Skinfaxi - 01.04.1997, Blaðsíða 30
Viðtal: Jóhann Ingi Árnason
Texti: Valdimar Kristófersson
Mynd: Sigurjón Ragnar
Það er ekki hægt að kvarta
yfir árangrinum hjá karlaliði
Keflavíkur í körfuboltanum
síðast liðinn vetur. Liðið vann
á öllum þeim mótum sem það
tók þátt í og sýndi oftast
mikla yfirburði. Guðjón
Skúlason er einn af okkar
fremstu körfuboltamönnum
og hann lék lykilhlutverk í liði
Keflavíkur í vetur. Skinfaxi
hitti hann að máli og ræddi um
síðasta tímabil og framtíðina
hjá honum og liðinu.
- Nú unnuð þið alla titla sem hægt var að vinna í vetur hér á
landi. Hvað höfðuð þið umfram önnur lið?
„Við spiluðum sem lið, bæði sókn og vörn. Æfingasóknin var
mjög góð og þjálfarinn gerði góða hluti með liðið á æfingum,
undirbjó okkur mjög vel fyrir veturinn."
- Þið vinnið alla titla í vetur en eigið hvorki besta þjálfarann né
leikmanninn samkvæmt vali leikmanna og þjálfara f
Úrvalsdeildinni. Hvernig stendurá þessu?
„í raun er þetta valið á vitlausum tíma. Það er kosið fyrir
úrslitakeppnina og þá er aðalkeppnin eftir, sem eru úrslitin og
flestir leikmenn eru ekki í stakk búnir til að velja mótherja sína.
Ég segi ekki að það sé öfund í þessu en menn eru kannski ekki
alveg sanngjarnir því þeir eiga eftir að spila við þessa menn í
úrslitunum og vilja að sjálfsögðu vera betri en þeir og vinna þá.
Velgengni hjá öðrum er jafnvel eitthvað sem aðrir vilja ekki
samþykkja í mörgum tilvikum. Þess vegna er tímasetningin
vitlaus. Það mætti breyta þessu með að velja besta mann
úrslitakeppninnar og besta mann vetrarins. Við, Keflvíkingar,
vissum að enginn yrði valinn frá okkur, þegar við fórum á
lokahófið. Það hefur aðeins einu sinni verið valinn leikmaður frá
okkur, þetta virðist vera viðloðandi Kelfavík, sama þótt við höfum
oft unnið mótið. Þetta skiptir ekki neinu höfuðmáli fyrir okkur,
aðalmálið er að vinna deildina.“
- Hvað með þjálfarann Sigurð Ingimundarson. Hann var ekki
valinn besti þjálfarinn?
„Það var fáránlegt og aftur má kenna vitlausri tímasetningu um.
Ermonlinskij var valinn áður en úrslitakeppnin hófst og þegar hún
byrjaði og komið var út í alvöru verkefni þá duttu þeir strax út á
meðan okkar lið hélt sama styrk út allt mótið.”
- Margir hafa réttlætt þetta val þannig að þið séuð eins og
Chicago Bulls liðið á íslandi og þurfið engann þjálfara?
„Það er náttúrlega alveg út í hött. Það er jafnvel erfiðara að vera
með lið, sem er svona gott og ná besta út úr liðinu og
mannskapnum. Það er miklu erfiðara fyrir þjálfara að vera með
30
■g
íío: 1997
'—'•■1JM