
að nýta sér þann möguleika að semja sérstaklega við grunnskólakennara í
Kópavogi. „Kennarar í Digranesskóla hafa fengið nóg af því að þurfa
stanslaust að standa í kjarabaráttu og reyna að draga viðmiðunarhópa sína
upp í launum í lok hvers samningstímabils. Það er ekki bjóðandi að í land-
inu séu kennurum borguð laun sem eru með þeim allra lægstu í OECD-
löndunum eins og komið hefur í ljós. Það getur ekki verið í þágu mennt-
unar,“ segir í ályktun fundar þeirra.
Kennarar krefjast kjarabóta
Eftir Egil Ólafsson
egol@mbl.is
GREIÐSLUR til 1.600-1.700 ör-
yrkja lækka núna um mánaðamótin.
Lækkunin er frá nokkrum krónum
upp í tugi þúsunda á mánuði. Hluti
hópsins mun fá lækkunina bætta að
hluta frá Tryggingastofnun ríkisins.
Um hundrað öryrkjar fá hærri líf-
eyri eftir breytinguna.
Félagsmálaráðherra hafði óskað
eftir því við lífeyrissjóðina að þeir
frestuðu hækkuninni um eitt ár gegn
því að fá 100 milljónir úr ríkissjóði.
Árni Guðmundsson, framkvæmda-
stjóri lífeyrissjóðsins Gildis, sagði að
kostnaður lífeyrissjóðanna væri 300
milljónir og því dygði þessi upphæð
ekki. Hann sagði að breytingin, sem
hefur verið lengi í undirbúningi, væri
gerð í samræmi við samþykktir líf-
eyrissjóðanna.
Skerðing örorkulífeyrisins er til
komin vegna þess að þessi hópur ör-
yrkja hefur verið að fá hærri örorku-
lífeyri en hann var með í laun áður en
hann fór á örorku. Tekjur fólksins
hafa verið uppreiknaðar miðað við
launavísitölu. Upphaflega var ráð-
gert að miða við neysluverðsvísitölu,
en því var breytt. Viðmið við launa-
vísitölu kemur betur út fyrir öryrkj-
ana.
Jóhanna Sigurðardóttir sagði í
samtali við Morgunblaðið fyrr í vik-
unni að þessi breyting myndi leiða til
víxlverkunar milli Tryggingastofn-
unar og lífeyrissjóðanna og gera rík-
isvaldinu erfiðara fyrir við að bæta
stöðu öryrkja. Árni sagði að þetta
væri að vísu rétt, en það hefði líka oft
gerst að þegar lífeyrissjóðirnir hefðu
aukið réttindi öryrkja hefði ríkið tek-
ið hækkunina til baka með skerðingu
bóta frá TR. Hann sagði að lífeyr-
issjóðirnir fögnuðu því að félags-
málaráðherra hefði sett af stað vinnu
við að skoða samspil örorkulífeyris
og bóta Tryggingastofnunar. Það
truflaði hins vegar ekki þá vinnu þó
að áform lífeyrissjóðanna um endur-
reikning á örorkulífeyri kæmu til
framkvæmda.
Veruleg lækkun bóta
hjá sumum öryrkjum
Í HNOTSKURN
»Upphaflega áttu skerð-ingar lífeyrissjóðanna að
taka gildi í ágúst í fyrra. Þeim
var frestað tvisvar sinnum, en
koma núna til framkvæmda.
»Öryrkjarnir sem verðafyrir skerðingum hafa ver-
ið upplýstir um stöðu sína og
hafa fengið tækifæri til að
koma með athugasemdir og
viðbótargögn.
FRAMTÍÐARSKÓLINN er yfir-
skrift annars skólaþings Sambands
íslenskra sveitarfélaga sem haldið er
í dag á Hilton Reykjavík Nordica
hóteli. Í gær höfðu um 230 þátttak-
endur skráð sig til þátttöku, að sögn.
Í þeim hópi voru sveitarstjórnarfólk,
skólanefndarmenn, starfsmenn og
stjórnendur skólamála jafnt á skóla-
skrifstofum og í grunn- og leikskól-
um.
Á þinginu verður m.a. fjallað um
mál sem hafa munu afgerandi áhrif á
skólamál sveitarfélaganna. Svandís
Ingimundardóttir, þróunar- og
skólafulltrúi á þróunar- og alþjóða-
sviði sambandsins, nefndi í því sam-
bandi frumvörp til laga um leikskóla,
grunnskóla, framhaldsskóla og um
menntun og ráðningu kennara og
skólastjórnenda á öllum þremur
skólastigunum. Á þinginu verður at-
hyglinni sérstaklega beint að mál-
efnum leik- og grunnskóla, enda þau
skólastig á vegum sveitarfélaganna.
Einnig verður fjallað um skóla-
málastefnu Sambands íslenskra
sveitarfélaga en slík stefna er nú að
líta dagsins ljós í fyrsta sinn. Þar er
sambandið að leggja línur um hlut-
verk sitt fyrir hönd sveitarfélaganna
í heild varðandi skólamál bæði gagn-
vart ríkinu og eins milli sveitarfélag-
anna.
Þá verður fjallað um samstarfs-
verkefni sambandsins og Félags
grunnskólakennara og Skólastjóra-
félags Íslands um mótun framtíðar-
sýnar í málefnum grunnskólans. Að
þessu verkefni hefur hópur 24 þátt-
takenda unnið frá því í vor sem leið.
Að sögn Svandísar hefur umræðan í
hópnum snúist um kjaralegu hliðina
en ekki síður þá faglegu.
Einnig munu sambandið og ein-
stök sveitarfélög kynna átta ný-
breytniverkefni í skólamálum á
skólaþinginu. Þeirra á meðal er til-
raunaverkefni sem sambandið hefur
sett af stað með fjórum sveitarfélög-
um á Suðurlandi. Þau safna gögnum
um rekstrarkostnað, menntun kenn-
ara, árangur nemenda á samræmd-
um prófum og viðhorf nemenda til
þjónustu grunnskólans. Þessar upp-
lýsingar eru notaðar til að bera sam-
an grunnskólana og læra hvað betur
má fara.
Í öðrum nýbreytniverkefnum er
t.d. fjallað um samfellu milli grunn-
og framhaldsskóla í Borgarbyggð og
nýjungar í vinnutímaskipulagi kenn-
ara í Norðlingaskóla í Reykjavík.
Sveitarfélög ræða um
skóla framtíðarinnar
JÓN Eyjólfur Jónsson
sundkappi og lögreglu-
þjónn lést á heimili sínu í
Adelaide í Ástralíu í
gær, 82 ára að aldri. Jón
Eyjólfur var fæddur 18.
maí 1925 og uppalinn á
Grímsstaðaholtinu.
Hann var sonur
hjónanna Jóns Eyjólfs-
sonar og Þórunnar Páls-
dóttur.
Í æsku fékk Eyjólfur
berkla og um hríð var
óttast að taka þyrfti af
honum fæturna vegna
þeirra veikinda. Eyjólfur læknaðist
og komst á legg og lagði fyrir sig
íþróttir. Sjósund var ein af aðal-
íþróttagreinum hans og þreytti hann
mörg afrekssundin, meðal þeirra var
Drangeyjarsundið, sem hann synti
tvisvar, ósmurður í sundskýlu einni
fata. Einnig var Eyjólfur kunnur fyr-
ir Akranessundið, Kollafjarðarsund-
ið, Vestmannaeyjasundið og svo synti
hann oft yfir Skerjafjörðinn, til
Bessastaða á Álftanesi. Árið 2004
syntu nokkrir sundmenn það sund
ásamt dóttursyni Eyjólfs, í tilefni af
útgáfu æviminninga Eyjólfs, sem Jón
Birgir Pétursson ritaði, og var hópn-
um boðið til kaffisamsætis hjá forseta
Íslands, Ólafi Ragnari Grímssyni, að
því loknu, þar sem
Eyjólfur afhenti for-
setanum fyrsta eintak-
ið af bókinni. Eyjólfur
var, þar til í sumar, eini
Íslendingurinn sem
reynt hafði að synda
Ermarsundið frá
Dover til Calais í
Frakklandi.
Í æsku var Eyjólfur
mikill leiðtogi og ásamt
Halldóri Sigurðssyni
stofnaði hann íþrótta-
félagið Þrótt, sem er
meðal elstu íþrótta-
félaga sem starfa í Reykjavík. Stóðu
þeir fyrir miklu unglinga- og barna-
starfi á þeim vettvangi. Eyjólfur var
alla tíð mjög stoltur af starfi þeirra
sem var metnaðarfullt og drífandi.
Eyjólfur missti eiginkonu sína,
Katrínu Dagmar Einarsdóttur, fyrir
ellefu árum, og var það honum mikil
sorg, því þau voru mjög samrýmd og
samtaka í öllu sem þau tóku sér fyrir
hendur. Að henni látinni var Eyjólfi
boðið til Ástralíu, af vini sínum Jos-
eph Walsh, en vinskapur þeirra hófst
í heimsstyrjöldinni síðari, þar sem
Joe dvaldi á Íslandi sem dulmálsþýð-
andi breska hersins. Eyjólfur bjó síð-
ustu æviár sín í Adelaide í Ástralíu
ásamt Marie Pilgrim.
Andlát
Jón Eyjólfur Jónsson