Náttúrufræðingurinn - 1963, Page 38

32
NÁTTÚRUFRÆÐINGURINN
Hesti). Vex hún í bleytu
og mýraþúfum innan um
keldustör, hengistör, blá-
toppastör og brok. Störin er
með löngu og mjóu axi og
líkist helzt stórri tvíbýlisstör
fljótt á litið, en er m. a.
mikið axlengri og að jafnaði
15—20 cm á hæð. Hæstu ein-
tök 25 cm. Próf. J. Lid í
Osló telur þetta vera bastarð
tvíbýlisstarar og rjúpustarar
(Carex dioica X C. Lachen-
alii), en hann mun ekki hafa
fundizt áður hér á landi.
Hvorki fann ég tvíbýlisstör
né rjúpustör á staðnum, en
báðar þessar tegundir vaxa
þó við Hestfjörð. Skriðstör
(Carex Mackenziei) vex við
Hrafnabjörg og víðar í
Laugardal. Mýraber (Oxyc-
occus microcarpus) vaxa innan við Eyri í Skötufirði. Snarrótar-
puntur er sjaldgæfur víðast á Vestfjörðum. í Eyrarhlíð í Skötu-
firði vex hann á strjálingi. Einnig utan túns í Ögri og í Hvíta-
nesi, en lítið.
2. mynd. Carex dioica x C. Lachenalii.
Gróður á gólfi og veggjum fjárborgar.
Á Markeyri, spöl innan við Litlabæ í Skötufirði, stendur reisu-
leg fjárborg örskammt frá sjó. Veggir eru um 180 cm á hæð, hlaðnir
úr hellugrjóti. Þvermál gólfs 6—7 skref. Gólfið er nú algróið, en
taðmylsna undir. Þarna inni vaxa: Vallarsveifgras, varpasveifgras,
túnvingull, blásveifgras, silfurmura, túnsúra, haugarfi, hjartaarfi,
túnfífill og skarifífill. Ofan á þykkum veggjunum vex mosi, skorpu-
fléttur og á stangli vegarfi og túnvingull. Að utan eru veggirnir
furðu litskrúðugir, nær alvaxnir gráum, grænum, gulum, rauðum
og svörtum fléttum. Mest ber á fléttum fjallsmegin, þ. e. að norðan
og norðvestan. Fjárborgin mun vera mjög gömul. (Utanmál í miðri