Skinfaxi - 01.10.2003, Blaðsíða 27

Helena dlafsdóttir landsliðsþjálfari
ísienska kvennalandsliöið er á mikilli siglingu í und-
ankeppni EM og situr eins og er efst í sínum riöli eftir
tvo góða sigra á Póllandi fyrir skömmu. Stúlkurnar
eiga góða möguleika að tryggja sér farseðilinn á
úrslitakeppni EM sem fram fer í Englandi 2005 en
þær eiga þó erfiða leiki fyrir höndum þar sem bæði
Frakkland og Rússland eru með þeim í riðli en báðar
þessar þjóðir voru komnar í átta liða úrslit á
heimsmeistaramótinu sem fram fór í Bandaríkjunum
í september og október. Það er því við ramman reip
að draga en árangur liðsins hefur vakið mikla athygli
og mikill uppgangur virðist eiga sér staði í íslenskri
kvennaknattspyrnu um þessar mundir því U-19 ára
landslið kvenna sigraði alla þrjá leikina í undanriðli
EM á dögunum. Helena Ólafsdóttir fyrrverandi knatt-
spyrnukona þekkir vel til kvennaboltans en hún tók
við þjálfun kvennalandsliðs íslands í febrúar s.l. og
ræðir hér við Valdimar Kristófersson um stöðu
liðsins og kvennaboltann á ísiandi.
Þessar stelpur hugsa hátt og það þýðir
ekkert annað ef árangur á að nást
- segir Helena Ólafsdóttir landsliðsþjálfari kvenna í knattspyrnu
Mikill uppgangur hjá stelpunum á undanförnum árum
íslenska kvennalandsliðið trónir nú á toppi síns riðils í undan-
keppni EM þegar keppnin er hálfnuð. Liðið er búið að spila
fimm leiki af átta og aðeins tapað einum þeirra - á móti
Frakklandi. En átti Helena von á þessari stöðu þegar hún var
að taka við liðinu?
„Þótt við séum efstar um þessar mundir þá erum við ekki með
fæst töpuð stig. Við erum t.d. búnar að leika fleiri leiki en Frakkland
sem hefur ekki enn tapað leik. Það breytir því þó ekki að við erum
efstar í riðlinum um þessar mundir og okkur hefur gengið vel. Það
má segja að ég hafi rennt dálítið blint í sjóinn þegar ég tók við
þessu liði. Ég þekkti ekki til allra liðanna í riðlinum og margir héldu
að þetta yrði mjög erfitt þar sem margar stúlkur sem höfðu verið
fastamenn í liðinu í gegnum árin voru að hætta eða í meiðslum.
Það var því erfitt að gera sér grein fyrir hvar liðið stæði. Það hefur
þó verið mikill uppgangur hjá stelpunum á undanförnum árum og
margar góðar stelpur að koma upp í kvennaboltanum. Það sýnir
sig kannski best í því að það hafa margar stelpur komið að
þessum leikjum og flestar þeirra hafa verið að spila sína bestu
leiki. Það hafa verið töluverðar breytingar á liðinu milli leikja og ég
held að ég hafi aldrei stillt upp sömu vörninni í þessum leikjum.
Þrátt fyrir þetta hefur þetta smollið saman og ég er virkilega ánægð
með það og framgöngu stelpnanna í mótinu fram til þessa.“
Hverja töldu þið raunhæfa möguleika ykkar fyrir mótið?
„Stelpurnar eru fullar af metnaði og þegar við ræddum saman fyrir
fyrsta leikinn í mótinu þá stefndum við á að ná öðru sætinu í
riðlinum og komast þannig í umspil. Þessar stelpur hugsa hátt og
það þýðir ekkert annað ef árangur á að nást.“