Skinfaxi - 01.04.1997, Blaðsíða 32

í
íþrótta- og ungmennafélagið Keflavík var til við samruna 6 félaga
þann 30. júní 1994. Ákveðið var að stofndagur Keflavíkur yrði
stofndagur elsta félagsins, UMFK, en hann er skráður 29.
september 1929. Starfsemi nýja félagsins er til mikillar
fyrirmyndar og að sögn Skúla Þ. Skúlasonar, formanns
Keflavíkur, reynir félagið að sinna þörfum einstaklingsins frá
vöggu til grafar.
Keflvíkingar eru stoltir af afreksmönnum sínum en það felst miklu
meira í því að reka íþróttafélag en að taka á móti titlum.
Uppbyggingarstarf Keflvíkinga hefur verið sérstaklega vel
skipulagt og sést það kannski best á árangri félagsins í hinum
ýmsu íþróttagreinum.
Badmintondeildin eignaðist sinn fyrsta íslandsmeistara þegar
Gunnar Gunnarsson sigraði í b-hópi á meistaramóti íslands í
ársbyrjun.
Fimm stúlkur úr fimleikadeild unnu íslandsmeistaratitla en það
voru þær Berglind Skúladóttir, Ragnheiður Steinunn Jónsdóttir,
Ásta Sigurlaug Tryggvadóttir, Ragnheiður Pétursdóttir og Guðrún
Björgvinsdóttir.
Fyrstu íslandsmeistarar hjá Karatedeildinni komu í fyrra en þá
sigraði Garðar Reynisson í einstaklings-Kata 9 ára og yngri og
Sigríður Pálsdóttir í Kumite kvenna 16 ára og yngri.
Eftir lægð hjá Knattspyrnudeildinni undanfarin ár virðist allt vera á
uppleið aftur. Unglingaþjálfarinn Velimar Sergic hefur verið að
gera góða hluti hjá félaginu 'og uppbyggingastarf hans er farið að
skila sér í meistaraflokk. Þegar þetta er skrifað er
meistaraflokkslið Keflavíkur á toppi Sjóvá-Almennra deildarinnar
undir stjórn Gunnars Oddsonar. Það verður gaman að fylgjast
með þessu spræka liði í framtíðinni og það er öruggt að Keflavík
á eftir að vera í toppbaráttunni á næstu árum.
í körfunni er Keflvíkingar nánast ósigrandi. Karlalið Keflavíkur í
meistaraflokki sigraði á síðasta leiktímabili í öllum þeim mótum
sem liðið tók þátt í. Yngri flokkar félagsins eru mjög sterkir og
víst er að erfitt verður að stjaka við Keflvíkingum næstu árin í
körfunni.
Mikið uppbyggingastarf er hjá Skotdeildinni og hefur hún unnið
þrekvirki við uppbyggingu á svæðinu. Það má til dæmis nefna
að skotfimi á Smáþjóðaleikunum mun einmitt fara fram á svæði
Keflvíkinga.
Það er ekki hægt að Ijúka yfirliti yfir deildir félagsins án þess að
minnast á sunddeildina. Margir af fremstu sundmönnum okkar
íslendinga koma úr Keflavík og nægir þar að nefna Eydísi
Konráðsdóttur og Magnús Konráðsson sem bæði verða á fullu á
Smáþjóðaleikunum. Á síðasta ári vann sunddeildin 42 titla og
þar af vann Eydís Konráðsdóttir átta talsins. Magnús
Konráðsson vann 5 titla en Flanna Björg Konráðsdóttir vann 2
titla.
Uppbyggingastarfi lýkur aldrei og það er nauðsynlegt að vera
alltaf á tánum. Stjórn Keflavíkur hefur unnið mikið starf
undanfarin ár og það eru fá félög á landinu þar sem staðið er
eins vel að málum.