Skinfaxi - 01.08.1995, Qupperneq 25
Hugarþj álfun er engin
auðfarinn „hókus-pókus44 leið
Á síðustu árum hefur orðanotkun
íþróttafólks, þjálfara og íþrótta-
fréttamanna verið að breytast. Þegar
einhverju íþróttaliði gengur illa í
keppni er oft gripið til sálfræðilegra
skýringa s.s. "okkur vantaði
sjálfstraust, við fórurn á taugum,
liðsandinn var ekki nógu góður,
samstaðan var ekki nógu góð, álagið
var of mikið, þetta var sálrænt stríð,
þeir voru andlega sterkari". I þjálfun
hefur hingað til verið lögð
megináhersla á líkamlega þjálfun.
Iþróttafólkið öðlast m.a. aukinn
líkamlegan styrk, úthald og færni.
Mikilvægi líkamlegra æfinga verður
ekki dregið í efa. Árangur
íþróttafólks verður stöðugt betri,
kröfurnar til þeirra meiri og þar með
álagið. Höfuðatriði fyrir
keppnisfólk er að hin líkamlega
þjálfun skili sér í hámarks árangri.
Ymsir truflandi þættir valda því oft
að árangur í keppni er í litlu eða
engu samræmi við æfingar. Með
sífellt betri og markvissari líkamlegri
þjálfun hefur það komið æ betur í
ljós að það sem skilur verðlaunahafa
frá öðrum keppendum er andleg
líðan þeirra og hugarástand. Þessi
þáttur verður því sífellt mikilvægari.
Fyrir nokkrum árum hófum við
vinnu með það sem við köllurn
Hugarþjálfun. Okkur þótti skorta á
að þessum þætti undirbúnings væri
nægilega sinnt. Áhugi var vissulega
fyrir hendi en fáir vissu hvernig ætti
að bera sig að. Við leituðum víða
fanga og alls staðar var það sama
uppá teningnum. Mikill meirihluti
þeirra sem komast á verðlaunapall
hafa nýtt sér einhvers konar
hugræna þjálfun.
Megin inntakið í hugmyndum
hugarþjálfunar er að í ákveðnu
hugarástandi skili íþróttamenn
bestum árangri. Slíkt hugarástand
einkennist m.a. af andlegri
yfirvegun, leikgleði, einbeitingu,
öryggi og ákveðni. Þetta
hugarástand er hægt að þjálfa með
markvissum hætti og auka þar með
líkurnar á því að íþróttafólk nýti
getu sína til fulls, njóti íþróttarinnar
betur og sýni meiri stöðugleika í
frammistöðu sinni. Fyrir vikið þarf
mínútur. Þetta er gjarnan gert undir
okkar handleiðslu og hittum við
þátttakendur á u.þ.b. tveggja vikna
____________________,
Hugarþjálfun er þess eðlis að hana má laga að öllum íþróttum
ekki að treysta á tilfallandi þætti s.s.
stuð, dagsform, áhorfendur,
hagstæða dómara eða veður.
Hugarþjálfun er þess eðlis að hana
má laga að öllum íþróttagreinum,
bæði einstaklings- og hópíþróttum.
Hugarþjálfun er engin auðfarin
"hókus-pókus" leið. Hún þarfnast
eins og líkamleg þjálfun, mikillar
vinnu og þolinmæði, nokkuð sem
góðir íþróttamenn kunna.
Fyrir nokkru lukum við gerð
þjálfunarkerfis sem við nefnum
Hugarþjálfun. Markmið þess er að
íþróttamenn læri að ná stjórn á því
hugarástandi sem gerir þeim kleift
að nýta getu sína til fulls. Kennd er
tækni til þess að þjálfa rétt
hugarástand og ná stjórn á því.
Þjálfunin byggir á þrautreyndum
aðferðum. Um er að ræða 14 vikna
þjálfun, sem fer að mestu fram utan
keppnistímabils. Þjálfunin er að
stærstum hluta á þrernur
hljóðsnældum sem hver og einn fær.
Hlustað er á hvern hluta, a.m.k
fimm sinnum yfir vikuna og er
meððallengd hvers hluta um 10
fresti. Þjálfunin skiptist í sex vikna
grunnþjálfun, þar sem farið er yfir
aðferðir til þess að ráða við spennu
og kvíða og tileinka sér yfirvegun og
öryggi. Þá má líka nefna þjálfun í að
útiloka sig frá truflandi umhverfis-
áreitum. Síðan kernur sex vikna
hugarþjálfun þar sem notkun
sjónmynda er þjálfuð, leiðir til að
leysa vandamál eru útfærðar,
sjálfstraustið er aukið og einbeitingin
er skerpt. Að lokum er sérstakur
undirbúningur fyrir keppni, til
notkunar á keppnisdegi, sem fólk
notar rétt fyrir keppni.
Loks má geta þess að við bjóðum
uppá u.þ.b. tveggja tíma
kynningarfyrirlestra um
hugarþjálfunina fyrir íþróttafélög og
skóla.
Dr. Hörður Þorgilsson sálfræðingur,
s. 568 27 51.
Lárus H. Blöndal sálfræðingur,
s. 567 60 48,
Salbjörg Bjarnardóttir
hjúkrunarfræðingur,
s. 557 91 64.
SKINFAXI 25