Sjómannablaðið Víkingur - 01.06.2000, Page 36

Sigurður Kristófer Óskarsson stýrmaður, yfirfiskmatsmaður
og framhaldsskólakennari stiklar á stóru í lífshlaupi sínu
í viðtali við Sæmund Guðvinsson
Ég hef alHaf haft
borð fýrir báru
Sigurður Kristófer Óskarsson og Sigríður Guðmundsdóttir.
Bæði eru þau fædd á Snæfellsnesi þar sem jökulinn ber við himinn. Sigurður tekur á móti
mér í ganginum. Hár maður og grannur, teinréttur og kvikur í hreyfingum. Kannski nokkuð
stórskorin í andliti.
Fjölbýlishúsið að Dalbraut 16 er nýtt og
hið glæsilegasta. Á fjórðu hæð búa hjónin
Sigurður Kristófer Óskarsson og Sigríður
Guðmundsdóttir. Bæði eru þau fædd á Snæ-
fellsnesi þar sem jökulinn ber við himinn.
Sigurður tekur á móti mér í ganginum. Hár
maður og grannur, teinréttur og kvikur í
hreyfingum. Kannski nokkuð stórskorin í
andliti. Segist hafa orðið fullorðinn í framan
um fertugt en ekki breyst síðan. Frúin tekur á
móti mér í dyrunum og við setjumst niður í
fallegri stofu sem búin er smekklegum hús-
gögnum. Hér er greinilega allt í röð og reglu
og þau hjón hafa góða nærveru eins og stund-
um var sagt. Sigurður hefur starfaði mikið
fýrir Skipstjóra- og stýrimannafélagið Öld-
una og Sigríður líka. Hún var meðal annars
formaður Kvenfélags Öldunnar um skeið og
tók íyrstu skóflustunguna að húsinu við Dal-
braut.. Erindið er að fá Sigurð til að segja
undan og ofan af lífshlaupi sínu til sjós og
lands og við hefjum spjallið.
„Ég er fæddur á Snæfellsnesi 18. júlí 1925.
Foreldrar mínir bjuggu niður við sjóinn á
hjáleigunni Bakkabæ frá Brimilsvöllum, en
við fluttum til Reykjavíkur árið 1929. Faðir
minn var sjómaður og sem strákur fór ég
stundum á sumrin með honum á Hilmi þar
sem hann var þá matsveinn. Ekki fékk ég
neitt kaup en var pabba til aðstoðar. Það var
Alliance sem gerði út Hilmi. Ég man að 1.
september 1939 var síldveiðunum hætt það
sumarið. Þetta var daginn sem stríðið skall á.
Við lönduðum á Djúpuvík og faðir minn fór
upp í búð til að kaupa kaffi og fleira því fólk
óttaðist skömmtun á nauðsynjum. Móðir
mín kom til Djúpuvíkur á sumrin og vann
36
Sjómannablaðið Víkingur