Morgunblaðið - 05.04.2008, Side 31

MORGUNBLAÐIÐ LAUGARDAGUR 5. APRÍL 2008 31
NÚ BERAST endalausar fréttir
af því að verið sé að skera niður hér
og þar hjá lögregluembættum
landsins. Það er látið vanta á vaktir
því það eru ekki til peningar til að
greiða fleirum laun vegna þess að
fjárheimildir eru af
svo skornum skammti.
Það er fækkað á vökt-
unum með auknu álagi
á þá sem fyrir eru,
þrátt fyrir að álagið sé
fyllilega nægt þegar.
Lögreglubifreiðum
fækkað vegna mjög
mikils kostnaðar við
rekstur bílanna, lög-
reglustöðvum lokað og
þjónusta skorin niður.
Nú, nýjasta dæmið
frá Suðurnesjum, lög-
reglustjórinn sendir inn raunhæfa
kostnaðaráætlun fyrir komandi
fjárhagsár sem er u.þ.b 200 millj-
ónir umfram veittar fjárheimildir,
vegna þess að það er fjárþörfin að
hans mati fyrir árið, svo að hlut-
irnir gangi upp. Nei, eina lausnin
sem komið var fram með fyrir hann
af hálfu stjórnvalda var að splitta
upp lög- og tollgæslunni á svæðinu
og samstarf þeirra nú í uppnámi
vegna þessa sparnaðar og er þetta
nú með þeim ólíkindum að lög-
reglustjóri sér sig knúinn til að
segja starfi sínu lausu. Ég er þess
fullviss að Jóhann Benediktsson
lögreglustjóri hefur gert kostn-
aðaráætlun sína af kostgæfni og
þar er ekki neitt bruðl á ferðinni.
Það kostar bara þessar krónur að
reka embætti hans og hana nú.
Hvernig á að spara í löggæslu?
Það er ekki gert nema fækka á
vöktunum, fækka bílum, draga úr
þjónustu við borgarann. Það er
ljóst að 80-90% kostnaðar við lög-
gæslu eru laun lögreglumanna.
Launin eru þó samt ekkert til að
hrópa húrra fyrir. Byrjunarlaun
lögreglumanns skv. kjarasamningi,
sem nú er að vísu bráðum allur, eru
langt undir 200 þús kr. á mánuði.
Það fá nýútskrifaðir lögreglunemar
í grunnlaun fyrir að fara og láta
hrækja á sig í miðbænum í Reykja-
vík. Ég fullyrði að menn fá hærri
laun fyrir vinnu við að steikja píts-
ur og hamborgara.
Lögreglustarfið er að mínu viti
mikilvægt starf. Það ætti að vera
verðlagt sem slíkt en ekki sem
starf sambærilegt við pítsubakstur.
Menn geta ef þeir vilja kynnt sér
launatöflur lögreglumanna sem eru
aðgengilegar á netinu ef þeir vilja
fara í samanburð.
Lögreglustjórum er
gert að senda inn
kostnaðaráætlanir
fyrir fjárhagsárið og
gert að skila rekstri
embætta sinna á núlli.
Stakkurinn er svo
þröngt skorinn að
ekkert má út af
bregða, það má ekki
koma upp eitt einasta
mál til rannsóknar
umfram eitthvert
„norm“, en ef slíkt
gerist fer allt á annan
endann og rekstrarhalli sem mynd-
ast við það flyst þá yfir á næsta ár.
Það er ekkert borð fyrir báru. Það
hefði einhvern tímann þótt hættu-
legt að hlaða skútuna þannig að
það dygði ekki einu sinni að setja
merar á borðstokkinn en allt á kafi
þrátt fyrir það. Það er á þeirri leið í
dag. Á kaf. Nú tala ég líkingamál,
en ef fram heldur sem horfir sekk-
ur skútan með manni og mús.
Það er nefnilega ekki gott fyrir
móralinn innanborðs að vera sífellt
undir því að dallurinn sé að sökkva
og niðurskurðarhnífurinn á öllu og
öllum. Það smitar út í lögregluliðið
og menn verða endalaust leiðir á
sparnaði hér og sparnaði þar.
Hvar er mannauðurinn sem ætti
að vera hafður í hávegum í þessu
starfi? Það þarf að hlúa að þeim
sem starfandi eru í lögreglunni í
dag með því að búa þeim það
starfsumhverfi að þeir geti sinnt
vinnu sinni af fullum þunga og haft
þá viðveru sem nauðsynleg er til að
málin geti gengið upp og til sé
nægilegur fjöldi lögreglumanna til
að sinna því sem upp kemur. Gera
þarf lögreglumönnum það kleift að
lifa af launum sínum þrátt fyrir að
fjölgað sé á vöktum og yfirvinna
minnki. Það er ekki gert nema með
hærri grunnlaunum eða einhvers
konar fastlaunasamningum.
Fjölgun? Það er verið að fjölga
sérsveitarmönnum. Það er vel og
þeir að vinna góða vinnu alls stað-
ar. Hvernig væri að láta þennan
uppgang sem er innan sérsveitar
lögreglunnar ganga yfir alla lög-
regluna í landinu. Ég fullyrði, án
þess þó að meining mín sé að
móðga neinn, að ef stjórnvöld bæru
gæfu til að efla lögregluna alls
staðar á landinu á þann hátt sem
sérsveit ríkislögreglustjóra hefur
verið efld að undanförnu þá værum
við í góðum málum. Látum þetta
ganga yfir lögregluna alla.
Hér er er lítil vísa til gamans:
Kreppta að mér krumlu skók
kauði einskis nýtur.
Húfa, skyrta, bolur, brók,
beinagrind og skítur.
Við fáum oft hnefann á loft og
alls konar hótanir og óþokka á okk-
ur í starfinu. Fólk segir: „Þið eigið
að þola þetta,“ og þetta fylgir starf-
inu. Það kann vel að vera en launin
þurfa að endurspegla starfsum-
hverfið. Horfum fram á veginn og
upp en ekki niður og eflum lögregl-
una á öllum sviðum.
Lögreglumenn: Nú er tækifærið
til að láta í sér heyra og ég hvet fé-
laga mína til að tala hreint út um
ástandið eins og það blasir við nú
víðs vegar um landið. Stöndum
saman um bætt kjör á öllum svið-
um. Við verðum að hafa metnað og
einurð til að búa vel að lögreglunni
og stofnunum hennar öllum en ekki
draga úr henni tennurnar og
stjórnendum hennar endalaust með
kröfum um niðurskurð. Það er til
máltæki á ensku sem er svohljóð-
andi: „Enough is enough!“ Mér
finnst komið nóg og ég fullyrði að
ég tala ekki einn.
Í sparnaðarskyni?
Aðalsteinn Júlíusson
skrifar um störf lögreglunnar » Lögreglustarfið er
mikilvægt. Það ætti
að vera verðlagt sem
slíkt en ekki sem starf
sambærilegt við að
steikja hamborgara eða
baka pítsur.
Höfundur er starfandi
lögregluvarðstjóri á Húsavík.
Aðalsteinn
Júlíusson
Fáðu fréttirnar
sendar í símann þinn
◆ Ársalir - fasteignamiðlun ◆ Ársalir - fasteignamiðlun ◆
Björgvin Björgvinsson, löggiltur fasteignasali
Safamýri 21 - OPIÐ HÚS í DAG
Til sölu falleg 92 fm. íbúð á jarðhæð. Í húsinu eru alls þrjár íbúðir.
Áhugasömum er velkomið að líta við í dag,
milli kl. 13 til 15, og skoða íbúðina. Ásett verð kr. 22,9 m.
Ef þú þarft að selja, leigja eða kaupa fasteign
hefurðu samband í síma 533 4200
eða arsalir@arsalir.is
Ársalir
FASTEIGNAMIÐLUN
Engjateigi 5, 105 Rvk
533 4200
Ársalir ehf – fasteignamiðlun
533 4200 og 892 0667
Engjateigi 5, 105 Rvk
1958 – 200850 ÁRA
1958 – 200850 ÁRA
Óhefðbundnir samningar
við verklegar framkvæmdir
Morgunverðarfundur um
samningskaup og „partnering”
Í tilefni af 50 ára afmæli VSÓ ráðgjafar býður fyrirtækið til morgun-
verðarfundar þriðjudaginn 8. apríl kl. 8:30-10:00 í Háteigi A á
Grand Hótel, Reykjavík.
Undanfarin ár hafa nýjar aðferðir verið reyndar til að leysa flókin
verkefni í samstarfi verktaka og verkkaupa. Á fundinum verður
fjallað um tvær þeirra, samningskaup og partnering.
Danska verkfræðifyrirtækið NIRAS hefur tekið þátt í fjölda verkefna
þar sem partnering aðferðin hefur verið reynd með misgóðum
árangri. Fjallað verður um reynslu NIRAS af þessari aðferð og
lærdóma sem draga má af henni. Meðal annars kom NIRAS að
nýbyggingu danska ríkisútvarpsins, Danmarks Radio.
Eignarhaldsfélagið Portus hf. vinnur nú að byggingu Tónlistar- og
ráðstefnuhúss við Reykjavíkurhöfn, verkefni sem fyrirtækið hreppti
að undangengnu samningskaupaútboði á vegum ríkisins og
Reykjavíkurborgar. Félagið fjármagnar, hannar, byggir og rekur
mannvirkið og alla starfsemi í húsinu næstu áratugi. Gerð verður
grein fyrir samningskaupaaðferðinni og reynslu félagsins af henni
allt frá útboði til dagsins í dag.
Dagskrá:
Partnering – hvað þarf til að aðferðin heppnist?
Anders Kirk Christoffersen verkfræðingur.
Samningskaup – lærdómur af byggingu
Tónlistar- og ráðstefnuhúss í Reykjavík,
Helgi S. Gunnarsson, verkfræðingur og
framkvæmdastjóri Eignarhaldsfélagsins Portus hf.
Umræður, spurningar og svör.
Fundarstjóri: Grímur M. Jónasson, framkvæmdastjóri VSÓ ráðgjafar.
Fundurinn er ætlaður fjárfestum, verktökum, verkkaupum, ráðgjöfum, opinberum
aðilum og öðrum þeim sem standa að stórum og flóknum byggingaframkvæmdum.
Aðgangur er í boði VSÓ.
Vinsamlegast tilkynnið þátttöku fyrir 7. apríl nk. til: bergny@vso.is