Fréttablaðið - 05.06.2009, Side 12

12 5. júní 2009 FÖSTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
Fjöldi viðskipta: 15 Velta: 152 milljónir
OMX ÍSLAND 15 OMX ÍSLAND 6
262 0,00% 713 +0,13%
MESTA HÆKKUN
CENTURY ALUMIN. 2,32%
FØROYA BANKI 0,84%
MAREL FOOD S. 0,54%
MESTA LÆKKUN
BAKKAVÖR 5,17%
HLUTABRÉF Í ÚRVALSVÍSITÖLU: Alfesca 4,00 +0,00% ... Atlantic
Airways 167,00 +0,00% ... Atlantic Petroleum 550,00 +0,00% ...
Bakkavör 1,10 -5,17% ... Eik Banki 89,00 +0,00 ... Eimskipafélagið
1,00 +0,00% ... Føroya Banki 119,50 +0,84% ... Icelandair Group
4,60 +0,00% ... Marel Food Systems 55,70 +0,54% ... Össur 106,50
+0,00%
Margt smátt
Seinni partinn í dag stendur Viðskiptaráð Íslands
fyrir málþingi undir heitinu „Margt smátt gerir eitt
stórt“. Orðatiltækið á líkast til vel við nú um stund-
ir eftir fall risafyrirtækjanna sem bankarnir voru
orðnir. Viðskiptaráð bendir á að lítil og meðalstór
fyrirtæki séu samanlagt stærsti vinnuveitandi
landsins og því burðarás í atvinnulífinu. Kallað
er eftir hugarfarsbreytingu gagnvart íslensku
viðskiptalífi á þá leið að litlum og meðalstórum
fyrirtækjum verði gert hærra undir höfði en verið
hefur. Þingið verður haldið í Þjóðminjasafninu
klukkan þrjú, en meðal framsögumanna verður
Christina Sommer, forseti Sambands
evrópskra smáfyrirtækja
(European Small Business
Alliance). Óvíst er
þó að smáfyrirtæki
á meginlandinu hafi
sömu merkingu og
smáfyrirtæki hér.
Hvað á barnið að heita?
Hér voru fyrir skömmu á ferðinni alþjóðlegir
sérfræðingar bæði í efnahagskreppum og skóla-
málum og veltu fyrir sér hvernig hér mætti laga
mennta- kerfið að nýjum aðstæðum
þannig að hjálpaði til við endur-
reisn og yrði grunnur sem byggja
mætti á framtíðarhagvöxt.
Sérfræðingarnir skiluðu merkri
skýrslu um málið þar sem
meðal annars er lögð til víðtæk
sameining skóla á háskólastigi.
Kvisast hefur út að í framhaldi
af birtingu skýrslunnar sé
verið að kanna hugsanlega sameiningu eða
samvinnu háskólanna þriggja, Háskólans í
Reykjavík, Háskólans á Bifröst og Listaháskólans.
Sá brandari gengur meðal skólamanna að vart
gengi annað nafn á nýjan sameinaðan skóla en
Samvinnuháskólinn. Og myndi það líklega ylja
mörgum gömlum sambandsmanninum.
Peningaskápurinn ...
„Þetta er allt of
skammt farið,
því miður, og
veldur veruleg-
um vonbrigð-
um,“ segir Finn-
ur Oddsson,
framkvæmda-
stjóri Viðskipta-
ráðs Íslands, um
hundrað punkta
lækkun stýrivaxta Seðlabanka
Íslands í gær.
„Í ljósi þess hve augljós þörf
er á frekari lækkun vaxta fyrir
atvinnulíf og heimili almennt,
sýnir þetta skref líklega fyrst og
fremst óánægju Alþjóðagjaldeyr-
issjóðsins með framvindu í mikil-
vægum málum sem hann telur
forsendu frekari vaxtalækkana,“
bætir hann við og vísar þar til
áætlunar um fjármál hins opin-
bera og endurreisn bankakerfis-
ins.
Finnur segir flesta átta sig á
að samband vaxta og gengis hafi
rofnað, eða jafnvel snúist við. „Og
því virðist afstaða sjóðsins til
vaxtamála hér notuð til að pressa
á stjórnvöld um framgang þess-
ara mála, sem hafa dregist allt
of lengi. Spjótin beinast því að
stjórnvöldum að gera grein fyrir
áætlunum og hefja framkvæmd
þeirra.“ - óká
FINNUR ODDSSON
Spjótin beinast
að stjórnvöldum
Ben Bernanke, seðlabankastjóri
Bandaríkjanna, varar við því að
mikill fjárlagahalli í Bandaríkj-
unum geti ógnað stöðugleika í
bandarísku efnahagslífi og leitt
til þess að lánakjör hins opinbera
versni til muna.
Seðlabankastjórinn, sem sat
fyrir svörum hjá fjárlaganefnd
bandaríska þingsins í vikunni,
sagði uppkaup ríkisins á slæmum
eignum banka og fjármálafyrir-
tækja eiga þar hlut að máli. Seðla-
bankinn geti ekki fjármagnað hít-
ina til lengri tíma. Angela Merkel,
kanslari Þýskalands, hefur sagt
aðgerðina, sem Englandsbanki
hefur sömuleiðis tekið upp, mis-
ráðna og bjóða hættunni heim.
Bloomberg-fréttastofan segir
gert ráð fyrir því að halli á fjár-
lögum bandaríska ríkisins verði
fjórfalt meiri á þessu ári en í
fyrra. Munar þar mestu um
aðgerðir stjórnvalda til að bæta
eiginfjárgrunn stærstu banka
Bandaríkjanna og koma í veg
fyrir að þeir fari á hliðina.
Barack Obama, forseti lands-
ins, hefur lagt upp með að skera
fjárlagahallann niður um helm-
ing á kjörtímabili sínu, að sögn
Bloomberg.
- jab
Ben Bernanke, seðlabankastjóri Bandaríkjanna, svarar þingnefnd:
Fjárlagahalli ógnar stöðugleika
BEN BERNANKE Seðlabankastjóri
Bandaríkjanna segir ekki útilokað að
lánakjör ríkisins versni til muna vegna
hallareksturs. FRÉTTABLAÐIÐ/AFP
Lánasýsla ríkisins býður út
nýjan flokk ríkisbréfa næstkom-
andi föstudag, nefndan RIKB25-
0612. Athygli vekur að skulda-
bréfin eru óverðtryggð og segir
í greiningu IFS að með útgáfunni
sé tekið skref í þá átt að draga úr
vægi verðtryggingar.
IFS segir skrefið jákvætt, en
hingað til hafi ekki verið í boði
langtíma óverðtryggð skulda-
bréf. Nú sé búinn til markaður
með slík bréf og ætti ávöxtunar-
krafa flokksins að „hjálpa til við
verðlagningu langtíma óverð-
tryggðra útlána og opna mögu-
leika á slíkum lánum“. Með
nýjum flokki verði hægt að meta
verðbólguálag til nærri tíu ára
sem bæti verðmyndun á skulda-
bréfamarkaði.
Skuldabréfin eru annars sögð
hefðbundin, þau eru með vaxta-
greiðslufyrirkomulagi og greið-
ast vextir eftir á, einu sinni á ári.
„Ársvextir verða ákvarðaðir í
kjölfar tilboða sem berast og
verða tekin í fyrsta útboði flokks-
ins. Skuldabréfin eru óverð-
tryggð og til sextán ára.“ - óká
Skref frá verðtryggingu
Vegna veikari krónu en gert hafði
verið ráð fyrir gerir IFS Greining
ráð fyrir því að verðbólga hjaðni
líka hægar og verði 3,3 prósent í
lok þessa árs. Fyrri spá gerði ráð
fyrir 3,0 prósenta verðbólgu.
Í endurskoðaðri hagspá IFS sem
út kom í gær er áfram gert ráð
fyrir veikri krónu þótt hún eigi
eitthvað að braggast þegar líða
tekur á árið. Reiknað er með að
vöruskipti verði „heldur skárri“ á
næstu mánuðum, en bráðabirgða-
tölur um þau hafi valdið vonbrigð-
um. „Ljóst er að núverandi afgang-
ur af vöruskiptum er hvergi nægur
og ef afgangur af vöruskiptum
fer ekki vaxandi mun krónan enn
halda áfram núverandi veikingar-
ferli.“
Ljósir punktar eru þó sagðir að
álverð hafi hækkað, auk þess sem
sala sjávarafurða virðist ganga
betur en í vetur. „Tekjur af erlend-
um ferðamönnum aukast mikið
yfir sumarmánuðina sem styrkir
stoðir krónunnar. Útflæði gjald-
eyris er sömuleiðis minna vegna
vaxtagjalddaga seinni hluta árs og
nýrra reglna um útborgun vaxta,“
segir í endurmati IFS á efnahags-
málum. olikr@frettabladid.is
Hægir á hjöðn-
un verðbólgu
Veikari króna breytir stöðunni segir IFS Greining.
Á BENSÍNSTÖÐINNI Í endurskoðaðri efnahagsspá IFS Greiningar er gert ráð fyrir að
verðbólga verði 3,3 prósent í lok ársins, í stað fyrri spár upp á 3,0 prósent. Koma þar
til áhrif af veikari krónu en reiknað hafði verið með. FRÉTTABLAÐIÐ/VALLI
Evrópski seðlabankinn ákvað í gær
að halda stýrivöxtum óbreyttum í
einu prósenti. Þeir hafa aldrei verið
lægri.
Jean-Claude Trichet seðlabanka-
stjóri sagði, á vaxtaákvörðunar-
fundi í gær, bankastjórnina ekki
hafa í hyggju að lækka vextina
frekar í bráð. Bloomberg-fréttastof-
an segir ekki einhug innan banka-
stjórnarinnar enda vilji sumir
stjórnarmenn feta sömu stigu og
kollegar þeirra hjá bandaríska
seðlabankanum og Englandsbanka
og færa stýrivexti nálægt núlli.
Trichet vísaði ágreiningi innan
bankastjórnarinnar á bug í dag og
sagði þvert á móti að ákvörðunin nú
hafi verið samhljóða. - jab
Óbreyttir vextir
á evrusvæðinu
Á S B R Ú - S Í M I : 5 7 8 4 0 0 0 - W W W . K E I L I R . N E T
ORKU- OG TÆKNISKÓLI
Keilir og Háskóli Íslands bjóða nú nám í orkutæknifræði
og mekatróník við framúrskarandi aðstæður á Keilissvæðinu
undir leiðsögn sérfræðinga í fremstu röð. Nemendur útskrifast
með B.S. gráðu frá Háskóla Íslands.
Orkutæknifræði veitir sterkan grunn í beislun og nýtingu
jarðvarmaorku og virkjun á öðrum grænum, endurnýjanlegum
orkugjöfum. Í mekatróník (e. mechatronics) fá nemendur
þverfaglega menntun í hönnun og smíði rafeinda-
og tölvustýrðs vélbúnaðar.
Umsóknarfrestur
rennur út í dag!