Skinfaxi - 01.06.1986, Qupperneq 22

Blak í Neskaupstað
Texti: Smári Geirsson
Alir sem fylgjast með íþróttum
hafa orðið varir við hinn gífurlega
uppgang blakíþróttarinnar í
Neskaupstað á undanfömum
árum. Blakdeild Þróttar undir
forystu Ólafs Sigurðssonar og
Gríms Magnússonar hefur unnið
þrekvirki og nú er svo komið að
ekkert íþróttafélag á íslandi hefur
jafnmörgum blakiðkendum á að
skipa. Það er því engin furða að
einn af forystumönnum blak-
íþróttarinnar á landinu skuli hafa
látið eftirfarandi orð falla fyrir
nokkru: “Allir, sem hafa haft
afskipti af þessari íþrótt hér á
landi líta öfundaraugum til
Neskaupstaðar. Þar hefur það
gerst, sem okkur ýmsa hefur
dreymt um að gera í okkar
byggðarlagi”.
Upphafið og meistara-
flokkur karla
Byrjað var að þjálfa blak með
skipulegum hætti í Neskaupstað
haustið 1978. Þjálfunina annaðist
Ólafur Sigurðsson og var til að byrja
með eingöngu æft í meistaraflokki
karla.
Árði 1979 tók Þróttur í fyrsta sinn þátt
í íslandsmóti í blaki. Meistaraflokkur
karla keppti í 2. deild og naut félagið
góðs af því að þennan vetur dvöldu í
Neskaupstað allmargir strákar, sem
höfðu æft og spilað blak á Akureyri eða
annars staðar á landinu. Drjúgur hluti
liðsins hafði því á einhverri reynslu að
byggja.
Karlalið Þróttar í mfl. lék síðan í 2.
deild íslandsmótsins allt til vorsins
1985 með misjöfnum árangri. Hafnaði
liðið í fjórða sæti deildarinnar tvö
síðustu keppnistímabilin þar.
Fyrsta keppnistímabilið 1985-1986
höfðu verið gerðar þær skipulags-
breytingar að öll félög sem sendu lið til
keppni í mfl. karla kepptu í einni og
sömu deildinni þ.e. 1. deild. Eftir harða
og tvísýna keppni hafnaði lið Þróttar í
neðsta sæti deildarinnar, en þrátt fyrir
það vakti hið unga lið félagsins oft
verðskuldaða athygli fyrir góðan leik.
22
Yngri flokka
Haustið 1983 var byrjað að æfa yngri
aldursflokka í blaki á vegum Þróttar.
Vaknaði strax mikill áhugi hjá miklum
fjölda unglinga og verður að segjast að
árangur hefur orðið afar góður. Þróttur
hefur t.a.m. átt íslandsmeistara í 3.
flokki pilta frá því að félagið sendi
þann aldursflokk til keppni og á árinu
1985 eignaðist félagið einnig Islands-
meistara í 2. flokki pilta.
Alltaf er verið að auka umsvifin í
þjálfun yngri flokkanna hjá Þrótti og
nú taka hvorki fleiri né færri en átta lið
í yngri aldursflokkum þátt í keppni á
íslandsmóti.
Af hverju þessi áhugi?
Nú æfa um 80 manns blak reglulega í
Neskaupstað og er það án efa hlutfalls-
lega mesta þátttaka í íþróttinni í einu
byggðarlagi hérlendis. En af hverju er
þessi áhugi fyrir hendi á þessari
íþróttagrein, sem yfírleitt vill annars
staðar hverfa algerlega í skugga knatt-
spyrnu, hörfuknatteliks eða hand-
knattleiks.
Meginskýringin á þessum áhuga er án
efa hinn mikli kraftur og ódrepandi
þrautsegja forystumanna blakdeildar
félagsins. Menn á borð við Ólaf Sig-
urðsson og Grím Magnússon, Martein
Guðgeirsson o. fl. hafa lagt ómælda
vinnu í uppbyggingu starfseminnar og
starfsgleði þeirra hefur smitað út frá sér
og stuðlað að myndun samhents og
góðs hóps. Sem dæmi um dugnaðinn
má nefna að öll þjálfun hefur verið
unnin í sjálfboðavinnu. Þá ber að nefna
að íþróttahúsið í Neskaupstað er heppi-
legt til blakiðkunar, en hins vegar og
lítið til að hægt sé að stunda þar t.d.
handbolta með góðu móti. Þá er einnig
hugsanlegt að skýra hinn mikla áhuga á
blakíþróttinni með því að vonin til að
ná góðum árangri er óneitanlega meiri
en í ýmsum rótgrónari íþróttum eins og
t.d. handknattleik. Það hefur sýnt sig að
á þeim fáu árum sem unglingar í
Neskaupstað hafa lagt stund á íþróttina
hafa þeir ná mjög góðum árangri á
landsmælikvarða.
Landsleikir og úrslita-
keppni í Neskaupstað
Blakdeild Þróttar hefur nú þegar tekið
að sér að annast stór verkefni varðandi
mótahald. Dagana 25.-26. mars sl. fór
fram í Neskaupstað úrslitakeppni yngri
aldursflokka á íslandsmótinu í blaki og
sömu daga léku unglingalandslið
íslands og Færeyja í flokki pilta og
stúlkna lamdsleiki í Neskaupstað. Var
hér um að ræða fyrstu blaklandsleiki á
Austurlandi og reyndar fyrstu landsleiki,
sem fram hafa farið í fjórðungnum.
Þessa daga voru tæplega eitt hundiað
aðkomublakarar í Neskaupstað og
sannkölluð blakhátíð.
Segja má að ekkert hafi verið eðlilegra
en að áðurnefndir unglingalandsleikir
hafi farið fram í Neskaupstað,
einfaldlega vegna þess hve margir
Norðfirðingar voru valdir til að leika í
þeim. í stúlknalandsliðinu voru fimm
Norðfirðingar og í piltalandsliðinu voru
þeir sjö talsins. Einmitt þetta sýnir
svart á hvítu hve gott og mikið
unglingastarf er hjá blakdeild Þróttar.
Framtíðin
Allt bendir til þess að framtíðin sé björt
hjá Þrótti á sviði blakíþróttarinnar. Að
vísu eru talsverðar mannabreytingar
fyrirsjáanlegar í mfl. en uppúr öðrum
og þriðja flokki eru að koma
stórefnilegir leikmenn. Þá verða einnig
tímamót í þjálfunarmálum meistara-
flokksins, en Ólafur Sigurðsson hefur
nú látið af störfum sem þjálfari
flokksins.
Áhugi fyrir- blakíþróttinni er mikill á
meðal unglinga í Neskaupstað og er í
rauninni ekkert sem takmarkar iðkenda-
fjöldann nema aðgangur að íþrótta-
húsinu og vinnuálagi á þjálfurum.
Það bendir sem sagt ekkert til annars en
að blakíþróttin muni áfram þróast í
jákvæða átt í Neskaupstað og blak-
iðkendur eigi áfram eftir að verða
byggðarlaginu til sóma.
S.G.
Skinfaxi 3. tbl. 1986