Morgunblaðið - 17.01.2008, Qupperneq 12

12 FIMMTUDAGUR 17. JANÚAR 2008 MORGUNBLAÐIÐ
FRÉTTIR
AFLAVERÐMÆTI íslenzkra skipa
nam 68,5 milljörðum króna á fyrstu
tíu mánuðum ársins 2007 samanbor-
ið við 64,3 milljarða á sama tímabili
2006. Aukningin nemur 4 milljörð-
um króna eða 6,5% milli ára, sam-
kvæmt útreikningum Hagstofu Ís-
lands. Aflaverðmæti í október var 6
milljarðar sem er sambærilegt við
október 2006. Aflaverðmæti botn-
fisks var í lok október orðið 51,4
milljarðar miðað við 48,3 milljarða á
sama tíma árið 2006 og er um 6,4%
aukningu að ræða. Verðmæti þorsk-
afla var 25 milljarðar og jókst um
12%. Aflaverðmæti ýsu nam 11,8
milljörðum, sem er 23,2% aukning.
Ufsaafli dróst saman að verðmæti
um 10,5%, var 3,5 milljarðar króna.
Verðmæti flatfiskafla dróst saman
um 16,2%, nam 3,8 milljörðum
króna.
Aukin verðmæti í loðnunni
Aflaverðmæti uppsjávarafla jókst
um 16,5% og nam 12,4 milljörðum.
Munar þar mestu um verðmæti
loðnu sem nam 4,2 milljörðum sam-
anborið við 2,2 milljarða í fyrra.
Aflaverðmæti kolmunna var 3 millj-
arðar samanborið við 3,6 milljarða
2006 og verðmæti síldarafla var 3,6
milljarðar samanborið við 4,4 millj-
arða 2006. Verðmæti afla sem seld-
ur er í beinni sölu útgerða til
vinnslu innanlands var 28,5 millj-
arðar króna, sem er aukning um 4,2
milljarða eða 17,4%. Verðmæti afla
sem keyptur er á markaði til
vinnslu innanlands jókst um 9,8%,
var 11,1 milljarðar. Aflaverðmæti
sjófrystingar var 20 milljarðar og
dróst saman um 6,6% frá fyrra ári.
Verðmæti afla sem fluttur er út
óunninn nam 7,2 milljörðum sem er
6,1% aukning.
Hærra fiskverð, minni afli
Aflaverðmæti á síðasta ári er enn
meira en árið áður, þegar miðað er
við fyrstu 10 mánuði ársins. Mun-
urinn er um 6%. Skýringin liggur
eins og áður ekki í auknum fiskafla,
heldur hækkun fiskverðs á innlend-
um og erlendum mörkuðum. Gera
má ráð fyrir því að þegar allt árið
verði gert upp, verði aukningin
minni. Eins og fram kemur í þess-
um tölum er aflaverðmæti í október
í fyrra það sama og árið áður. Það
er vegna niðurskurðar þorskkvót-
ans og óvenju slæmra gæft síðast-
liðið haust. Það sama á svo við um
nóvember og desember, þegar tölur
úr þeim mánuðum bætast við.
Reyndar mun vega þar á móti mikill
síldarafli í desember. Engu að síður
má gera ráð fyrir því að aflaverð-
mæti í þessum mánuðum á síðasta
ári verði minna en í sömu mánuðum
árið áður.
Mest verðmæti á Suðurnesjum
Þegar litið er á einstaka lands-
hluta fyrstu 10 mánuði síðasta árs,
kemur í ljós að mest aflaverðmæti
hafa skilað sér á land á Suðurnesj-
um, 13,3 milljarðar króna. Næst
mest verðmæti komu á land á höf-
uðborgarsvæðinu, 12,3 milljarðar
króna. Á Norðurlandi eystra var
landað fiski að verðmæti 9,4 millj-
arðar króna, á Austurlandi var
verðmætið 8,8 milljarðar, 6,3 á Suð-
urlandi, 4,2 á Norðurlandi vestra,
3,5 milljarðar á Vesturlandi og 3,4 á
Vestfjörðum.
Mikil aukning á Vesturlandi
Athygli vekur mikil aukning afla-
verðmæta á Vesturlandi, 42,5% milli
ára. Það skýrist væntanlega af
meiri löndunum því aukningin er
langt umfram hækkun á fiskverði.
Þá er 22% verðmæta aukning á
Suðurnesjum, sem er ekki langt frá
hækkun fiskverðsins. Skýringin á
miklum aflaverðmætum á Suður-
nesjum liggur meðal annars í því að
þar er þorskur mjög hátt hlutfall
aflans, sérstaklega á vetrarvertíð.
11% samdráttur er á Norðurlandi
vestra og 8% á höfuðborgarsvæð-
inu. Þar getur samdráttur í sjó-
frystingu haft nokkur áhrif.
Verðmæti fiskaflans
hefur aukizt um 6,5%
Aflaverðmæti í október í fyrra þó svipað og árið áður
Í HNOTSKURN
»Aflaverðmæti botnfisks var ílok október orðið 51,4 millj-
arðar miðað við 48,3 milljarða á
sama tíma árið 2006 og er um
6,4% aukningu að ræða
»Þegar litið er á einstakalandshluta fyrstu 10 mánuði
síðasta árs, kemur í ljós að mest
aflaverðmæti hafa skilað sér á
land á Suðurnesjum, 13,3 millj-
arðar króna
»Athygli vekur mikil aukningaflaverðmæta á Vesturlandi,
42,5% milli ára. Það skýrist
væntanlega af meiri löndunum
því aukningin er langt umfram
hækkun á fiskverði»
 
 
    
   
 !  " 
#


 $

%

&'' 

( )  *+
, 



- ./
!!/
0 1/0
!/
/
 




   
 
 
 
 
 2 3  .0 -./
1 /
0 1./0
4/1
0/.
  
" 
- !1/1
-4/.
0 004/
4/0
/
 
- 11/.
- .4/
0 !./1
./.
/4
    







ÚR VERINU
„MÉR sýnist þegar upp er staðið að
ráðuneytið hafi ekki tekið af skarið
með sveitarfélögunum varðandi
legu Sundabrautar. Það hefur ekki
verið ákveðið hvort um einkafram-
kvæmd verður að ræða, ekki verið
ákveðið hvort beitt verði vegtollum
eða skuggagjöldum og þannig
mætti áfram telja,“ sagði Árni Þór
Sigurðsson, þingmaður Vinstri
grænna, á Alþingi í gær en hann
beindi þremur fyrirspurnum til
samgönguráðherra; um Sunda-
braut, tvöföldun Vesturlandsvegar
við Kjalarnes og tvöföldun Hval-
fjarðarganga.
Kristján L. Möller samgönguráð-
herra sagði hins vegar að Sunda-
braut væri í eins miklum forgangi
og hægt væri enda væri hún eitt
brýnasta verkefni í vegamálum á Ís-
landi. Hann hvatti til yfirvegaðrar
og opinnar umræðu um málið en
sagðist ekki geta tjáð sig um það á
þessu stigi þar sem hann gæti þurft
að kveða upp úrskurð ef til ágrein-
ings kæmi milli Vegagerðarinnar og
sveitarstjórna um legu vegarins.
Árni Þór var ekki sáttur við svör-
in, sagði að það gæti átt við um allar
samgönguframkvæmdir að ráð-
herra gæti þurft að kveða upp úr-
skurð og spurði hvort ráðherra ætl-
aði þá ekki að hafa skoðun á neinu.
Nú þegar lægi fyrir þverpólitísk
samstaða í borgarstjórn Reykjavík-
ur um legu Sundabrautar jafnt sem
og að fara jarðgangaleiðina.
Árvakur/Sverrir
Brýnt verkefni Samgönguráðherra
segir Sundabraut eitt brýnasta
verkefnið í samgöngumálum.
Tók ekki
af skarið
Eftir Höllu Gunnarsdóttur
halla@mbl.is
Í ÖLLUM stjórnmálaflokkum virð-
ast vera hugmyndir um að breyta
megi verklagi við skipun hæstarétt-
ardómara þó að ekki sé einhugur um
í hverju þær breytingar eigi að vera
fólgnar, að því er fram kom í um-
ræðum á Alþingi í gær.
Fulltrúar stjórnarandstöðuflokk-
anna auk Samfylkingar létu í ljós
vilja til að Alþingi komi að skipan
hæstaréttardómara. Birgir Ár-
mannsson, þingmaður Sjálfstæðis-
flokks, varaði hins vegar við því enda
gætu embættisveitingar þá orðið bit-
bein í pólitískum deilum eða jafnvel
hrossakaupum í þinginu.
Birgir og flokksbróðir hans, Sig-
urður Kári Kristjánsson, voru hins
vegar áfram um að málin yrðu skoð-
uð. „Ég hef margoft lýst því yfir [...]
að ég tel óeðlilegt að hæstaréttar-
dómarar sjálfir gefi dómaraefnum
sem sækja um starf við réttinn ein-
kunn,“ sagði Sigurður Kári.
Lúðvík ósammála Árna
Tilefni umræðunnar var umdeild
ákvörðun Árna M. Mathiesen, þá
setts dómsmálaráðherra, um skipun
í embætti héraðsdómara. Siv Frið-
leifsdóttir, Framsókn, vildi vita
hvort Lúðvík Bergvinsson, þing-
flokksformaður Samfylkingarinnar,
væri sammála þessu vali en Lúðvík
hefur lagt fram frumvarp á Alþingi
þess efnis að Alþingi komi að vali á
hæstaréttardómurum.
Lúðvík sagðist þegar hafa greint
Árna frá því að hann væri ekki sam-
mála mati hans og áréttaði jafnframt
að stjórnarsamstarfið væri þannig
að farið gæti fram hreinskiptin og
opin umræða. „Það er bara heil-
brigðisvottorð á samstarfið,“ sagði
hann.
Að undanskildum Lúðvík tók eng-
inn samfylkingarmaður þátt í um-
ræðunni og þingmenn Sjálfstæðis-
flokks voru einir um að verja
skipunina.
Stjórnarandstaðan gagnrýndi
skipunina hins vegar harðlega og
höfðu þingmenn áhyggjur af því að
umræða um pólitíska skipun dómara
rýrði tiltrú fólks á réttarkerfið. „Það
verður að koma málum þannig fyrir
að meiri friður ríki um skipun dóm-
ara á Íslandi,“ sagði Valgerður
Sverrisdóttir, þingmaður Fram-
sóknarflokks.
Nýjar reglur um
hæstaréttardómara?
Lúðvík Bergvinsson ósáttur við ákvörðun Árna M. Mathiesen
Árvakur/Golli
Hugsandi menn Þeir voru greinilega hugsi þingmennirnir sem ljósmyndari Morgunblaðsins festi á filmu en hvort
þeir voru að velta fyrir sér reglum um skipan dómara skal látið ósagt.
Ekkert svar
Fjórar af 11 fyrirspurnum voru teknar
út af dagskrá þingfundar í gær. Allt
voru þetta fyrirspurnir sem beint var
að fjármálaráð-
herra en forseti
sagði hann vera
með fjarvist-
arleyfi.
Valgerður Sverr-
isdóttir, Fram-
sókn, var ekki
sátt við að fá ekk-
ert svar við fyr-
irspurn sinni um
hvort ríkisfyrirtækin Landsvirkjun og
RARIK hyggist draga sig út úr útrás-
arverkefnum sem þau eiga aðild að í
samstarfi við einkaaðila. „Það eru
mánuðir síðan hún var lögð fram,
margir mánuðir, um það leyti sem
meirihlutinn féll hér í höfuðborg Ís-
lands,“ sagði Valgerður og velti því
upp hvort fjármálaráðherra treysti
sér ekki til að svara fyrirspurninni
enda væri hún viðkvæm fyrir Sjálf-
stæðisflokkinn.
Ekki sé gist í skólum
Það skýtur skökku við að skólum sé
breytt í gististaði á sumrin, að mati
Ólafar Nordal, þingmanns Sjálfstæð-
isflokks, en hún vildi fá svör frá iðn-
aðarráðherra um hvort hann teldi
slík afskipti ríkisins af ferðaþjónustu
eðlileg. Össur Skarphéðinsson
sagði að víða væri litið svo á að um
nauðsynlega viðbót við gistirými væri
að ræða en væri þetta talið skerða
samkeppni mætti alveg gera könnun
á því.
Dagskrá þingsins
Þingfundur hefst k. 10:30 í dag með
óundirbúnum fyrirspurnum og síðan
fer fram utandagskrárumræða um
efnahagsmál.
Leiðrétt
Rangt var haft eftir Guðbjarti Hann-
essyni í blaðinu í gær varðandi skip-
an Jafnréttisráðs og mátti skilja svo
að Háskólinn á Bifröst fengi fulltrúa í
jafnréttisráði eftir væntanlega laga-
breytingu. Hið rétta er að Guðbjartur
sagði að nefndarmenn í félags- og
tryggingamálanefnd hefðu ekki talið
að annað af tveimur rannsókn-
arsetrum á sviði jafnréttismála, þ.e.
Rannsóknarstofa í kvenna- og kynja-
fræðum, ætti að eiga aðild að ráðinu
umfram hitt, þ.e. Háskólann á Bif-
röst. Beðist er velvirðingar á mistök-
unum.
Þetta helst...
Ólöf Nordal