Morgunblaðið - 05.04.2008, Side 4

4 LAUGARDAGUR 5. APRÍL 2008 MORGUNBLAÐIÐ
FRÉTTIR
ÚTFÖR sr. Bolla Þóris Gústavssonar vígslu-
biskups á Hólum var gerð frá Vídalínskirkju
í Garðabæ í gær.
Biskup Íslands herra Karl Sigurbjörnsson
jarðsöng ásamt dr. Sigurði Árna Þórarins-
syni.
Við athöfnina flutti Guðrún Ásmundsdóttir
leikkona ljóð eftir Bolla heitinn.
Líkmenn voru sex börn Bolla, þau Hlín,
Jóna Hrönn, Gústav Geir, Gerður, Bolli Pét-
ur og Hildur Eir, og tvö barnabörn, þau
Andri og Matthildur Bjarnabörn.
Morgunblaðið/Jón Svavarsson
Útför Bolla Gústavssonar
ÚTFÖR Ólafs Ragnarssonar bókaútgefanda
var gerð frá Dómkirkjunni í Reykjavík í gær.
Séra Hjálmar Jónsson jarðsöng og tónlist
flutti Kammerkór Langholtskirkju ásamt Jóni
Stefánssyni organleikara, Viðari Gunnarssyni
einsöngvara og Bryndísi Höllu Gylfadóttur
sellóleikara. Hjalti Rögnvaldsson leikari flutti
ljóð eftir Ólaf heitinn.
Líkmenn voru Einar Hjaltason, Gylfi
Thorlacius, Govert Eggink, Matthías Gíslason,
Jónas Ragnarsson, Ævar Petersen, Ólafur Jó-
hann Ólafsson og Pétur Már Ólafsson.
Morgunblaðið/Jón Svavarsson
Útför Ólafs Ragnarssonar
Eftir Önund Pál Ragnarsson
onundur@mbl.is
HANNES Hólmsteinn Gissurarson
birti í gærmorgun færslu á bloggsíðu
sinni þar sem hann vísaði í þrjá dóma
sem gengið hafa á undanförnum ár-
um, þar sem prófessorar voru ýmist
dæmdir fyrir brot á stjórnsýslulög-
um eða meiðyrði í Hæstarétti. Sjálfur
var Hannes nýverið dæmdur fyrir
brot á höfundarlögum. Umræða um
mál hans er nokkur og hafa fjölmarg-
ir háskólamenn verið inntir álits á
máli Hannesar á vefritinu kistan.is.
Þeirra á meðal er forstöðumaður
Stofnunar Árna Magnússonar, sem
er málsaðili í einum dómanna sem
Hannes vísar til.
Hafði þrennt að leiðarljósi
Kristín Ingólfsdóttir, rektor HÍ,
kveðst ekki þekkja sögu þeirra mála
sem Hannes vísar í sérstaklega, enda
hafi þau gengið fyrir hennar rekt-
orstíð. Með bréfi rektors til Hannes-
ar Hólmsteins nú sé bundinn enda-
hnútur á meðferð máls sem hófst
þegar siðanefnd Háskólans barst
kæra frá Auði Sveinsdóttur árið
2004. Kristín segir að Háskólinn
leggi mat á mál sem upp koma á þeim
forsendum sem fyrir liggja hverju
sinni. Að þessu sinni hafi legið fyrir
hæstaréttardómur og jafnframt
kæra til siðanefndar Háskólans
vegna sama máls. Málsatvik hafi ver-
ið þannig að hún hafi talið efnisleg
rök fyrir áminningu en vegna laga-
tæknilegra þátta hafi skólinn ekki
haft svigrúm til að áminna með rétt-
aráhrifum. Hafi viðbrögð forvera
hennar í öðrum málum verið ólík
bréfi hennar nú sé ástæðan líklega sú
að þáverandi rektor hafi ekki þurft að
bregðast við kæru af því tagi.
,,HÍ er 10.000 manna stofnun og
það er kannski ekki skrýtið að ein-
staka sinnum komi upp mál sem geri
að verkum að bregðast þurfi við og
færa til betri vegar. Ég tek hvert mál
til afgreiðslu sem kemur inn á mitt
borð. Sem rektor hafði ég þrennt að
leiðarljósi við afgreiðslu þessa máls. Í
fyrsta lagi að standa vörð um vísinda-
heiður háskólans, númer tvö að fara
að landslögum og númer þrjú að
virða réttindi starfsmanns. Þetta tel
ég mig hafa gert við afgreiðslu máls-
ins,“ segir Kristín.
Ólafur Þ. Harðarson, forseti fé-
lagsvísindadeildar, hefur lýst sig van-
hæfan til að fjalla um mál Hannesar
og vildi ekki tjá sig um bréf rektors í
samtali við Morgunblaðið í gær.
Rannveig Traustadóttir varadeild-
arforseti kveðst hins vegar sammála
niðurstöðu og afgreiðslu rektors.
Málið hafi ekki verið á forræði deild-
arinnar hingað til. Hannes Hólm-
steinn sé prófessor við deildina,
starfsskyldur hans séu skilgreindar í
lögum samkvæmt því. „Hann mun
sinna þeim áfram hér eftir sem hing-
að til. Við höfum ekkert yfir því að
segja að breyta hans starfsskyldum
vegna þessa máls, enda hefur þessi
átalning ekkert lögformlegt gildi þótt
hún sé mjög alvarleg,“ segir Rann-
veig. Hún telur málið álitshnekki fyr-
ir deildina og Hannes, en við það
verði að una.
„Tek hvert mál til afgreiðslu
sem kemur inn á mitt borð“
Rannveig
Traustadóttir
 Kastljós | 10
Kristín
Ingólfsdóttir
Starfsskyldur Hannesar Hólmsteins við félagsvísindadeild breytast ekki
ALLS voru tæplega 12,6 milljarðar
kr. í peningaseðlum í umferð utan
Seðlabankans í lok febrúar sl. skv.
upplýsingum Seðlabankans. Á sama
tíma voru rúmir tveir milljarðar kr. í
mynt í umferð. Hlutfall seðla og
myntar í umferð utan Seðlabankans
og innlánsstofnana af vergri lands-
framleiðslu var 0,99% í lok febrúar.
Þetta hlutfall er lægra en í flestum
nágrannalöndum okkar, þar sem það
er á bilinu 2-10%.
Litlar breytingar hafa orðið á
magni seðla og myntar í umferð hér
á landi sl. 25 ár þegar reiknað er
hlutfall þeirra af landsframleiðslu,
þrátt fyrir aukna kortanotkun og
aðrar rafrænar greiðslur með til-
komu netsins. Á áratugunum þar á
undan var margfalt meira magn
seðla og myntar í umferð. Hlutfallið
minnkaði jafnt og þétt fram í byrjun
níunda áratugarins en hefur haldist
jafnt og stöðugt síðan.
Að sögn Tryggva Pálssonar, fram-
kvæmdastjóra fjármálasviðs Seðla-
banka Íslands, hefur Seðlabankinn á
seinustu þremur árum uppfært og
bætt öryggi 500, 1.000 og 5.000 kr.
seðla sem eru í umferð og er því
verkefni nú lokið. Árið 1984 hætti
Seðlabankinn að setja 10 króna seðla
í umferð, 1987 50 króna seðla og 1995
var hætt að setja 100 króna seðla í
umferð, og er nú lokið innköllun
þeirra. Í staðinn fyrir þessa seðla var
slegin mynt með sömu verðgildum.
Tryggvi segir engar ákvarðanir
hafa verið teknar um að hefja útgáfu
tíu þúsund kr. seðils. „Á síðustu ár-
um hefur farið fram tiltekt og aukið
öryggi en seðlum hefur ekki verið
fjölgað og engin ákvörðun verið tek-
in um útgáfu verðmeiri seðils.“
Hann segir það athyglisvert hvað
seðlarnir hafa haldið sínum hlut sem
um 1% af landsframleiðslu í hálfan
þriðja áratug. Ísland hafi snemma
tæknivæðst hvað varðar nýjungar í
greiðsluháttum og hlutfall seðla-
notkunar var þá orðið mun minna en
flestum öðrum löndum. Ætla megi
að notkun seðla og myntar hafi kom-
ist í jafnvægi á 9. áratugnum. „Það
er engin ástæða til að vænta þess að
þeir hverfi heldur munu þeir áfram
þjóna sínum tilgangi.“
Seðlar hafa haldið sínu


   

  
    




! " # $ 


 12,6 milljarðar í seðlum í umferð
 Lægra hlutfall landsframleiðslu
ÁRNI Þór Sig-
urðsson, þing-
maður Vinstri
grænna, hefur
lagt fram fyrir-
spurn til utan-
ríkisráðherra um
hvort fjölskyldur
fórnarlamba
sprengjuárása
sem beindust
gegn íslenskum
friðargæsluliðum í Kabúl 2004,
hafi fengið greiddar skaðabætur
frá íslenska ríkinu.
Árásin var gerð við Kjúklinga-
stræti en 11 ára gömul afgönsk
stúlka og 23ja ára gömul banda-
rísk kona létu lífið. „Ef svo er,
hversu háar voru skaðabæturnar
og hvenær voru þær greiddar? Ef
svo er ekki, hefur ráðherra í
hyggju að sjá til þess að fjölskyld-
unum verði greiddar skaðabætur?“
spyr Árni.
Bætur
vegna
sprengju-
árásar
Árni Þór
Sigurðsson