Náttúrufræðingurinn - 1974, Síða 116

110
NÁTTÚRUFRÆÐINGURINN
1. mynd. Misgengið við Óbrinnishóla. Ljósm. Jón Jónsson.
Óbrinnishólar
Einn slíkur hólmi er dálítil hæð, sem stendur upp úr hraun-
hafinu um 700 m vestan við Undirhlíðar og tæpum 2 km sunnan
við Kaldársel. Austan í þeirri hæð er röð eldgíga, sem Óbrinnis-
hólar nefnast. Hólaröðin sjálf er rösklega 900 m á lengd. Iiæsti
gígurinn er eða öllu lieldur var um 44 m hár yfir næsta umhverfi
og um 124 m yfir sjó. Venja er að rita nalnið Óbrinnishólar og svo
er gert á flestum kortum. Á það hefur verið bent, að nafnið sé
hliðstætt við nafn á hólma, sem Ögmundarhraun rann í kringum
og síðan ber nafnið Óbrennishólmi. Virðist þetta vera aðgengileg
skýring og mætti því ætla að nafnið væri frá þeim tíma er gosið,
sem myndaði Kapelluhraun, var mönnum ennþá í fersku minni.
Hæð sú, sem Óbrinnishólar eru á, er að mestu úr bólstrabergi og
grágrýti. Eftir hæðinni endilangri er sigdalur (Graben) aðeins um
50 m l)reiður og með stefnu norðaustur-suðvestur (1. mynd). Að-
eins austan við dalinn er þröng gjá og djúp, sem stefnir eins og
hann, en sést ekki nema á nokkrum stöðum. Rétt austan við sig-
dalinn rísa gígirnir og stefnir röðin eins og dalurinn. Þessi sigdalur