Sjómannablaðið Víkingur - 01.02.1998, Blaðsíða 39

ráðherra að gefin verði út reglugerð um lyfjakistu skipa. í reglugerð-
mni verði ákvæði sem kveði á um að til staðar sé í lyfjakistunni lítil
taska með sterkum verkjalyfjum.
Greinargerð:
Það gefur auga leið að þegar menn verða fýrir alvarlegu slysi á sjó
uti, dugar kódimagnyl og parkódín lítið við þrautum sem oft á tíðum
eru miklar.
Um öryggisstjórnunar-
kerfi
38. þing Farmanna- og fiskimannasamband íslands haldið í
Reykjavík, dagana 26. - 28. nóvember 1997, skorar á samgönguráð-
herra að vinna að gerð öryggisstjórnunarkerfi fýrir öll íslensk fiskiskip.
Greinargerð:
Vegna tíðra slysa og óhappa á íslenskum fiskiskipum er þörf á að-
gerðum til að stemma stigum við þeim. I kaupskipaflotanum er ver-
ið að koma upp öryggisstjórnunarkerfi ISM í þessum tilgangi. Full
þörf er á að gera slíkt hið sama varðandi fiskiskipin. Þegar er víða not-
uð gæðastjórnunarkerfi í vinnslu fiskiskipa en með öryggisstjórnunar-
kerfi er slíkt kerfi útvíkkað um allt skipið.
Um sjómennskunám
unglinga
38. þing Farmanna- og fiskimannasamband íslands haldið í
Reykjavík, dagana 26. - 28. nóvember 1997, skorar á útgerðir í land-
inu að taka um borð í skip sín nema, (nýliða) unglinga sem lokið
hafa grunnskólanámi, til starfa í 2 - 3 vikur í senn, á sumri hverju.
I'jöldinn (1-2) ráðist af aðstöðu um borð í viðkomandi skipi og
greiðist hverjum unglingi sambærileg laun og greidd eru í ung-
lingavinnu, ásamt fríu fæði og verði lagður til skjólfatnaður. Æski-
legt er að verkefnið verði unnið í samráði við Samband íslenskra
sveitarfélaga.
Greinargerð:
Nú á tímum er orðið erfitt íyrir unglinga að komast í skipsrúm.
Þar sem hraði og tækni er í fyrirrúmi í nútíma þjóðfélagi er ekki
pláss fyrir óvant fólk um borð í skipum. Ekki er mikið um skóla-
skip á Islandi dl að þjálfa upp sjómannsefni og því er þörfin
brýnni að útgerðin í landinu taki þátt í að kynna ungu fólki sjó-
ntennsku. Flér á árum áður voru til svokallaðir hálfdrættingar, en
það voru unglingar um borð í fiskiskipum sem voru lögskráðir
UPP á hálfan hlut. Einnig var algengt að ungt fólk væri sem við-
vaningar á kaupskipum, en sá siður er að mestu lagður af. Um
borð í varðskipum Landhelgisgæslunnar hafa verið svokallaðir
nemar s.l. sumur og hefur það verkefni tekist vel. Hér er því kjör-
ið tækifæri fyrir útgerðir í landinu að kynna sjómennsku fyrir
ungu fólki og von um að fleiri einstaklingar hafi áhuga á að gera
þessa atvinnugrein að lífsstarfi.
Um slysatrvggingu sjó-
manna
38. þing Farmanna- og fiskimannasamband Islands haldið í
Reykjavík, dagana 26. - 28. nóvember 1997, skorar á trygginga-
táðherra að hann hlutist til um að gerðar verði nauðsynlegar breyt-
lngar á lögum nr. 117/1993 um almannatryggingar, með síðari
breytingum, þannig að íslenskir sjómenn sem starfa á erlendum skip-
um verði slysatryggðir, enda sé greitt tryggingagjald af þeim til ís-
lenska ríkisins.
Um stjórn fiskveiða
38. þing Farmanna- og fiskimannasamband íslands haldið í
Reykjavík, dagana 26. - 28. nóvember 1997, leggur áherslu á að eftir-
farandi breytingar verði gerðar á löggjöf um stjórn fiskveiða.
Mælt er með að fyrirliggjandi frumvarp til laga á Alþingi íslend-
inga, þingskjal nr. 155, sem flutt er af þingmönnunum Guðmundi
Hallvarðssyni og Guðjóni Guðmundssyni verði samþykkt og tilheyr-
andi ákvæði taki gildi 1. september 1998. Slík samþykkt felur í sér að
framsal veiðiheimilda yrði afnumið og þar með væri hið umdeilda
kvótabrask úr sögunni.
Þeir sem ekki nýta veiðiheimildir sínar og að fullnýttum geymslu-
rétti milli ára, sem nú er 20%, missa varanlega frá sér það sem umfram
er. Þetta ákvæði tekur að hálfu leyti gildi frá 1. september 1999 og
kemur að fullu til framkvæmda 1. september 2000.
Þeir sem ekki veiða sína úthlutun en geta gefið eðlilegar skýringar,
t.d. vegna sjóskaða, bruna eða alvarlegrar vélarbilunar eða annars nið-
urbrots á búnaði, missi ekki frá sér ákveðið hlutfall þess sem óveitt er.
Slík undanþága frá meginreglunni skal staðfest af Fiskistofu.
Tekið verði fyrir frekari flutning á kvóta frá bátaflotanum til ann-
arra útgerðarflokka.
38. sambandsþing Farmanna- og fiskimannasambands íslands ít-
rekar fyrri afstöðu samtakanna, þar sem veiðigjaldi eða auðlindaskatti
er hafnað.
PEYSA HEIL KR. 4.600,-
PEYSA MEÐ RENNILÁS KR. 4.800,-
ULLARTEPPI (ÞR(LITT) 200X140 KR. 2.400,-
CÓÐ í KOJUNA
SENPOM í PÓSTKRÖFO OM ALLT LAND.
SAUMASTOFAN evQ EHF. S: 452 4260 • FAX: 452 4660
SjÓMANNABLAÐIÐ VÍKINGUR