Náttúrufræðingurinn - 1957, Qupperneq 19

PÁLMI HANNESSON
175
stöðurnar fólu í sér miklar viðbætur við það, sem áður var vitað
um jarðfræði þessara svæða. Fyrr um sumarið hafði Pálmi ferðazt
með Niels Nielsen um öræfin sunnan Langajökuls. En síðar þetta
sama sumar urðu þeir Pálmi og Bjerring-Pedersen samferða Guð-
mundi G. Bárðarsyni suður í Vonarskarð og í Öskju. Pálmi vildi
þá einkum kynna sér háfjallagróður og dýralíf í fjallavötnum. Tal-
ið hefir verið, að Öskjuferð þessi með Guðmundi G. Bárðarsyni
hafi orðið til þess að kveikja þann áhuga, sem hugur rektors hrann
síðan af, á eldfjallafræði og á rannsóknum jarðelda. Næstu sumur
rekur hver rannsóknarferðin aðra, 1924 könnuðu þeir Pálmi og
Niels Nielsen umhverfi Hvítárvatns og landið sunnan Hofsjökuls,
sumarið 1927 rannsökuðu þeir Veiðivatnasvæðið og vesturrönd
Vatnajökuls. Sumarið 1930 átti ég þess kost, að dveljast með Pálma
í Orravatnsrústum nokkurn tíma og fara með honum um hálend-
ið þar í kring. Fræddi hann mig þá um rústir eða flár, en um sköp-
un þessara íslenzku freðmýra var hann allra manna fróðastur. Sum-
arið 1931 fór Pálmi um Fjallabaksveg og kannaði þá m. a. hreyt-
ingar þær, sem Skaptáreldahraun hefir haft á rennsli Skaptár frá
fornum tíma. Sumarið 1933 fór hann mikinn leiðangur um Möðru-
dalsöræfi og Brúaröræfi og árið eftir tók hann þátt í rannsóknum
Niels Nielsen’s á Skeiðarárhlaupi. Sumarið næsta, 1935, er Pálmi
enn þátttakandi í miklum leiðangri um öræfin kringum Snæfell
og um Víðidal í Lóni og um Austur-Skaftafellssýslu, og 1936 tek-
ur hann þátt í síðari Vatnajökulsleiðangri prófessors Niels Niel-
sen’s. Loks fer hann svo, sumarið 1937, rannsóknarleiðangur um
Síðumannaafrétt. í öllum þessum rannsóknarleiðöngrum voru
fleiri vísindamenn í fylgd með Pálma. Auk þeirra erlendu rann-
sóknarfélaga, sem að ofan getur, tóku eftirtaldir íslenzkir náttúru-
fræðingar jrátt í leiðöngrunum: Magnús Björnsson, fuglafræðingur,
Steinþór Sigurðsson, magister, Steindór Steindórsson, menntaskóla-
kennari og dr. Sigurður Þórarinsson. Hafa þeir flestir verið þátt-
takendur í fleiri leiðangrum með Pálma. Frá sumum þessum leið-
angrum og niðurstöðum Jieirra hefir Pálmi sagt í hinu rnikla rit-
safni „Hrakningar og heiðavegir", sem hann, ásamt Jóni Eyþórssyni,
sá um útgáfu á. Mikið af niðurstöðum Pálma á sviði jarðfræði
landsins og staðfræði er þó geymt í daghókum hans. Vannst hon-
um ekki tími til úrvinnslu, en hann mun hafa hugsað sér að vinna
úr jressu el'ni, jregar embættisönnum létti og eitthvert tóm gæfist.
Pálmi liafði með höndum stjórn á rannsóknum Heklugossins 1947.