Morgunblaðið - 03.04.2008, Qupperneq 2

2 FIMMTUDAGUR 3. APRÍL 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
FJÁRMÁLARÁÐHERRA hefur
lagt fram á Alþingi frumvarp um
breytingar á tekjuskattslögum í
framhaldi af yfirlýsingu ríkisstjórn-
arinnar um aðgerðir til að liðka fyr-
ir kjarasamningum fyrr í vetur.
Samanlagt er áætlað að tekjur rík-
issjóðs skerðist um 23 milljarða
króna vegna ákvæða sem er að
finna í frumvarpinu þegar þau eru
að fullu komin til framkvæmda, en
áhrifin á þessu ári eru talin nema
tæpum tveimur milljörðum króna.
Meðal tillagna, sem er að finna í
frumvarpinu, má nefna hækkun
persónuafsláttar um sjö þúsund
krónur á mánuði í áföngum á þrem-
ur árum umfram árlega verðupp-
færslu. Þetta er talið minnka
tekjur ríkissjóðs um 4,5 miljarða
króna á næsta
ári og 15 millj-
arða króna sam-
anlagt þegar
hækkunin er að
fullu komin til
framkvæmda.
Skattur á fyr-
irtæki lækkar
Þá er einnig
ákvæði í frumvarpinu um lækkun
tekjuskatts hlutafélaga og einka-
hlutafélaga úr 18% í 15% og sam-
eignarfélaga úr 26% í 23,5%.
Tekjutap ríkissjóðs vegna þessa er
talið geta numið allt að 5 millj-
örðum króna á ári.
Þá eru lagðar til breytingar á
tekjuskerðingarmörkum barnabóta.
Þau hækka í ár og aftur á næsta
ári og er áætlað að það kosti rík-
issjóð 1,2 milljarða króna í ár og 2
milljarða þegar þetta er að fullu
komið til framkvæmda.
Loks er í frumvarpinu að finna
ákvæði um 35% hækkun á eigna-
viðmiðunarmörkum vaxtabóta, sem
kemur til framkvæmda við álagn-
ingu í ár og er áætlað að kosti rík-
issjóð um 700 milljónir króna á ári.
Fjármálaráðherra hefur einnig
lagt fram á Alþingi frumvarp um
lækkun stimpilgjalda, en það var
ranglega eignað viðskiptaráðherra í
Morgunblaðinu í gær.
Þá er einnig komið fram í
þinginu stjórnarfrumvarp sem fjár-
málaráðherra flytur um uppbót á
eftirlaun, en það tryggir að lífeyr-
isþegar fái að lágmarki 25 þúsund
kr. í tekjur frá lífeyrissjóði að við-
bættri uppbót á eftirlaun frá 1. júlí
2008.
23 milljarða tekjuskerðing
vegna aðgerða stjórnvalda
Hækkun persónuafsláttar kostar ríkissjóð 4,5 milljarða króna á næsta ári
Árni M. Mathiesen
Í HNOTSKURN
»Viðmiðunarmörk teknavegna barnabóta hækka úr
100 þús. í 120 þús.í ár fyrir ein-
stæða foreldra.
»Persónuafsláttur hækkar umtvö þúsund krónur á mánuði í
upphafi næsta árs.
»Persónuafsláttur hækkar aft-ur um 2.000 í ársbyrjun 2010
og síðan 3.000 árið eftir, í árs-
byrjun 2011.
Eftir Andra Karl
andri@mbl.is
HÉRAÐSDÓMUR Vestfjarða sýkn-
aði í gær tvo karlmenn af ákæru um
akstur undir áhrifum fíkniefna.
Dómurinn er ekki síst merkilegur
fyrir þær sakir að umbrotsefni
kannabisefna fundust í þvagi mann-
anna, og áður hefur það eitt nægt
héraðsdómstólum til að dæma ein-
staklinga til refsingar.
Báðir mennirnir játuðu fyrir lög-
reglu að hafa neytt kannabisefna, en
sögðu það hafa verið nokkrum dög-
um fyrir umræddan akstur og neit-
uðu þeir því alfarið að vera óhæfir til
að stjórna bifreiðum sínum.
Dómurinn komst að þeirri niður-
stöðu að framburður ákærðu væri
fyllilega í samræmi við niðurstöður
rannsókna á blóð- og þvagsýnum, en
einnig matsgerð Rannsóknarstofu í
lyfja- og eiturefnafræðum. „Þá verð-
ur af matsgerðinni og framburði
Jakobs [Kristinssonar dósents] ráð-
ið, sem og lýsingu í lögregluskýrslu
á ástandi ákærða umrætt sinn, að
ekkert bendi til þess að ákærði hafi í
raun verið undir áhrifum ávana- og
fíkniefna við aksturinn,“ segir í báð-
um dómum.
Óvirkt umbrotsefni mældist
Í umferðarlögum kemur fram að
enginn megi stjórna eða reyna að
stjórna vélknúnu ökutæki ef hann er
undir áhrifum ávana- og fíkniefna.
Einnig að ef ávana- og fíkniefni mæl-
ast í blóði eða þvagi ökumanns teljist
hann undir áhrifum og þar með
óhæfur til að stjórna ökutæki örugg-
lega.
Engin fíkniefni fundust í blóði
mannanna, en í þvagi beggja mæld-
ist tetrahýdrókannabínólsýra, sem
er óvirkt umbrotsefni tetrahýdró-
kannabínóls, sem aftur er hið virka
efni í kannabis. Tetrahýdró-
kannabínólsýra er í flokki ávana- og
fíkniefna.
Stutt yfirferð yfir fallna dóma, á
vefsvæði héraðsdómstólanna, dom-
stolar.is, leiddi í ljós að nokkrir ein-
staklingar hafa verið sakfelldir eftir
að í þvagi þeirra hafði aðeins fundist
umbrotsefni kannabisefna.
Hæstiréttur virðist hins vegar
ekki hafa tekið afstöðu til slíkra
mála.
Í nóvember á sl. ári var þannig
karlmaður á fertugsaldri sektaður
um 70 þúsund krónur og sviptur
ökuréttindum í þrjá mánuði í Hér-
aðsdómi Suðurlands, auk þess að
greiða 176 þúsund krónur í sak-
arkostnað, vegna umferðarlaga-
brots. Í niðurstöðu dómsins kemur
fram að fíkniefni hafi ekki mælst í
blóði mannsins en tetrahýdró-
kannabínólsýra í þvagi.
Vilji löggjafans til að refsa
Í dómnum segir að „ljóst [sé] að
vilji löggjafans er sá að refsa mönn-
um, reyni þeir að stjórna ökutæki
eftir að hafa neytt ávana- og fíkni-
efna, þrátt fyrir að efnin eða nið-
urbrotsefni þeirra finnist eingöngu í
þvagi. […] Engu breytir, þó svo
fram komi í matsgerð lækn-
isfræðilegar útskýringar á hugtak-
inu að vera undir „áhrifum“, hvort
skilyrði ofangreinds lagaákvæðis
séu uppfyllt eða ekki.“
 Tveir karlmenn voru í gær sýknaðir af ákæru um akstur undir áhrifum fíkniefna  Í þvagi þeirra
fundust þó umbrotsefni kannabisefna  Það eitt hefur áður nægt héraðsdómurum til sakfellingar
Héraðsdómstólar ekki samstiga
Morgunblaðið/Sverrir
„ÞAÐ er lýsandi dæmi um hvernig
stjórnmálaumræðan á Íslandi er
stundum ef það er gert að aðalmáli
þeirrar heimsóknar sem ég og utan-
ríkisráðherra erum í á þessum mik-
ilvæga leiðtogafundi að við skulum
hafa fundið hagstæða leið til að kom-
ast hingað,“ sagði Geir H. Haarde
forsætisráðherra þegar hann var
spurður út í gagnrýni á að sendi-
nefnd Íslands á leiðtogafund Nató í
Búkarest í Rúmeníu skuli hafa tekið
einkaflugvél á leigu.
Forsætisráðuneytið hefur upplýst
að munurinn á að taka venjulegt flug
til Búkarest og leiguflugvél hafi ver-
ið 100-200 þúsund, þ.e.a.s. leiguflug-
ið var þessu dýrara en farþegaflugið.
Ingibjörg hittir Condoleezza
Ingibjörg Sólrún Gísladóttir mun
hitta Condoleezza Rice, utanríkis-
ráðherra Bandaríkjanna, 11. apríl
nk. í Washington. Þetta var ákveðið
eftir að þær hittust á leiðtogafundi
Nató í Rúmeníu í gær. Á tvíhliða
fundi ráðherranna í Washington
verður m.a. rætt um varnarsamstarf
þjóðanna og um vegabréfamál milli
landanna en áhugi er á að koma þeim
málum í betra horf.
Lýsandi
fyrir
umræðuna
♦♦♦
Eftir Guðna Einarsson
gudni@mbl.is
GRÁGÆSASTOFNINN íslenski hefur verið
vanmetinn og er líklega allt að því tvöfalt sterk-
ari en talið hefur verið, að mati dr. Arnórs Þ.
Sigfússonar fuglafræðings. Hann segir vísbend-
ingar um að stofninn geti verið 150–160 þúsund
fuglar að hausti en ekki 80–100 þúsund fuglar
eins og gjarnan hefur verið álitið.
Ástæður þessa vanmats á grágæsastofninum
eru líklega nokkrar. Fylgst er með viðkomu
gæsanna hér á landi og stundaðar gæsataln-
ingar þar sem m.a. er fylgst með ungahlutfalli.
Grágæsirnar eru síðan taldar heildartalningu í
öllum þekktum náttstöðum þegar þær eru
komnar á vetrarstöðvar á Bretlandseyjum. Um
leið er áætlaður fjöldi þeirra grágæsa sem enn
eru hér á landi. Komið hefur í ljós að lítill hluti
íslenska stofnsins eyðir vetrinum á vestur-
strönd Noregs og eins í Færeyjum og er því
ekki með í talningunni. Þá eru kenningar um að
margar grágæsir komi ekki í hefðbundna nátt-
staði heldur nátti sig á ökrum eða hafi fundið
nýja náttstaði sem verði út undan í gæsataln-
ingum.
Um 35–40 þúsund grágæsir eru veiddar hér á
hverju ári og um 20–25 þúsund gæsir eru veidd-
ar úr sama stofni á Bretlandseyjum. Grágæsa-
veiðin er við þolmörk stofnsins, að mati Arnórs.
Um 90% dauðsfalla fullorðinna gæsa og 50%
dauðsfalla ungra grágæsa hér á landi má rekja
til veiða.
Þessar upplýsingar komu fram í erindi um
gæsir sem Arnór hélt á vegum Hins íslenska
náttúrufræðifélags sl. mánudag. Hann sagði að
flestir gæsastofnar á norðurhveli jarðar hefðu
vaxið mikið frá því um miðja 20. öld. Íslenski
heiðagæsastofninn hefur t.d. tífaldast að stærð
frá því um 1950 og tók stofninn nýjan vaxtar-
kipp eftir árið 2000. Líklega var heiðagæsa-
stofninn nálægt 300 þúsund fuglum síðastliðið
haust. Þá hefur helsingjastofninn styrkst og
helsingjavarp hér á landi aukist. Blesgæsa-
stofninn er sá eini sem á í vök að verjast af þeim
gæsastofnum sem hafa viðdvöl hér á landi.
Hann hefur verið alfriðaður frá árinu 2006.
Líklega tvöfalt fleiri en talið var
Grágæs Flestir gæsastofnar á norðurhveli jarðar hafa vaxið mikið frá miðri síðustu öld.
Morgunblaðið/Ómar
FIMMTÁN ára stúlka var flutt á
slysadeild Landspítalans á níunda
tímanum í gærkvöldi eftir að ekið var
á hana nærri Vogaskóla við Skeiðar-
vog í Reykjavík. Samkvæmt upplýs-
ingum frá lögreglunni á höfuðborgar-
svæðinu hlaut hún beinbrot en er ekki
í lífshættu.
Rannsóknarnefnd umferðarslysa
var kölluð á vettvang og rannsakar til-
drög slyssins ásamt lögreglu. Talið er
að stúlkan hafi hlaupið fyrir bílinn, en
hún var á ferð ásamt hópi unglinga.
Ekið var á
15 ára stúlku
LÖGREGLAN á höfuðborgarsvæð-
inu þurfti að beita varnarúða sínum
þegar tveir karlmenn tóku afskiptum
lögreglumanna afar illa í miðborg
Reykjavíkur síðdegis á mánudag.
Mennirnir höfðu í hótunum auk þess
sem annar þeirra sló lögreglumann í
höfuðið. Þeir voru handteknir og í fór-
um þeirra fundust meint fíkniefni.
Þurftu að beita
varnarúða
♦♦♦