Fréttablaðið - 18.06.2009, Blaðsíða 22

22 18. júní 2009 FIMMTUDAGUR
timamot@frettabladid.is
Fyrir 232 árum var skipað kauptún í Flatey
á Breiðafirði og hófst þar verslun sama ár.
Verslunar svæðið náði yfir Vestureyjarnar og sveit-
irnar á Barðaströnd. Í
byrjun tuttugustu aldar
gekk síðan vélbátur milli
Flateyjar og hreppanna í
Barðastrandar- og Dala-
sýslu.
Kaupfélagi Flateyjar var
komið á laggirnar árið
1920. Var það smátt í snið-
um til að byrja með en
stækkaði til muna þegar
verslun Guðmundar Berg-
steinssonar lagðist af. Stunduð voru þar verslun
og viðskipti fram yfir árið 1950 en á árunum
1940 til 1950 voru stofnuð útgerðar- og hrað-
frystifélög. Frystihúsið á Tröllenda var byggt sem
og bryggjan en atvinnureksturinn lognaðist þó
fljótt út af.
Byggð í Flatey á rætur sínar að rekja allt aftur
á landnámsöld þegar
Þrándur mjóbeinn nam
eyjarnar vestan Bjarneyjar-
flóa og bjó hann í Flatey.
Eyjan er stærri en aðrar
Vestureyjar og stutt er á
fiskimið og í aðrar eyjar.
Höfnin, sem er skeifulaga
eyja á móts við Þýskuvör,
var sjálfgerð frá náttúrunn-
ar hendi og veitir hún var
í flestum áttum. Flateyjar
er getið í Sturlungu og var Flateyjarbók geymd í
eynni fram til 15. september 1647 þegar Brynjólf-
ur biskup fékk hana að gjöf og færði konungi. Þá
var bókin orðin 250 ára, enda skrifuð á 14. öld.
ÞETTA GERÐIST: 18. JÚNÍ 1777
Kauptún skipað í Flatey
MERKISATBURÐIR
1000 Gissur hvíti Teitsson og
Hjalti Skeggjason koma
að landi í Vestmanna-
eyjum með kirkjuvið frá
Ólafi konungi Tryggvasyni.
Þaðan halda þeir til Al-
þingis á Þingvöllum til að
boða kristni.
1900 Íslendingar eiga þess í
fyrsta skipti kost að setj-
ast upp í vagn sem flytur
þá landleiðis milli staða.
Voru það póstvagnar.
1936 Kristján 10., konungur Ís-
lands og Danmerkur,
kemur til landsins og ferð-
ast norður í land og víðar.
1972 Mannbjörg verður þegar
togarinn Hamranes ferst
úti af Snæfellsnesi. Mikil
réttarhöld urðu vegna
slyssins.
TINNA GUNNLAUGSDÓTTIR
ÞJÓÐLEIKHÚSSTJÓRI ER 55 ÁRA.
„Orðin og viljinn góði eru
ekki nóg, verkin þurfa
einnig að tala.“
Tinna Gunnlaugsdóttir er
flestum kunn sem leikkona
og þjóðleikhússtjóri. Hún
lét fyrrnefnd orð falla á nor-
rænni ráðstefnu listabanda-
laga þegar hún tíundaði
mikilvægi samstarfs lista-
manna á Norðurlöndum.
Fyrirtækið 66° Norður hlaut nýverið
Apex-verðlaunin frá Polartec fyrir
framúrskarandi hönnun þriðja árið í
röð. „Jakkinn sem við fengum nú verð-
laun fyrir heitir Akrafjall. Hann er úr
nýju flísefni sem er blandað með átján
prósent ull. Flísefnið heldur hita um
leið og það andar vel og þornar fljótt,“
segir Hjördís María Ólafsdóttir, verk-
efnastjóri í markaðsdeild 66° Norður.
Polartec er stærsti framleiðandi
flísefna í heiminum og stendur einna
fremst á því sviði. „Öll stóru útivistar-
merkin nota Polartec-efni í sínar vörur
en fyrirtækið fann á sínum tíma upp
flísefnið. Þessi hönnunarkeppni er
haldin árlega og er fyrirtækjum sem
nota efni frá þeim boðið að taka þátt.
Þar velja þeir þá sem skara að þeirra
mati fram úr í hönnun og notkun efn-
anna,“ segir Hjördís áhugasöm og út-
skýrir nánar hönnun verðlaunajakkans:
„Blandað er saman nýju flísefni við
efni sem heitir PowerStretch og teyg-
ist sérstaklega vel. Teygjanlega efnið
er sett í hliðar jakkans og innanvert á
ermar en restin er úr flísi. Þannig fæst
fullkomin hreyfigeta auk hlýju.“
Jakkinn er fyrir fullorðna og nýtist
bæði sem tísku- og útivistarfatnaður.
„Í útivist er yfirleitt talað um þrjú lög
af fatnaði og er þessi jakki hugsaður
sem miðlagið sem heldur á manni hita.
Hann er hins vegar líka hannaður með
það í huga að geta nýst sem daglegur
fatnaður, til dæmis við gallabuxur.
Hann virkar því hvort sem er uppi á
Hvannadalshnúk eða á Laugaveginum
og var það ein af ástæðunum fyrir því
að við hlutum þessi verðlaun,“ segir
Hjördís María ánægð. Bergþóra
Guðnadóttir ásamt hönnunar deild
66° Norður á heiðurinn að hönn-
un jakkans. „Við erum með mjög
góða hönnunardeild og er jakkinn
í raun samvinnuverkefni.“
Hin eftirsóttu Apex-verð-
laun hafa alls níu sinnum
fallið 66° Norður í skaut og
nú þrisvar í röð. „Við erum
gríðarlega stolt af þessum
árangri enda engir auk-
visar sem við keppum
við, má þar nefna North
Face og Patagonia,“ segir
Hjördís glaðlega. Í fyrra
hreppti 66° Norður verð-
launin fyrir barnajakk-
ann Emblu og árið þar á
undan fyrir hestafatnaðinn
Víkur. „Þá vorum við fyrstu
aðilarnir sem gerðu hest-
afatnað úr Polartec-efni,“ segir hún og
bætir við: „Frá því við hófum samstarf
við Polartec höfum við alltaf sent inn
vörur í keppnina og náð góðum árangri.
Dæmi um aðrar vörur sem hlotið hafa
verðlaun er Kríu-ungbarnafatnaðurinn
sem flestir nýbakaðir foreldrar á Ís-
landi kannast við og Softshell-jakkinn
sem Anita Briem klæddist í kvikmynd-
inni Leyndardómar Snæfellsjökuls.“
Verðlaunin eru að sögn Hjördísar
Maríu fyrst og fremst viðurkenning
á góðu starfi fyrirtækisins 66°
Norður en þau hafa einnig mikla
þýðingu fyrir útflutning. „Við
getum sýnt fram á að við erum
með gæðavörur sem standast
samanburð við mun þekktari vöru-
merki. Þetta er því ákveð-
inn gæðastimpill. Margir
sækjast eftir umboði fyrir
okkar vörur en við veljum
eingöngu aðila sem eru
með góð tengsl í viðkom-
andi löndum. Miklu máli
skiptir að hafa trausta
umboðsaðila. Við erum í
samningaviðræðum við
nokkra og er það mjög
jákvætt. Síðan er versl-
un ferðamanna hér á landi
sífellt að aukast enda mjög
ódýrt fyrir útlendinga að
versla eftir að krónan hrundi.
Reyndar höfum við alltaf selt
mikið til ferðamanna þar sem þeim
finnst okkar vörur einkennandi fyrir
Ísland þar sem þær sjást víða meðal al-
mennings,“ segir Hjördís María.
hrefna@frettabladid.is
66° NORÐUR: FÆR VERÐLAUN FYRIR FRAMÚRSKARANDI HÖNNUN ÞRIÐJA SINN Í RÖÐ
ERUM STOLT AF ÁRANGRINUM
SIGUR ÞRISVAR Í RÖÐ Fyrirtækið 66° Norður hefur nú í þrjú ár í röð hlotið verðlaun fyrir hönnun sína. Hjördís segir árangurinn vera mikla viður-
kenningu sem starfsmenn séu mjög stoltir af. FRÉTTABLAÐIÐ/ANTON
AFMÆLI
KRISTBJÖRG
KJELD
leikkona er
74 ára.
VIÐAR EGG-
ERTSSON,
leikari og
leikstjóri, er
55 ára.
VILBORG
HALLDÓRS-
DÓTTIR
leikkona er
52 ára.
LÁRA
SVEINS-
DÓTTIR
leikkona er
35 ára.
STEFÁN
BALDURS-
SON,
leikstjóri og
fyrrverandi
þjóðleik-
hússtjóri, er
65 ára.
Elskuleg móðir okkar, tengdamóðir,
amma, langamma og langalangamma,
Ingibjörg Ögmundsdóttir
Hrafnistu, Reykjavík,
verður jarðsungin frá Fossvogskirkju föstudaginn
19. júní kl. 13.00.
Kristín Björg Pétursdóttir
Halldór Stefán Pétursson Ólöf Sigurðardóttir
Ingibjörg Soffía Pétursdóttir Sik Leif Sik
Ragna Brynjarsdóttir
ömmubörn, langömmu- og langalangömmubörn.
Elskuleg systir okkar, frænka og mágkona,
Sigurveig Valdimarsdóttir
Kirkjusandi 1, Reykjavík,
lést 15. júní á líknardeild Landspítala í Kópavogi.
Útför hennar fer fram frá Dómkirkjunni mánudaginn
22. júní kl. 11.00.
Unnur Ósk Valdimarsdóttir
Vilhelmína Valdimarsdóttir
og aðstandendur.
Frændi okkar,
Eiríkur Björgvinsson
múrari, Kleppsvegi 128, Reykjavík,
er látinn. Útför hans fer fram frá Fossvogskapellu,
föstudaginn 19. júní kl. 11.00.
Frændfólk hins látna.
Í tengslum við formlega stofnun alþjóð-
legs rannsóknaklasa í jarðhita, GEORG
(GEOthermal Research Group), er efnt
til opins málþings um jarðhitarann-
sóknir og nýtingu jarðhita.
Málþingið er haldið í húsakynnum
Orkuveitu Reykjavíkur í dag frá
klukkan 13.30 til 17 og hefst með ávarpi
Katrínar Júlíusdóttur iðnaðarráðherra.
Þingið mun fara fram á ensku og er
öllum opið .
Dagskrá og frekari upplýsingar er að
finna á vefsíðu GEORG, http://georg.
hi.is. Þátttakendur geta skráð sig með
því að senda tölvupóst á georg@orku-
gardur.is en markmið rannsóknasam-
starfsins er að leiða saman fræðimenn
á jarðhitasviði og mynda vettvang sem
getur orðið leiðandi í alþjóðlegum jarð-
hitarannsóknum.
Málþing um rannsóknir á jarðhita
ÖLLUM OPIÐ Efnt er til opins málþings um
jarðhitarannsóknir og nýtingu jarðhita í húsa-
kynnum Orkuveitu Reykjavíkur í dag.
FRÉTTABLAÐIÐ/VILHELM
JÚLÍUS
VÍFILL
INGVARS-
SON borgar-
fulltrúi er
58 ára.