Skinfaxi - 01.10.1970, Side 13

HVERNIG Á AÐ LEIKA
BORÐTENNIS?
í síðasta þætti ræddi ég nokkuð um
borðtennis og mælti með því að íþróttin
yrði tekin til æfinga í hinum fjölmörgu
félagsheimilum okkar og þar sem erfitt
er að ná fólki saman til íþróttaiðkana.
Nú mun ég ræða nánar framkvæmd
íþróttarinnar.
Borðið á að vera ferhyrningur og vera
lárétt, 274 cm. langt og 152,5 cm. breitt.
Hæðin 76 cm. og mælist frá gólfi til efri
brúnar plötu. Það má vera úr hvaða efni
sem er, en verður allsstaðar að gefa jafn-
hátt hopp löglegs knattar, sem sleppt er
úr 30 cm. hæð yfir borðfletinum. Þetta
hopp knattarins skal vera milli 20 og 23
cm.
Borðflöturinn — leikvöllurinn — á að
vera dökkur og áferð mött. Venjulegasti
liturinn er grænn ,en svart og rautt koma
vel til greina. Yzt á brún borðsins, allt
um kring, skal vera 2 cm. breið hvít rönd.
Borðið verður að standa stöðugt. Til
leikvallarins telst ekki aðeins vfirborð
borðflatarins, heldur einnig efri brún
lang- og skammhliða og hornin. Knöttur,
sem í leiknum snertir þær, — svonefndui
kantbolti — er því í leik og löglegur,
en knöttur, sem snertir neðan brúnar, er
hinsvegar dauður — úr leik.
Bezt er að leika á trégólfi. Steinsteypt
gólf má þó notast við fyrir léttari leiki,
en er talið vera ónothæft fyrir keppni.
Mikilvægt er að gólfið sé ekki liált né
gljáandi. Baksviðið má ekki heldur hafa
Rétt uppgjöf. Höndin er opin, flöt og iárétt,
og dómarinn getur auðveldlega séð knöttinn.
SKINFAXI
13