Náttúrufræðingurinn - 1937, Side 8
50 NÁTTÚRUFRÆÐINGURINN
111111111 i 111II1111II11111111II111111111111IIIII1111111111111111II1111111111111111111II1111II1111111111111111111111111111111111111II1111111111 ■ ■ 11111111111III í'<!
nám til erlendrar stórborgar og geta sér frama og frægð á alþjóða-
mælikvarða, hafa Dr. Bjarna opnazt nýir heimar daglega við hið
margbreytta vísindastarf, sem hann hefur af hendi leyst, auk þess.
sem hann hefur starfað í nánu sambandi við menn úr öllum stétt-
um þjóðfélagsins og við aðra vísindamenn um mikinn hluta heims-
ins. Hvaða þýðingu samstarfið við íslenzka fiskimenn hefur haft
fyrir hann sjálfan, sést bezt á því, að hann hefur tileinkað þeim
veigamesta ritið, sem eftir hann liggur, bókina um íslenzku
fiskana.
Um leið og Náttúrufræðingurinn þakkar þeim, sem lagt hafa
skerf að þessu hefti, vil eg sérstaklega senda prófessor Ad. S. Jen-
sen beztu þökk frá ritinu fyrir það, að hann hefur tekið að sér að
mæla fyrir munn hinna mörgu, sem frá ýmsum framandi löndum
senda Bjarna Sæmundssyni árnaðaróskir í dag. Þess skal einnig
getið, að brjóstmynd sú, sem myndir birtast af í þessu hefti, er
gerð af hr. Marteini Guðmundssyni, tengdasyni Dr. Bjarna, að
tilhlutun Hins íslenzka Náttúrufræðifélags. Eg get ekki stillt mig
um að láta í ljós ánægju mína yfir því, hve prýðilega þetta lista-
verk hefur tekizt, og óska hinum unga listamanni til hamingju
með vel unnið starf.
Þótt Dr. Bjarni hafi unnið sitt mikla lífsstarf í kyrrþey,
langt frá vopnagný pólitískra bardaga og dægurdeilna, hafa hon-
um þó hlotnazt margar viðurkenningar bæði frá íslandi og öðr-
um löndum. Og í dag, þegar sjötíu ár eru að baki lögð, minnist
hans fjölmennur vinahópur. Vinirnir minnast Dr. Bjarna Sæ-
mundssonar sem hins sístarfandi vísindamanns, sem formanns
Hins íslenzka Náttúrufræðifélags, sem forstjóra Náttúrugripa-
safnsins í Reykjavík, sem eins þeirra manna, er hafa skipað
Vísindafélag fslendinga og Fiskifélag fslands, sem höfundar
kennslubóka, er notaðar hafa verið í mannsaldur, sem ráðu-
nauts ríkisstjórnarinnar í sjávarútvegsmálum í áratugi, sem;
kennara þorrans af embættismönnum landsins, og síðast en ekki
sízt minnast þeir hans vegna persónu hans og prúðmannlegrar
framkomu.
Náttúrufræðingurinn mælir fyrir munn margra, þegar hann
flytur Dr. Bjarna Sæmundssyni beztu árnaðaróskir í dag, á sjö-
tugsafmæli hans. Allir óska þess, að hans megi enn sem allra
lengst við njóta, því að allir, sem þekkja Bjarna Sæmundsson, eru
vinir hans. Á. F.