Náttúrufræðingurinn - 1956, Blaðsíða 50

Jolianncs Grröixtved
25. janúar 1882 - 11. júlí 1956
Fyrir nokkrum dögum
andaðist danski grasafræð-
ingurinn Johannes Grönt-
ved, en hann var mörgunr
íslendingum að góðu kunn-
ur.
Johannes Gröntved var
kominn af góðum norður-
józkum bændaættum, en
hann fæddist í Mygdal, ná-
lægt Hjörring. Eigi var
hann settur til náms þegar
í æsku, en varð að vinna sig
áfram, eftir því, sem efni
og ástæður leyfðu, Til átján
ára aldurs vann hann að
venjulegum búverkum, bæði í föðurgarði og hjá vandalausum,
en gerðist síðan einkakennari og stundaði þann starfa um nokkurra
ára bil. Jafnframt fór hann að búa sig undir skóla. Hann tók
stúdentspróf árið 1910, en varð magister í grasafræði við Hafnar-
háskóla sex árum síðar, 34 vetra að aldri. Tveimur árum eftir emb-
ættispróf gerðist hann starfsmaður við grasasafnið í Kaupmanna-
höfn (Botanisk Museum) og starfaði þar síðan alla æfi. Á árunum
1918—1934 var hann „amanuensis" við safnið en sinnti síðan bóka-
vörzlunni þar í 15 ár (1935—1950) þar til hann lét af störfum. En
einnig eftir það var hann daglegur gestur á safninu, allt fram á árið
1956, er hann tók sótt þá, er leiddi hann til bana. Sinnti hann þar
hugðarefnum sínum, í litla herberginu þar sem hann starfaði í
40 ár.
Þó að Johannes Gröntved væri einn þeirra, sem lítið láta fara
fyrir sér, var hann eljumaður með afbrigðum, hvers manns hug-
Ijúfi og hinn tryggasti vinur vina sinna. Starfsæfi hans var löng og
hann kom víða við. Á árunum 1922—1955 fór hann í fjölmarga