Sjómannablaðið Víkingur - 01.12.1978, Side 27

Nú fer enginn í jólaköttinn
Þær vita það félagskonurnar í
kvenfélaginu Hrönn að það þýðir
ekki að bíða fram að Þorláks-
messu með að senda sjómönnum
jólagjafir, ef þær eiga að komast til
þeirra í tæka tíð. Því var það, að
þær komu saman í húsakynnum
sjómanna að Borgartúni 18 eitt
nóvemberkvöldið og útbjuggu
hvorki meira né minna en 900
jólapakka, sem fara til sjómanna á
60 skipum í flotanum. Það var
glatt á hjalla þetta kvöld þegar
Ijósmyndari Víkingins kom í
heimsókn, spjallað, spaugað og
unnið af dugnaði.
í kvenfélaginu Hrönn eru um
160 konur sem eiga menn á sjó, og
þær hittast yfirleitt einu sinni í
mánuði og eiga saman skemmti-
lega kvöldstund. Félög sjómanna-
kvenna eru fleiri og um miðjan
síðasta mánuð komu meðlimir
þeirra saman í Þórskaffi og spil-
uðu félagsvist, horfðu á tískusýn-
ingu og elfdu innbyrðis kynni.
Þessi félög hafa unnið mikið og
gott starf að félagsmálum sjó-
manna, og VÍKINGURINN mun
skýra betur frá starfsemi þeirra á
árinu, sem nú fer í hönd. Allavega
sjáuin við hér svo ekki verður um
villst, að sjómenn fara ekki í
jólaköttinn um þessi jól.

VÍKINGUR
27