Náttúrufræðingurinn - 1931, Síða 24

134
NÁTTÚRUFR.
rannsóknum og enginn ætlaðist til þess þá, né fór þess á leit.
Island og Grænland voru þá jöfnum höndum skoðuð sem út-
lönd Danmerkur og Danir höfðu allan veg og vanda af veður-
athugunum hér allt til 1918, að Veðurstofan var stofnuð.
Síðan 1918 hefir margt breyzt í heimi hér. Vélræn menn-
ing og hverskonar tæki hefir tekið stórstígum framförum. Ný
verkefni hafa jafnframt verið tekin til rannsókna, sem áður
voru ofvaxin viðfangsefni.
í veðurfræði er einnig komin önnur öld, þótt ennþá séu
mörg örðug viðfangsefni óleyst. Loftskeyti hafa gert það kleift
að dreifa daglegum veðurfregnum landa og heimsálfa á milli.
í stað þess að áður varð að láta sér nægja að gera veðurathug-
anir á yfirborði jarðar, er nú aðaláherzla lögð á að rannsaka
Snæfellsjökull (sunnan aö).
ástand loftsins og hreyfingar hið efra allt að 10—20 km. yfir
sjó. Tæki hafa verið smíðuð, sem hægt er að senda hátt í loft
upp mannlaus og skila þau nákvæmum mælingum af hitafari,
raka og þrýstingu uppi í loftinu, þegar þau falla aftur til jarð-
ar. Sum senda sjálfkrafa skeyti til jarðar um lofthitann með-
an þau svífa hátt í lofti. En þessar rannsóknir kosta mikið fé
og því eru þær aðeins framkvæmdar á fáum stöðum — of
fáum til þessa gefa fullt yfirlit yfir höfuðstrauma þá, sem eiga
sér stað í lofthjúp jarðarinnar milli hitabeltis og heimskauta-
svæða.
Að öllu þessu athuguðu hefir það þótt tímabært að hefja