Náttúrufræðingurinn - 1956, Side 34

Finnur Guðmundsson:
Fu^Iamerkiiijíar Náttúruérípa-
safusins 1950—1952
Merkingarnar 1950—1952
Árið 1950 voru alls merktir 846 fuglar og teljast þeir til 35 teg-
unda (sbr. töflu I). Af þeim voru 186 (22%) fullorðnir fuglar, en
660 (78%) ungar. Mest var merkt af skúmum (99), snjótittlingum
(98) og óðinshönum (84), en næst þeim ganga skógarþrestir (59),
hrafnsendur (53) og hávellur (52). Hjá öðrum tegundum var fjöldi
merktra fugla innan við 50. Árið 1950 voru liðsmenn við merking-
arnar 10 (sbr. töflu IV) eða öllu réttara 12, ef tekið er tillit til þess,
að á tveimur stöðum tóku tveir menn þátt í merkingunum. Lang-
flesta fugla eða 595 merktu Grímsstaðabræður, Jóhannes og Ragnar
Sigfinnssynir. Næstur þeim að afköstum gengur Hálfdán Björnsson
á Kvískerjum, sem merkti 110 fugla, en hjá öðrum liðsmönnum var
fjöldi merktra fugla innan við 50.
Árið 1951 voru alls merktir 2181 fuglar og teljast þeir til 42
tegunda (sbr. töflu II). Af þeim voru 885 (40.6%) fullorðnir fuglar,
en 1296 (59.4%) ungar. Mest var merkt af heiðagæsum eða alls 1151.
Voru það þátttakendur í gæsaleiðangrinum í Þjórsárver við Hofs-
jökul, sem lieiðagæsirnar merktu. Að leiðangri þessum stóðu The
Severn Wildfowl Trust í Englandi undir forustu Peter Scotts og
Náttúrugripasafn íslands. Að sjálfsögðu voru gæsirnar merktar með
íslenzkum merkjum. Af öðrum fuglum var mest merkt af sendling-
um (134), tildrum (124) og rauðbrystingum (110). Voru þessir vað-
fuglar allir merktir fullorðnir af Hákoni Vilhjálmssyni á Hafur-
bjarnarstöðum. Þá voru merktar 93 kríur, en hjá öðrum tegundum
var fjöldi merktra fugla innan við 50. Auk þátttakenda f gæsaleið-
angrinum í Þjórsárver voru liðsmenn við merkingarnar þetta ár 10
(12) talsins (sbr. töflu IV). Af þeim merkti Hákon Vilhjálmsson á
Hafurbjarnarstöðum flesta fugla eða 470. Næstir honum ganga
Grímsstaðabræður, Jóhannes og Ragnar Sigfinnssynir, sem merktu
320 fugla, og Sigurður Gunnarsson í Arnarnesi, sem merkti 91 fugl.
Hjá öðrum liðsmönnum var fjöldi merktra fugla innan við 50.