Skinfaxi - 01.02.1974, Page 3
j SKINFAXI
Tímarit Ungmennafélags íslands — LXIV. árgangur — 1.-4. hefti 1974. — Ritstjóri Eysteinn
Þorvaldsson — Út koma 6 hefti á ári hverju.
Islands byggð
í 1100 ár
í ár minnist íslenska þjóðin 11 alda bú-
setu í landinu. Þegar merkra tímamóta er
minnst er það venja að gera sér daga-
mun með ýmsum hætti og hefja eða fram-
kvæma einhver tímamótaverk, sem vitnað
yrði til á spjöldum sögunnar sem merks
áfanga á leið að settu marki. Á það
jafnt við um verkefni einstaklinga, stofn-
ana, félagasamtaka, og ekki síst verkefni
heilla byggðarlaga eða jafnvel alþjóðar.
Góðir ungmennafélagar, enn sem fyrr
er leitað til okkar um liðstyrk til fram-
kvæmda vegna fyrirhugaðra hátíðahalda
Þjóðhátíðarárið 1974, og hann munurn
viö veita eftir bestu getu, hvert í sinni
heimabyggð.
Ibúar byggðarlaganna munu eína til
veglegra héraðshátíða, og landnámshátíð
iandsins alls verður haldin á nierkasta
sögustað þjóðarinnar, Þingvöllum. Áfanga
°9 merkra tímamóta í landnámssögunni
verður minnst, mannvirki reist, og hvers
konar andlegheitum gefinn byr.
Félagasamtök hvetja íbúa lands vors til
hetri umgengni við híbýli sín og landið
sjálft.
I lítt numdu landi eru hafin stórfelld
áform um aukið landnám, uppbyggingu
og frekari nýtingu orkugjafa í fallvötnum
og jarðvarma. Allt þetta gefur okkur fyrir-
heit um möguleika smáþjóðar til að
tryggja enn betur efnahagslegt öryggi sitt
og sjálfstæði.
Þá er það einlæg ósk mín til æsku ís-
lands, að á þjóðhátíðarárinu 1974 megi
hún sjá þann draum rætast að landið
verði laust við erlenda hersetu, og að ör-
yggismál þjóðarinnar megi tryggja á þann
hátt sem öll þjóðin megi við una.
Gleðilegt þjóðhátíðarár 1974.
íslandi allt.
H. Þ.
SKINFAXI
3