Náttúrufræðingurinn - 1949, Page 18

Steindór Steindórsson:
Flórunýjungar 1948
Síðan 1930 hef ég við og við birt smágreinar um þær nýjungar, er
ég hef orðið var við um útbreiðslu sjaldgæfra tegunda og nýjar teg-
undir hér á landi. Hinn síðasti af þessum listum birtist í Náttúru-
fræðingnum, XIII. árg., í yfirlitsgrein um Flórunýjungar 1925—40.
Þær nýjungar, sem ég varð var við á næstu árum þar á eftir, hef ég
tekið upp í Flóru íslands, 3. útg., en þó er getið nánar útbreiðslu
nokkurra tegunda hér. Greinarkorn jrað, sem hér birtist, fjallar um
fundi mína áritr 1947 og ’48, að svo miklu leyti sem þeirra hefur
ekki verið getið í Flóru. Rannsóknarsvæði mín þessi sumur voru
sem hér segir. Sumarið 1947 fór ég allvíða um Rangárvallasýslu,
aðallega Fljótshlíð, Eyjafjöll, Vestur-Landeyjar og Rangárvelli, en
einnig lítið eitt austast um Holtin. Óveðrin það sumar ollu bæði
því, að ég fékk ekki rannsakað eins vel þau svæði, er ég fór um, og
ég hefði óskað, og eins hinu, að yfirferðin varð minni en ætlað var
í fyrstu. Hef ég því ekki birt sérstaka grein um rannsóknir mínar
á þessu svæði, að ég hef hugsað mér að gera þangað aðra ferð.
Sumarið 1948 dvaldist ég fyrst efst í Norðurárdal í Borgarfirði og
fór þaðan upp um sunnanverða Holtavörðuheiði, en síðar var ég um
skeið við sunnanverðan Kaldadalsveg, með stöðvar í Brunnum. Flest-
ir þeir fundarstaðir, sem hér verður getið, eru því frá þessum slóð-
um. Þá hef ég tekið lítið eitt til athugunar um nokkrar tegundir,
sem virðast eiga meginútbreiðslu sína hérlendis á þessum umræddu
svæðum. Nöfn plantna og röð er hin sama og í Flóru, 3. útg., en
ættaheitum og höfundaskammstöfunum sleppt til rúmsparnaðar.
1. Ophioglossum vulgatum, naðurtunga. — Við Englandshver í Eundarreykjadal. Ein-
tnk, sem ég athugaði, eru öll með einu blaði og virðast því teljast til aðaltegundar-
innar, en ekki afbrigðisins var. polyphyllum, sem hingað til hefur aðeins fundizl hér
á landi.