Morgunblaðið - 25.10.2008, Page 28

MORGUNBLAÐIÐ LAUGARDAGUR 25. OKTÓBER 2008
E
N
N
E
M
M
/
S
ÍA
/
N
M
34
76
9
Nú er
potturinn
fjórfaldur
og stefnir í
22 milljónir.
Ná›u flér í Lottómi›a á næsta
sölusta› e›a á lotto.is
Óvissan sem ríkir um Sparisjóða-
bankann veldur áhyggjum í Nes-
kaupstað líkt og annars staðar.
Sparisjóður Norðfjarðar hefur verið
mikilvægt fyrirtæki í bæjarfélaginu
í hartnær 90 ár og er mörgum afar
kær. Bæjarstjórn Fjarðabyggðar
hefur nýlega skorað á ríkisstjórn og
Alþingi að standa vörð um sparisjóð-
ina í landinu, enda séu þeir sér-
staklega mikilvægir fyrir lands-
byggðina og oftar en ekki verið
burðarásar byggðarlaganna. Smári
Geirsson, bæjarfulltrúi í Fjarða-
byggð, hefur bent á að sparisjóðirnir
eru einu peningastofnanirnar í land-
inu sem ekki er stýrt úr Reykjavík,
auk þess sem þeir hafi í gegnum tíð-
ina látið starfssvæði sín njóta vel-
gengni sinnar. Ljóst er að fyrir
bankahrunið var ýmislegt sem benti
til þess að litlu sparisjóðirnir á
landsbyggðinni heyrðu brátt sög-
unni til, enda miðaði allt að hag-
kvæmni stærðarinnar. Tíminn einn
getur leitt í ljós hvernig sparisjóð-
unum reiðir af.
  
Veturinn hefst ekki á rokkveislu
Blús-, rokk- og jazzklúbbsins á Nesi
í félagsheimilinu Egilsbúð þetta árið
eins og undanfarin 18 ár. Enginn
rekstur er nú í Egilsbúð þar sem
fráfarandi rekstraraðili óskaði eftir
að losna undan samningi fyrr en til
stóð og ekki hefur enn verið gerður
samningur við nýtt fólk til að koma
að rekstrinum. Auglýst var eftir
áhugsasömum til að taka við rekstri
félagsheimilisins, sem er í eigu
Fjarðabyggðar. Fjórar umsóknir
bárust og er nú unnið að því að meta
umsækjendur. Bæjarbúar bíða
spenntir eftir niðurstöðum.
  
Áhyggjufullir bæjarbúar velta því nú
fyrir sér hvort rokkveislan verði
slegin af þetta árið. Sigurjón Eg-
ilsson hjá BRJÁN, sem er fram-
kvæmdastjóri sýningarinnar í ár,
segir að það séu óþarfa áhyggjur.
Rokkveisla BRJÁN verður sett á
svið þó að tímasetning verði önnur
en hefð er fyrir. Hugsanlega verður
farið af stað um leið og skýrist með
nýja rekstraraðila í Egilsbúð, en
einnig er inni í myndinn að tengja
rokkveisluna jólahlaðborðunum.
Ekkert hefur verið gefið upp um
hvert þema sýningarinnar verður,
enda ekki búið að ákveða það end-
anlega að sögn Sigurjóns. Alla jafna
skapast töluverð spenna á haustin
þegar aðdáendur rokkveislnanna
reyna að spá fyrir um hvert þemað
verður. Nú virðast margir veðja á
ABBA-sýningu í anda Mamma Mia
sem hefur verið vinsæl meðal þjóð-
arinnar undanfarnar vikur. Þema
líkt og var árið 2003 þegar BRJÁN
flutti Ensku úrvalsdeildina í rokki er
ekki líklegt til vinsælda um þessar
mundir.
  
Síldin kemur. Kærkominn kippur
kom í síldveiðar um miðja þessa viku
í Grundarfirði. Öll þrjú skip Síld-
arvinnslunnar, Birtingur, Bjarni
Ólafsson og Börkur fengu góðan afla
sem nú hefur verið landað og eru
skipin aftur farin á miðin. Börkur og
Bjarni Ólafsson lönduðu alls um
1800 tonnum af vænni síld í Nes-
kaupstað sem öll fer til frystingar á
Evrópumarkað. Að sögn Karls Jó-
hanns Birgissonar, rekstrarstjóra
útgerðar hjá SVN, ríkir almennt
bjartsýni með að síldveiðar séu að
komast í sama horf og í fyrra sem
var gott síldveiðár.
NESKAUPSTAÐUR
Kristín Ágústsdóttir fréttaritari
Morgunblaðið/Kristín Ágústsdóttir
Bjartsýni Síld er nú fryst af kappi í
fullkomnu fiskiðjuveri SVN.
ÚR BÆJARLÍFINU
Eftir Önnu Sigríði Einarsdóttur
annaei@mbl.is
Fyrsta sjokkið kom þegareinn okkar fékk sms-skilaboð að heiman um aðríkið hefði keypt 75% hlut
í Glitni,“ segir Ólafur Jóhannsson
sóknarprestur í Grensáskirkju. „Síð-
an komu skilaboðin ein af öðrum –
við fréttum af óöryggi almennings,
neyðarlögunum og svo falli Lands-
bankans og Kaupþings.“
Sjö íslenskir prestar voru í ferð-
inni sem farin var á vegum Sam-
bands íslenskra kristniboðsfélaga og
segir Sigfús Kristjánsson, prestur í
Hjallakirkju, þetta óneitanlega hafa
verið svolítið sérstakt. „Við vorum á
stað sem þekkir raunverulega fá-
tækt, en vorum samt í þetta góðu
sambandi við umheiminn.“ Hann
bætir við að lítið hefði þýtt að segja
fregnir af bankakreppunni á Íslandi,
í augum margra heimamanna hefðu
þeir nefnilega verið stóreignamenn.
„Þeirra fátækt gengur meira út á
að geta skrapað saman fyrir mat fyr-
ir fjölskylduna á hverjum degi. Enn
sem komið er er ekki þannig ástatt
með fólk á Íslandi og það setur hlut-
ina óneitanlega í dálítið annað sam-
hengi.“
Gsm-möstur víða sjáanleg
Um 300.000 manns búa í Pokot-
héraði og eru nú rúm 30 ár liðin frá
því að Íslendingar byrjuðu að taka
þátt í kristniboði á svæðinu. „Þetta
hefur skilið mikil ummerki eftir sig í
samfélaginu,“ segir Ólafur og nefnir
bæði skóla og kirkjusöfnuði, auk
þess sem vera trúboðanna hafi
breytt viðhorfi heimamanna til hlut-
skiptis kvenna og menntunar
stúlkna.
„Með hópnum var Kjartan Jóns-
son sem starfaði þarna sem kristni-
boði í 12 ár og fyrir tilstilli hans
komumst við nær heimamönnum en
við hefðum getað sem hefðbundnir
ferðamenn.“ Ólafur segir fjölda
gsm-mastra á svæði þar sem hvorki
væri að finna rennandi vatn né raf-
magn óneitanlega hafa stungið í
stúf. „Inni á milli söluskúranna í
Propoi sem seldu ristaðan maís, við-
arkol og fleiri nauðsynjar, var að
finna sölustaði símafyrirtækja sem
seldu bæði inneignir og rafmagns-
hleðslur í síma. Það má því segja að
verið sé að gsm-væða frumskógana
og það var athyglisvert að sjá þann
hag sem símafyrirtækin sáu sér í
því.“
Pokot er gjöfult hérað og því hafa
allir nóg að borða, en fátæktin er
engu að síður mikil. „Þetta er allt
annar heimur,“ segir Sigfús. „Hér
heima er oft rætt um slæmt ástand
vega á Vestfjörðum. Þeir eru hins
vegar hátíð miðað við vegina þarna
úti. Þar er fólk að kljást við þau
vandamál að geta ef til vill ræktað
matvæli, en koma þeim síðan ekki á
markað af því að vegurinn er ekki til
staðar.“ Íslendingar geti því verið
þakklátir fyrir hve traustir innviðir
samfélags okkar séu.
„Maður sá vel þarna úti að lífs-
gæði fólks og hamingja eru ekki
bundin við veraldlegar eignir eða
stöðu í samfélaginu,“ segir Ólafur.
Þess vegna stendur það líka upp úr
hvað fólkið var glatt, ánægt og
snyrtilegt og börnin fín þrátt fyrir
fátækt og erfiðisvinnu.“
Æðruleysi og styrkur
Þeir segja vissulega hafa tekið á
að fylgjast úr fjarlægð með hruninu
hér heima. „Þó ástand fjármála-
markaða væri kannski jafn slæmt og
það hljómaði er heim var komið, þá
var ástandið á fólkinu betra en frétt-
ir gáfu til kynna,“ segir Sigfús og
Ólafur tekur í sama streng. „Mér
finnst fólk sýna meira æðruleysi og
styrk heldur en fyrstu fréttir gáfu til
kynna, þó að maður viti auðvitað að
það er erfitt framundan hjá mörgum
sem ef til vill hafa tapað miklu.“
Einhver fjölgun virðist líka hafa
orðið í þeim hópi sem tekur þátt í
kirkjustarfi í kjölfar fjármálakrepp-
unnar og segist Sigfús þannig hafa
orðið var við töluverða fjölgun í
messum og barnastarfi Hjallakirkju.
Lífsgæðin ekki bundin
við veraldlegar eignir
Þó að hvorki væri að
finna rafmagn né renn-
andi vatn í þorpinu
Propoi í Pokot-héraði í
Kenýa, áttu íslensku
prestarnir sem þar voru
á ferð í litlum vandræð-
um með að fylgjast með
fjármálakreppunni
heima fyrir.
Ljósmynd/ Sigfús Kristjánsson
Í góðum félagsskap Ólafur Jóhannsson og Bolli Pétur Bollason í hópi
barna sem sækja kirkju í Pokot