Morgunblaðið - 05.04.2008, Side 35

MORGUNBLAÐIÐ LAUGARDAGUR 5. APRÍL 2008 35
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
VIÐ vöknum eldsnemma, fjöl-
skyldan, á mánudagsmorgni, vinnu-
vikan er framundan með öllum sín-
um verkefnum. Allir klæða sig, við
setjumst niður við matarborðið og
snæðum, klukkan er að verða 7.45
og tími kominn til að leggja af stað
út. Við setjumst upp í bílinn og keyr-
um af stað, borgarljósin lýsa allt um
kring, bílarnir þjóta áfram, það eru
allir á hraðferð í vinnu og skóla.
Við leggjum á stóra planinu, stíg-
um út úr bílnum og borgarlyktin
læðir sér í vit okkar. Stelpurnar
þrjár hlaupa inn í rútuna, hver með
sínum hætti, kveðja auðveldlega,
spenntar fyrir deginum og dyrnar
lokast.
Rútan keyrir af stað. Eftir dálitla
keyrslu tekur víðáttan við, umferð-
arþunginn minnkar og litir náttúr-
unnar blasa við allt í kring. Rútan
beygir við afleggjarann, keyrir upp
hlíðina og niður í djúpan dalinn.
Waldorf-skólinn Lækjarbotnum,
Kópavogi, blasir við í botni dalsins
þar sem náttúran skartar sínu feg-
ursta. Börnin hlaupa út úr rútunni,
loftið lyktar af öllu því sem móðir
jörð gefur hverju sinni og það er líkt
og engir bílar hafi nokkurn tímann
verið framleiddir. Börnin eru komin
á sinn griðastað yfir daginn, vinnu-
stað sinn og annað heimili.
Waldorf-uppeldisfræðin virka
vegna þess að þau eru byggð á ein-
skærri innsýn á þörfum og mögu-
leikum barnsins, hinnar vaxandi
manneskju. Nærri 90 ár eru frá
stofnun fyrsta Waldorf-skólans, og
hefur stefna skólanna aðlagað sig
nútímanum hverju sinni, án þess þó
að missa tengslin við hin upp-
runalegu gildi. Þematengd menntun
og lotukennsla hafa m.a. alltaf verið
hluti af Waldorf-uppeldisfræðinni
síðan Rudolf Steiner stofnaði fyrsta
skólann.
Ég trúi því að Waldorf-uppeldis-
fræðin veiti barninu ríka upplifun
sem miðast að því að undirbúa það
fyrir áskoranirnar sem það mætir í
heiminum, lífinu og framtíðinni með
skýrri hugsun, umhyggju fyrir um-
hverfi sínu og sjálfstrausti til að
stuðla að breytingum. Fræðin ná
markmiðum sínum með vel mótaðri
og heilsteyptri hugmyndafræði sem
horfir á barnið í heild sinni: huga,
hjarta og líkama. Hugsun, tilfinn-
ingar og vilja.
Waldorf-uppeldisfræðin við-
urkennir að börn hafa ákveðnar, ald-
urstengdar og tilfinningalegar þarfir
í samræmi við náttúrlegt þroskaferli
sitt. Til að mæta þessum þörfum eru
listir mjög sýnilega samtvinnaðar
við allar hliðar námskrárinnar.
Í dag er opið hús í Waldorf-
skólanum Lækjarbotnum við Suður-
landsveg. Þar geta foreldrar og aðr-
ir kynnt sér námskrá skólans, skoð-
að staðinn og fengið sér kaffisopa í
faðmi náttúrunnar.
SIGRÚN GUNNARSDÓTTIR
móðir, Waldorf-uppeldisfræð-
ingur og eigandi Barna náttúrunnar.
Waldorf-skólinn – Annað
heimili barnanna minna
Frá Sigrúnu Gunnarsdóttur:
Waldorfuppeldisfræðin eru byggð á þörfum og möguleikum barnsins.
HINN 13. mars sl. var greint frá
því í kvöldfréttum RÚV að göng
gengum Vaðlaheiði og tvöföldun á
hluta Suðurlandsvegar væru á
næsta leiti. Frábært og gott mál að
bæta samgöngurnar hér á landi,
sem sums staðar eru ekki upp á
marga fiska.
Það sem vakti sérstaka athygli
mína í þessari frétt var svar sam-
gönguráðherra, Kristjáns Möller,
þar sem hann var spurður hvers
vegna innheimta ætti veggjald um
Vaðlaheiðargöng en ekki um Suð-
urlandsveg. Samgönguráðherra
svaraði orðrétt: „Það er vegna þess
að menn hafa stundum talað um
það þannig að ef það er ekki önnur
leið til að fara eins og í Vaðlaheiði,
þar hafa menn Víkurskarðið, þá
setjum við þetta svona upp, en það
er ekki á Suðurlandsvegi.“
Fín rök hjá Kristjáni, eða þess-
um mönnum sem „tala um það
þannig“ að ef ekki er önnur leið til
að fara þá eigi ekki að rukka. Ég
skal viðurkenna það að ég er einn
af þessum mönnum sem „tala um
það þannig“ að ekki eigi að rukka
þegar menn hafa ekki annan kost.
Ég hef oft og iðulega haldið þess-
um rökum á lofti við þingmenn og
ráðherra sem ég hef náð að króa af
og neyða þá til að svara þessari
spurningu. Flestir fara undan í
flæmingi, tala í hringi og svara
eins og sannir pólitíkusar, sem
sagt engu. Nú hefur Kristján Möll-
er samgönguráðherra slegið við öll-
um þessum hálfsvörum kollega
sinna á þingi og svarað þessu
hreint út. Enginn valkostur, ekkert
að greiða.
Í 18 ár hef ég búið í Vest-
mannaeyjum. Þegar ég fer til
Reykjavíkur á bílnum mínum fer
ég alltaf með Herjólfi og borga
fyrir það, stundum háar upphæðir.
Hjá minni fjölskyldu eru útgjöldin
í Herjólf á ári þau sömu og ein út-
borguð mánaðarlaun mín. Ég er
bara svona tregur að ég hef enn
ekki komið auga á „aðra leið“ sem
ég get ekið til Reykjavíkur án þess
að vera rukkaður. Kæri Kristján:
Hvaða aðra leið en með Herjólfi
eiga Vestmannaeyjingar að fara
þegar þeir aka til Reykjavíkur?
EGGERT BJÖRGVINSSON,
búsettur í Vestmannaeyjum.
Opið bréf til samgönguráðherra
Frá Eggerti Björgvinssyni
ÞAÐ var athygl-
isvert að hlýða á
viðtal við Þor-
stein Inga Sigfús-
son eðlisfræðing
og forstjóra Ný-
sköpunarmið-
stöðvar Íslands í
Spegli RÚV 26.
mars sl. Hann
fjallaði í skýru
máli um þá hættu
sem heiminum stafar af hugmyndum
um að hefja í stórum stíl rafmagns-
framleiðslu með kjarnorku. Það eru
leiðtogar Frakka og Breta sem
þessa dagana eru að dusta rykið af
gömlum áætlunum um uppbyggingu
fjölda kjarnorkuvera. Stefnubreyt-
ing Breta kemur á óvart og er
hættumerki sem íslensk stjórnvöld
hljóta að taka alvarlega og mótmæla
strax kröftuglega. Endurvinnslu-
stöðvar fyrir kjarnorkuúrgang í Sel-
lafield og áður Dounreay hafa verið
þyrnir í augum þjóða við norðanvert
Atlantshaf um áratuga skeið vegna
geislavirkrar mengunar.
Þorsteinn benti réttilega á að
kostnaður af notkun jarðefnaelds-
neytis sem orkugjafa væri stórlega
vanmetinn á meðan ekki er tekin
með í reikninginn mengun andrúms-
loftsins sem veldur loftslagsbreyt-
ingum. Sama á við um orkufram-
leiðslu með kjarnasundrun sem
skilur eftir sig geislavirkan úrgang
sem enginn ræður við og magnar
upp hryðjuverkavá og hættu á ógn-
arlegum kjarnorkuslysum. Þessi
virti eðlisfræðingur benti á að end-
urnýjanlegir orkugjafar ættu að
vera lausnarorðið á meðan ekki tæk-
ist að finna sjálfbærar lausnir af öðr-
um toga, hugsanlega með kjarna-
samruna.
Það er með ólíkindum að for-
ystumenn stórra ríkja innan Evr-
ópusambandsins eins og Bretlands
og Frakklands skuli nú ætla að gera
kjarnorkuvána að sínum málstað á
sama tíma og Þjóðverjar halda fast
við þá stefnu að leggja niður kjarn-
orkuver sín. Ef öxullinn París-
London heldur fast við hugmyndir
um að gera kjarnorkuna að lausn-
arorði er komið nýtt tundur í sam-
starf Evrópuríkja með ófyrirsjáan-
legum afleiðingum á
alþjóðavettvangi.
HJÖRLEIFUR
GUTTORMSSON,
náttúrufræðingur
Orð eðlisfræðings í tíma töluð
Frá Hjörleifi Guttormssyni
Hjörleifur
Guttormsson
- kemur þér við
Hannes Hólmsteinn
lærir af mistökunum
Fjórði ættliðurinn
í einkarekstri heil-
brigðisþjónustu
Alfræðikrossgátan
æpir á lausn
Umdeildustu
bakraddir landsins
Illugi vill að sjálf-
stæðismenn taki
sjálfstæðar ákvarðanir
Fríða Sophia kennir
körlum að elda
Hvað ætlar þú
að lesa í dag?