Sjómannablaðið Víkingur - 01.01.1976, Page 25

Frá fundi í sjómannafélagi fyrir mörgum árum. Sjómenn halda fast saman og ekki síður í iandi.
Þessar tölur sýna, svo ekki verður
um villst, að því fylgir töluverð á-
hætta að vinna til sjós, þrátt fyrir
stærri og betri skip og þrátt fyrir
öryggisráðstafanir, sem gerðar hafa
verið til þess að fyrirbyggja slys.
Það er einnig ýmislegt annað, sem
bendir á hið mikla álag, sem sjó-
menn verða að þola. Aldursdreif-
ingin meðal sjómanna er skökk í
hlutfalli við aldursdreifingu þeirra,
sem þátt taka í atvinnulífinu, þann-
ig að yfir 60% af sjómönnum, sem
fiskveiðar stunda eru undir 35 ára
aldri, en aðeins 40% af heildinni,
sem þátt tekur í atvinnulífinu, eru
undir þeim aldri. Ennfremur eru að-
eins 5% af sjómönnum yfir 55 ára
á móti 19% heildarinnar. Þetta
bendir til, að sjómannsstarfið geri
kröfur til þess að menn séu ungir
og hraustir, og að þeir, sem eru
farnir að reskjast og eru kannski
ekki eins heilsuhraustir, geta ekki
unnið til sjós.
Ýmsir læknar, sem stundað hafa
marga sjómenn, telja að slitsjúk-
dómar í stoðvef, beinum og liðum,
og æðahnútar og gyllinæð séu til-
tölulega algengir meðal sjómanna.
Einnig telja þeir, að sjúkdómar í
meltingafærum hafa verið algeng-
ari hjá sjómönnum áður. Þá geta
allir um misnotkun á áfengi og aðra
geðsjúkdóma. Við nánari umhugsun
og í lengri samtölum, kemur einnig
VlKINGUR
í ljós, að nokkuð af sjómönnum, sem
komnir eru yfir fertugt kvarta um,
að þeir séu ekki eins kjarkmiklir og
áður. Þeir verða kvíðnir og hafa
ekki lengur þann kraft, sem þarf til
þess að takast á við þá áreynslu, sem
fylgir togarasjómennskunni. Langur
vinnutími, sem er u.þ.b. helmingi
lengri en venjulegur vinnutími í
landi, og áreynslan, sem fylgir erf-
iðisvinnu í slæmu veðri, kulda og
myrkri, verður of mikil. Þetta, ásamt
ábyrgðartilfinningunni gagnvart
konu og börnum og þörfinni fyrir
fjölskyldulíf veldur því, að menn
fara í land og skipta um starf. Einn-
ig taka menn tillit til þess, að ekki
má bíða of lengi með að skipta urn
starf, ef þeir telja það nauðsynlegt,
því lengur sem þeir bíða, því
erfiðara verða skiptin og aðlög-
unin að störfum í landi. Þá verður
erfiðara fyrir menn að fá vinnu í
landi við sitt hæfi, sem gefur nægj-
anleg laun, ef þeir bíða of lengi með
að skipta um starf.
Nokkuð af hinum tíðu manna-
skiptum á skipunum er hægt að
Sjómenn fara á mis við margs konar menningar- og félagslíf.
25