Sjómannablaðið Víkingur - 01.12.1978, Síða 13

Aukin fiskvernd —
löndunari’rí loönusjómanna
_ _ r
— ályktanir formannaráðstefnu F.F.S.I.
Formannaráðstefna Far-
manna- og fiskimannasambands
íslands var haldið í Reykjav. dag-
ana 28.—30. nóvember. Ráð-
stefnuna sóttu formenn deilda
sambandsins víðs vegar að af
landinu. Var einkum rætt um
fiskveiðar og fiskvernd, svo og ör-
yggis- og kjaramál sjómanna og
ályktaði fundurinn meðal annars:
Að öllum samningum við erlend-
ar þjóðir um veiðar í íslenskri
fiskveiðilögsögu verði nú þegar
sagt upp. A þessu ári hafa erlend-
ar þjóðir veitt nokkra tugi þús-
unda tonna hér við land. Allur
þessi afli sé bein skerðing á afla
íslenskra fiskimanna án þess að
nokkrar bætur hafi þar komið
fyrir.
Að spærlingsveiðar, humarveiðar,
rækjuveiðar og öll önnur notkun
smáriðinna veiðarfæra (sílavörp-
Jónas Þorsteinsson frá Akureyri var
fundarstjóri
VÍKINGUR
ur) verði undir stöðugu og ströngu
eftirliti, þannig að komið verði í
veg fyrir rányrkju.
Fundurinn ályktaði að orðrómur
^um að gífurlegt magn smásíldar
hafi verið drepið og því hent við
hringnótaveiðar nú í haust sé
mjög ýktur. Af þessu voru þó
nokkur brögð og ber að koma í
veg fyrir slíkt í framtíðinni.
Fundurinn fagnar framkomnu
loðnuveiðibanni nú um nk. ára-
mót og telur að miðað við eðlileg-
an framgang veiðanna verði að
stöðva þær aftur seinna vegna
hættu á ofveiði, t.d. síðari hluta
mars og um miðsumarið meðan
áta er hvað mest í þessum fiski og
vinnsla hans af þeim sökum erfið.
Meðan ekki er vitað meira um
loðnustofninn en raun ber vitni
telur fundurinn hyggilegt að há-
marksveiði af honum verði um
það bil 1 millj. tonn á ári.
Formannaráðstefnan vill beita sér
fyrir því að þorskveiðar verði enn
skertar nokkuð frá því sem nú á
sér stað. Skyndilokunum til
verndar smáfiski verði beitt sem
áður.
Algjört þorskveiðibann verði eina
viku um páska og tvær um jól og
nýár.
Mikilvægt er að hvers konar tak-
markanir sem gripið kann að
verða til á þorskveiðum verði
kynntar með góðum fyrirvara og
helst í ársbyrjun. Sjómönnum
gæfist þá betra svigrúm til að að-
laga veiðarnar nýjum aðstæðum.
Aðstæður svo og hentugur árstími
til veiða í öðrum teg. en þorski er
mjög breytilegur í hinum ýmsu
landshlutum. Því telur fundurinn
nauðsynlegt að væntanlegt þorsk-
veiðibann togara verði sveigjan-
legt og ekki eingöngu bundið við
sumarmánuðina. Með því móti
má ætla ætla að bestur árangur
náist við veiðar á öðrum teg.
meðan þorskveiðibann stendur
yfir. Ljóst er að samdráttur í
þorskveiðum veldur tilfinnanlegri
kjararýrnun hjá fiskimönnum
umfram þá kjararýrnun sem þeg-
ar er af ýmsum ástæðum orðin á
þessu ári.
Gera verði þá kröfu að þessar að-
gerðir sem miða að þjóðarheill til
langs tíma verði ekki eingöngu
látnar bitna á sjómönnum. Ein-
hvers konar bætur fiskimönnum
til handa verða að koma til.
Hleypidómalaust þarf að athuga
um breytingar á lokuðum svæð-
um, oft nærri landi, til að unnt
verði að nýta betur en nú teg. svo
sem skarkola.
Ráðstefnan lýsir undrun sinni á
þeirri ákvörðun ríkisstjórnarinnar
að hafa ekkert samráð við samtök
sjómanna við undirbúning þeirra
aðgerða sem lagðar hafa verið
fram á Alþingi í frumvarpi til laga
um tímabundnar ráðstafanir til
viðnáms gegn verðbólgu.
Er sú ákvörðun stjórnvalda enn
13