Sjómannablaðið Víkingur - 01.02.1998, Qupperneq 10

Umsjón: Hilmar Snorrason skipstjóri
nttin tir Aeifui
Fá ekki
borgað
Skipverjar um borð í rúss-
neska verksmiðjuskipinu Sov-
ietskoye Zapolyarye, sem er
9.948 tonn að stærð hafa
hótað að kveikja í skipinu.
Ástæða þessa hótunar má
rekja til þess að þeim hefur
ekki verið greidd laun í 18
mánuði og eru orðnir úrkula
vonar um greiðslur. Skipið
kom til hafnar í Nakhodka í
Rússlandi í nóvember s.l. þar
sem skipið átti að fara í við-
gerð. Hafði síðasta veiðiferð
þess staðið yfir í nærri eitt ár.
Skipverjarnir hafa hlaðið varn-
armúra við skipið og hleypa
engum um borð. Áhöfnin er
ekki af minni kantinum því hún
telur 300 manns og skuldar
útgerðin þeim um 1,6 milljón
dollara. ■
Kippir í
kynið
Robert nokkur Parise lýsti
sig sekan fyrir bandarískum
dómstóli um að hafa stolið úr
sjóðum bandarísku sjó-
mannasamtakanna, National
Maritime Union. Parise sagðist
hafa eytt þeim 19,000 dollu-
rum sem hann tók í munað
fyrir sjálfan sig. Hann borgaði
m.a. nektardansmeyjum fyrir
listir sínar, ferðaðist um á lim-
mósínum og fór í veiðiferðir.
Það verður að segja sem satt
er að honum kippti vel í kynið
því faðir hans er að afplána 56
mánaða dóm fyrir að hafa ein-
nig stolið frá samtökunum.
Það fer að vísu engum sögum
um það hvort þeir hafi tekið á
leigu ár og endurleigt sjálfum
sér, eða þannig. ■
Farþegaskipið Canberra
sem eitt sinn klauf heimsöld-
urnar sem stolt breska kaup-
skipaflotans hefur nú fengið
sína lokasiglingu. Farþegaskip
hafa verið á undanhaldi fyrir
skemmtiferðaskipunum og
þótt breytingar hefðu verið
gerðar á sínum tíma á Can-
berra stóðst það ekki lengur
þær væntingar sem farþegar
gera til slíkra skipa. Því varð úr
að eigendur þess P&O Cruises
Ltd seldu það til niðurrifs hjá
Gaddani í Karachi í Pakistan.
Skipið sem er nærri 250 metra
langt og um 50.000 tonn að
stærð var talsvert djúpskreið-
ara heldur en skip af sambæri-
legri stærð. Þessi kostur eða
galli hafa gert brotajárnskaup-
manninum lífið leitt því þegar
átti að sigla skipinu á land þar
sem átti að rífa það vildi ekki
betur til en að það strandaði.
Þrátt fyrir ítrekaðar tilraunir til
að ná því á flot á ný hefur það
ekki tekist og því hefur orðið
að hefja niðurrif á skipinu mun
lengra frá landi en ráð var fyrir
gert. Haft hefur verið á orði að
þar hafi skipið heygt sína síð-
ustu baráttu fyrir að sleppa við
pottinn en Ijóst er að það verð-
ur að láta í minni pokann. Eitt
sinn stolt breska kaupskipa-
flotans er nú að berjast við að
komast í pottinn. ■
10
Sjómannablaðið Víkingur