Sjómannablaðið Víkingur - 01.06.2000, Blaðsíða 28

Hafnareftirlit ríkisins skoðaði 132 erlend skip í fyrra
Skip stöðvuð þegar
ástæða þykir txl
HELTERMM
„Á síðasta ári skoðuðum við 132 erlend skip. Okkur er gert að skoða 25% allra skipa sem
koma til landsins og þurfum að standa við það,“ segir Hálfdán Henrysson meðal annars.
Myndirnar sem fylgja greininni eru efninu óviðkomandi.
Skipstjórar erlendra skipa sem sigla hingað
til lands geta hvenær sem er átt von á því að
starfsmenn Hafnarríkiseftirlitsins komi um
borð og skoði skipið og öll skipsskjöl. Ef á-
stæða þykir til getur eftirlitið stöðvað frekari
siglingu þar til bætt hefur verið úr þeim ágöll-
um sem kunna að koma í ljós við skoðun.
Sjómannablaðið Víkingur leitaði upplýsinga
um Hafnarríkiseftirlitið hjá Hálfdáni
Henrysyni starfsmanni Siglingastofnunar.
„Við megum skoða öll erlend kaupskip
sem koma í höfn hér á landi. Einnig fiskveiði-
skip ef þau eru eingöngu í því að flytja fisk frá
miðum og milli staða. Nú í maí á þessu ári
verðum við fúllgildir að því fjölþjóðaeftirliti,
Port State Control, sem komið hefur verið
upp á vegum Evrópusambandsins og í
Kanada. Síðan er svona eftirliti einnig í Asíu
og í Karabiska hafinu og Bandaríkin hafa ver-
ið aukaaðilar að þessu eins og við. Það eru
þrjú ár frá því að við hófum þátttöku í þessu
verkefni og við verðum 19. þjóðin í Evrópu
sem fær fullan aðgang að þessu. Því fylgir að-
gangur að tölvubanka sem er staðsettur í
Frakklandi og þar getum við leitað upplýs-
inga um öll skip. En við megum ekki skoða
þau nema liðnir séu sex mánuðir frá síðustu
skoðun hafi allt verið í lagi þá, nema við fáum
rökstuddan grun um að eitthvað sé að. Það
þarf þá að gerast með ákveðnum formerkj-
um. Hér er um samræmt eftirlit að ræða,“
segir Hálfdán.
-Eru það mörg skip sem þið skoðið á
hverju ári?
„Á síðasta ári skoðuðum við 132 erlend
skip. Okkur er gert að skoða 25% allra skipa
sem koma til landsins og þurfúm að standa
við það. Þau skip íslenskra kaupskipaútgerða
sem eru skráð erlendis falla undir þessa skoð-
un okkar.“
Unnið eftir nákvæmum reglum
í fljótur bragði sýnist það ærið tímafrekt
verkefni að gera fullnægjandi úttekt á skipum
sem Hafnarríkiseftirlitið skoðar. Hálfdán var
spurður hvað væri einkum kannað við þetta
eftirlit.
„Þar er farið eftir nákvæmum reglum. Fyrst
þegar komið er um borð er litið yfir það allt
ef svo má að orði komast og síðan er farið yfir
alla pappíra skipsins. Þar má nefna skráning-
armál, mengunarmál, áhafnarmál og ef okkur
þykir ásræða til að fara nánar ofan í hlutina
höfúm við fúlla heimild til þess. Við getum
kallað til sérfræðinga, við förum í íbúðir skip-
verja, salernin, matvælageymslur, svo dæmi
séu nefnd. Þetta eru mjög nákvæmar skoðan-
ir enda finnum við að skipstjórum stendur
oft stuggur af þessu eftirliti. Við gön'gum úr
skugga að áhöfnin hafi tilskylin réttindi og
við megum óska eftir því að skoða ráðningar-
samninga skipverja en við getum ekki lagt
mat á hvort þeir eru samkvæmt gildandi regl-
um ILO eða ITF. En ef þessi samtök hafa
rökstuddan grun um að þarna sé óhreint
mjöl í pokahorninu mega þau biðja okkur
um aðstoð við að kanna málið og við gerum
það.“
Skip stöðvuð
-Til hvaða ráða grípið þið ef eitthvað er að-
finnsluvert um borð?
„Við getum stöðvað viðkomandi skip og
höfúm raunar stöðvað fjögur skip frá áramót-
um. Þar var ýmislegt ekki í lagi, svo sem ör-
yggismál. Talstöðvar ekki í lagi, fjarskipta-
mann vantaði tiltekin skírteini, mönnun ekki
í samræmi við mönnunarskírteini og síðan
ýmis önnur mál svo sem skortur á hreinlæti
og fleira. Við gerum kröfu um að svona sé
lagað og þegar því er lokið tökum við skipið
út aftur áður en það fær að sigla. Ég get nefnt
sem dæmi að við vorum fyrir skömmu kall-
aðir til Njarðvíkur. Skipstjóri flutningaskips
sem þar var kvartaði undan því að það væri
sprunga í lestarbúnaði og bað okkur að koma
á staðinn. Við fórum um borð og kölluðum
28
Sjómannablaðið Víkingur