Skinfaxi - 01.12.1993, Blaðsíða 27

Sigríður Anna Guðjónsdóttir, HSK:
Hvers vegna ekki þrístökk?
Á sambandsþingi UMFI að
Laugarvatni í október sl. var
tekin sú undarlega ákvörðun að
hafna þrístökki kvenna sem
keppnisgrein á landsmóti UMFI á
sumri komandi.
Á þinginu var flutt tillaga að breyl-
ingu á landsmótsreglugerð sem heirnil-
aði keppni í þrístökki kvenna á lands-
mótum UMFI.
Flutningsmaður tillögunnar flutti
hana á mjög greinargóðan hátt og gaf
sá flutningur fyllilega til kynna um
hvað væri að ræða. Breyting á lands-
mótsreglugerð var gerð síðast árið
1991 en þá var þrístökk kvenna ekki
orðin sú vinsæla keppnisgrein sem hún
er í dag og þess vegna lá beinast við að
sú breyting færi fram núna í ár þar sent
landsmót er á næsta ári.
Þrístökk kvenna er keppnisgrein
sern hefur orðið æ vinsælli síðustu ár
og er nú orðin viðurkennd keppnis-
grein á öllum helstu stórmótum heims í
frjálsum íþróttum m.a. Ólympíuleik-
um, heimsmeistaramótum, Evrópu-
meistaramótum, Evrópubikarkeppnum
o. fl. mótum.
Sú sem þetta skrifar varð þess að-
njótandi að keppa fyrir íslands hönd sl.
suntar í þrístökki á Evrópubikarkeppni
í Kaupmannahöfn og stórbæta árangur
sinn með lslandsmeti í greininni.
Æ vinsælli kostur
Þrístökk hefur orðið á síðustu
tveimur árum æ vinsælli kostur sem
æfinga- og keppnisgrein hjá kvenþjóð-
inni, því það má segja eins og nteð
langstökk að þrístökk er grein sem
hægt er að æfa nánast hvar sem er og
þarfnast ekki rnikils útbúnaðar. Flún er
því kjörin fyrir þær aðstæður þar sem
ekki er um að ræða gnótt tækja og
áhalda.
Það sést best hvað þessi grein er
orðin viðurkennd hjá konum jafnt sem
körlum að á nýafstöðnu ársþingi
Frjálsíþróttasambands íslands var sam-
Guðrún Amardóttir er ein þeirra k\>enna,
sem keppt hafa í þrístökki.
þykkt að þrístökk yrði keppnisgrein í
kvennaflokki, á meistaramóti Islands
innanhúss, meistaramóti Islands 22 ára
og yngri innanhúss og utan og í meyja-
og stúlknaflokki á meistaramóti Is-
lands 15 - 18 ára innanhúss og utan.
En lítum þá aftur að þeirri ákvörðun
að hafna greininni á landsmóti næsta
sumar.
Sú stefna hefur legið nokkuð lengi
fyrir frá hendi landsmótsnefndar að
koma eins og hægt væri í veg fyrir að
umfang landsmótsins ykist meira en
verið hefur, rneðal annars með því að
korna í veg fyrir samþykktir unt nýjar
greinar eða greinaflokka.
Þegar þessi tillaga sem að framan er
lýsl kom fram var henni vísað til
nefndar á þinginu eins og lög gera ráð
fyrir. Umræðan sem hún fékk í nefnd
og utan nefndar var öll á einn veg.
Keppt er í þrístökki karla og því sjálf-
sagt að gera það lfka hjá konum.
Með það í huga að ekki þarf neina
aukna aðstöðu, dómara né starfsfólk,
lýstu landsmótsnefndarmenn því yfir
að þetta væri vel framkvæmanlegt og
því ekkert þessu til fyrirstöðu,- nema
formaður landsmótsnefndar. Hann
hefði nefnilega fyrir löngu ákveðið það
sem sitt “prinsipp“ að engar breyting-
ar skildu gerðar á landsmótsreglugerð-
inni í þá átt að taka inn nýjar greinar.
Þessari skoðun sinni lýsti síðan for-
maðurinn margoft yfir í umræðum um
þessa tillögu og aðrar.
Ekkert til fyrirstöðu
Þegar síðan kemur að afgreiðslu
þessarar tillögu úr nefnd stígur for-
rnaður landsmótsnefndar í ræðustól og
svarar þeirri fyrirspurn úr sal að
þrístökk kvenna sé vel framkvæman-
legt á næsta landsmóli og því ekkert til
fyrirstöðu að keppa í greininni, nema
það að það sé sitt “prinsipp-mál“ eins
og áður hafi komið frarn að ekki skuli
bæta við greinum.
Þar með var þessari tillögu, eftir
þennan dóm formannsins, vísað til
nefndar sem skal hafa það hlutverk að
skoða keppnisgreinar fyrir næsta
landsmót.
Eg spyr, á “prinsipp“ afstaða eins
manns að stöðva þróun í keppnis-
greinunt frjálsra íþrótta og uppbygg-
ingar íþróttarinnar?
Við skulum minnast þess að síðast
við breytingu á landsmótsreglugerðinni
1991 var fellt út 200 metra hlaup karla
og kvenna. Þar fuku tvær greinar en
við skulum athuga að það var í bæði
karla- og kvennaflokki.
Hvað er það sem er uppistaðan í
keppni á landsmótum UMFI ? Það er
keppni í frjálsum íþróttum bæði karla
og kvenna.
Skinfaxi
27