Fréttablaðið - 18.06.2009, Blaðsíða 46

42 18. júní 2009 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. klæðaleysi, 6. í röð, 8. fley, 9. fugl,
11. núna, 12. létt hlaup, 14. húrra, 16.
skóli, 17. tilvist, 18. andi, 20. gyltu,
21. tangi.
LÓÐRÉTT
1. líkamshluti, 3. hvort, 4. glettnis-
legur, 5. traust, 7. iðn, 10. sægur, 13.
óvild, 15. trauður, 16. skammst., 19.
tveir eins.
LAUSN
LÁRÉTT: 2. nekt, 6. áb, 8. far, 9. lóm,
11. nú, 12. skokk, 14. bravó, 16. ma,
17. líf, 18. önd, 20. sú, 21. oddi.
LÓÐRÉTT: 1. háls, 3. ef, 4. kankvís, 5.
trú, 7. bókband, 10. mor, 13. kal, 15.
ófús, 16. möo, 19. dd.
„Ég fæ mér oftast múslí með
súkkulaðibitum út í jógúrt, en
þetta er ekki bara morgun-
maturinn því ég borða þetta
eiginlega í öll mál.“
Sveinbjörn Thorarensen tónlistarmaður,
einnig þekktur sem Hermigervill.
„Þetta er algjörlega frábært. Maður er kampa-
kátur með þetta,“ segir leikstjórinn Baldvin
Zophoníasson, eða Baldvin Z. Fyrsta kvikmynd
hans í fullri lengd, Órói, hefur fengið vilyrði
fyrir framleiðslustyrk hjá Kvikmyndamiðstöð
Íslands. Um dramamynd er að ræða en Bald-
vin vill ekkert láta hafa eftir sér um söguþráð-
inn í bili. „Þetta eru blendnar tilfinningar,“
segir hann um vilyrðið. „Maður hlakkar til og
er spenntur en þetta er bara einn hundraðasti
af sigrinum. Það á eftir að gera gott úr þessu.“
Í ferilskrá Baldvins eru tvö síðustu
Eurovision-myndbönd Íslands sem bæði hafa
fengið góðar viðtökur. Það fyrra gerði hann
fyrir Eurobandið og það síðara fyrir Jóhönnu
Guðrúnu. Var hið fyrrnefnda kjörið næst-
besta Eurovision-myndband síðasta árs í
erlendri könnun. Einnig hefur Baldvin unnið
að myndböndum fyrir MTV og við auglýsinga-
gerð. „Þetta er allt góð reynsla, sama hvað
það er; auglýsingar, tónlistarmyndbönd eða
stutt myndir. Allt fer þetta í sama bankann að
lokum,“ segir hann. Í janúar stofnaði Baldvin
fyrirtækið Zeta Productions sem hefur þegar
búið til auglýsingu fyrir Honey Nut Cheerios
auk þess sem nýjar Goða-auglýsingar eru á
leiðinni.
Baldvin skrifaði handritið að Óróa með leik-
konunni Ingibjörgu Reynisdóttur en framleið-
andi myndarinnar verður Kvikmyndafélag
Íslands, hið sama og gefur út Reykjavík Whale
Watching Massacre. Ekki er búið að ákveða
hvenær tökur hefjast á myndinni en líklega
verður það síðar á þessu ári. - fb
Eurovision-leikstjóri gerir dramamynd
BALDVIN Z Fyrsta kvikmynd Baldvins Z, Órói, er á teikni-
borðinu. Hún verður hugsanlega tekin upp á þessu ári.
FRÉTTABLAÐIÐ/ARNÞÓR
Hótel Bjarkalundur, eitt elsta
sumar hótel landsins, er nú orðið
einn vinsælasti áfangastað-
ur íslenskra ferðamanna. Hótel-
stjórinn, Árni Sigurpálsson, segir
að rekja megi þessar auknu vin-
sældir hótelsins til sjónvarpsþátt-
arins Dagvaktarinnar sem sló svo
eftirminnilega í gegn á Stöð 2 í
haust. „Svo virðist sem menn séu
að leggja leið sín hingað sérstak-
lega til þess að skoða Bjarkalund.
Fólk vill gjarnan láta mynda sig
á hinum ýmsu stöðum sem komið
hafa fyrir í þáttunum, það er til
dæmis mjög vinsælt að láta mynda
sig með hjálminn hans Georgs
eða inni í eldhúsi og þá með pönn-
una sem Gugga var drepin með.
Starfsfólkið er mjög lipurt með
að leyfa gestunum að mynda hér á
staðnum svo lengi sem það truflar
ekki daglegan rekstur hótelsins,“
segir Árni, sem hefur verið hót-
elstjóri á Bjarkalundi síðastliðin
fjögur ár.
Þó að Bjarkalundur trekki
vissulega að eru fleiri athyglis-
verðir staðir í nágrenninu. „Hér
er mikil og góð veiði, margar
fallegar gönguleiðir, stutt til
Reykhóla í sund og svo erum við
einnig komin með nýjan mínígolf-
völl þannig að ferðafólk hefur nóg
að skoða hér í kringum Bjarka-
lund,“ segir Árni að lokum. - sm
Bjarkalundur aldrei vinsælli
STARFSFÓLKIÐ Í BJARKALUNDI Starfsfólk hótelsins er lipurt við gesti sem vilja láta
mynda sig. MYND/ÁRNI SIGURPÁLSSON
„Já, ég hef verið hvattur til þess af
mörgum, bæði innan leikhússins
sem utan,“ segir Sigurður Kaiser,
sem ætlar sér að sækja um stöðu
þjóðleikhússtjóra.
Menntamálaráðherra auglýsti
stöðuna fyrir nokkru lausa til
umsóknar en umsóknarfrestur
rennur út 26. þessa mánaðar. Skip-
að er í stöðuna til fimm ára. Tinna
Gunnlaugsdóttir, núverandi þjóð-
leikhússtjóri, hefur þegar lýst yfir
vilja til að vera áfram. Þá hefur
Kolbrún Halldórsdóttir, fyrrver-
andi umhverfisráðherra, verið
orðuð við stöðuna en hún komst
ekki inn á þing í síðustu alþingis-
kosningum. Sigurður segir Þjóð-
leikhúsið flaggskip íslenskrar
menningar og sterkt Þjóðleikhús
forsendu fyrir því að hér þrífist
leiklist. Fréttablaðið greindi í
upphafi viku frá svartri skýrslu
um ástand hússins við Hverfis-
götu, að því þyrfti að loka ef vel
ætti að vera. Tinna hefur reynd-
ar mótmælt því og ýmislegt hefur
þegar verið gert sem tíundað var
sem ógert í skýrslunni, svo sem
vinna við ytra byrði hússins. En
Sigurður sér það reyndar ekki sem
óyfirstíganlegt vandamál þótt loka
þyrfti húsinu um stundarsakir. „Þá
má sýna í yfirgefnum banka. Leik-
húsið þarf ekki að vera bygging.
Ekki veitti til dæmis af að heim-
sækja landsbyggðina, leikhúsið
til fólksins, og mætti þess vegna
sýna í frystihúsi eða jafnvel tog-
ara. Auðvitað er Þjóðleikhúsið
þjóðareign, ein af fáum stofnun-
um sem það eru, og menn ættu
ekki að þurfa að setja sig í stell-
ingar og fara í sparifötum þang-
að inn,“ segir Sigurður. Hann veit
ekki um aðra en Tinnu sem ætla
að sækja um en hefur þó orðið var
við titring í tengslum við stöð-
una. „Þetta er ein af æðstu stöð-
um innan menningarlífs á Íslandi.
Nýverið var skipt um stjórnvöld
og þau taka ákvörðun um hver fær
stöðuna. Og af hverju skyldu þeir
sem hafa áhuga á og metnað til að
vera leiðandi í íslensku menning-
arlífi ekki að sækja um?“
Sigurður hlýtur að teljast ágæt-
ur kandídat. Hann státar af meist-
aragráðu í leikhúshönnun frá
Bretlandi, kenndi dramatúrgíu
í South Bank University, hann
hefur starfað í flestum leikhúsum
landsins, er stofnandi Vesturports
og starfaði þar sem leikhússtjóri
auk þess sem hann stýrði Loft-
kastalanum um hríð. Er þá fátt
eitt nefnt af afrekum Sigurðar í
íslensku leikhúsi en þrátt fyrir
þetta er hann ekkert endilega á
því að hann hreppi stöðuna. „Nei,
ég geri nú ekki ráð fyrir því. Ég
treysti Tinnu mjög vel til að halda
þarna áfram. En umræðan er þörf
og það er kannski fyrst og fremst
þess vegna sem fólk hefur verið
að nefna þetta við mig.“
jakob@frettabladid.is
SIGURÐUR KAISER: LEIKHÚSIÐ TIL FÓLKSINS Í LANDINU
Kaiser í þjóðleikhússtjórann
SIGURÐUR KAISER Þrátt fyrir að teljast ágætur kandídat í stöðu Þjóðleikhússtjóra
gerir hann ekkert frekar ráð fyrir því að hreppa stöðuna. FRÉTTABLAÐIÐ/VALLI
VEISTU SVARIÐ
Svör við spurningum á bls. 8
1 Helgi Tómasson ballettdansari.
2 Halldór Orri Björnsson,
leikmaður Stjörnunnar.
3 Gallery Crymogæa.
Líkt og kemur fram
hér framar í blaðinu
stóðu hjónakornin
Sigurður Pálsson og
Kristín Jóhannesdóttir
uppi sem sigurvegarar
á Grímunni. Mörgum
þótti þó athöfnin vera
nokkuð stíf og tóku
sjónvarpsáhorfendur
eftir því að salnum þótti brandarar
sem þær Edda Björgvins, Björk
Jakobsdóttir og Helga Braga létu
fjúka ekkert fyndnir heldur ríkti
bara þögnin ein. Svo virtist sem
áhorfendur í Borgarleikhúsinu vildu
ekki hlæja að þessum galgopa-
hætti þríeyksins heldur kaus frekar
kurteisislegan hlátur þegar það þótti
„viðeigandi“.
Hljómsveitin Júpiters ætlar að trylla
lýðinn á Nasa á kvenréttindadaginn
19. júní. Einn meðlima er
Kormákur Geirharðsson,
trymbill og vert, sem er til
þess að gera nýr í bandinu.
Það aftrar honum þó
ekki frá því að syngja í
það minnsta eitt lag á
prógramminu, nokk-
urs konar hringveg-
arapp, sem gengur út
á að hann kallar upp
ýmis bæjarnöfn: Kópasker, Húsavík,
Egilsstaðir, Borgarnes … og svo
framvegis. Svo þrengist hringurinn,
endar í Reykjavík og vitaskuld á
Vegamótastíg á krá Komma og vinar
hans Skjaldar: Ölstofunni.
Og eins og Fréttablaðið greindi frá í
gær er von á tamílska leikstjóranum
K.S Ravikumar og stórstjörnunni
Nayantara til landsins en þau ætla
að taka upp hasaratriði, ástarsenur
og lag fyrir kvikmyndina Aadhavan.
Indverskir fjölmiðlar hafa fylgst
grannt með þessu ferðalagi leikstjór-
ans og leikhópsins og þannig er sagt
frá því á vefsíðunni tamil.galatta.
com að Ísland sé
fyrst og fremst
frægt vegna
þess að hér
hafi atriði úr
mörgum Bond-
myndum verið tekin
upp. - fgg, jbg
FRÉTTIR AF FÓLKI