Skinfaxi - 01.12.1997, Blaðsíða 12

Nicky Butt segir í viðtali á internetinu að Ryan Giggs sé
besti knattspyrnumaður Evrópu en þrálát meiðsli hafi
komið í veg fyrir að hann næði að sýna hvað hann
virkilega getur.
Nicky Butt og félagar hjá Manchester United
eru á góðri siglingu þessa dagana í ensku
úrvalsdeildinni og allir leikmenn liðsins virðast vera
í toppformi. Butt segir hins vegar að Ryan Giggs sé
langt frá því að vera í toppformi.
„Þrátt fyrir að Giggs sýni góðan leik um þessar
mundir hefur hann ekki enn náð sér alveg í gang
eftir langvarandi meiðsli. Ryan Glggs er mesta efni
sem Bretar hafa eignast á knattspyrnuvellinum og
að mínu mati er hann besti leikmaður Evrópu. Það
er hins vegar erfitt að gera sér grein fyrir því hversu
góður Giggs er því að hann hefur leikið meiddur
undanfarin tvö ár og hann er enn við meiðsli að
stríða í dag. Manchester-liðið saknar ekki neins
leikmanns jafnmikið og Giggs og því miður eigum
við ekki leikmann sem getur fyllt stöðu hans þegar
hann leikur ekki. Við getum fyllt allar aðrar stöður
á vellinum en hvernig er hægt að fylla stöðu besta
leikmanns Evrópu?"
Þakka suði fyrir að vera svona yndislegur
Fjölnir Þorgeirsson lifir hratt þessa dagana með unnustu sinni, Mel B., og erfitt er
að ná sambandi við kappann þar sem hann er á ferð og flugi um allan heim. Fjölnir
var í viðtali í SKINFAXA fyrr á þessu ári og þá sagði hann krökkum meðal annars að
nota ekki fíkniefni.
„Lykillinn að góðum árangri er að vera stundvís og skipulagður. Ég þakka bara
guði fyrir að vera skapaður jafnyndislegur og ég er. Ég smakkaði heldur ekki áfengi
fyrr en ég var 20 ára og í dag nota ég áfengi í algjöru hófi. Reykingar og fíkniefni hef
ég aldrei prófað og ég er mjög mikið á móti allri dópneyslu."
- En verður Fjölnir mikið var við fíkniefni?
„Ég hef orðið var við fíkniefni og séð fólk í kringum mig vera að nota þau. Maður
verður hins vegar bara að hugsa um sjálfan sig og halda sér frá þessum efnum. Þetta
hefur aukist mikið á síðustu árum og það er eins og unglingarnir í dag haldi að það
sé eitthvað flott að nota eiturlyf. Það er algjör misskilningur."
Það er algjör misskilningur að halda að það sé eitthvað
flott að nota eiturlyf.