Samvinnan - 01.03.1950, Blaðsíða 11

Húsfreyjan d Mööruvöllum, frú Helga Kristinsdóttir, við vefstóhnn.
Fagur heimavefnaður prýðir stofur á Möðruvöllum.

/ stofu á Möðruvöllum að dagsverki loknu. Hjónin og deeturnar
tvœr, sem heima eru; pilturinn er i skóla á Akureyri, en var i heim-
sókn þennan dag.
gefa kúnum. Þær fá þurrhey fyrst um
morguninn. Er það sótt í hlöðuna,
sem er áföst fjósinu. sem fyrr segir.
Heyinu er ekið inn í fjósið úr hlöð-
unni. Gengur gjöfin greiðlega. Þá
hefst mjöltunin, um kl. 7. Lítill mótor
í vélahúsinu er settur af stað. Mjalta-
vélarnar teknar fram og settar saman.
Síðan hefjast mjaltirnar. Með hinum
nýju mjaltavélum gengur það verk
fljótt og greiðlega. Mjólkin er tænd
á stóra mjólkurbrúsa úr mjaltavélar-
dunkum og brúsarnir síðan bornir
út á hlað, því að nú fer að líða að því,
að mjólkurbíllinn, sem flytur mjólk-
ina daglega í mjólkursamlagið, komi
Stúlkurnar á banum gera upp við mjólkur-
bilstjórann.
á vettvang. Þá þarf líka að taka brús-
ana með mjólkinni frá því í gærkveldi
úr kælikerinu og koma þeim út á
hlað. Um klukkan 8 kemur mjólkur-
bíllinn. Þá er gengið rösklega að því
að koma brúsunum á bílinn. Stund-
um er bílstjórinn beðinn fyrir erindi
í kaupstaðnum. í þetta sinn þurfa
starfsstúlkurnar á bænum að biðja
hann að verzla ofurlítið fyrir sig. Þeg-
ar bíllinn er farinn og morgunverði er
lokið, hefjast önnur störf í fjósinu.
Flórinn er verkaður, básarnir sópaðir
og kýrnar burstaðar og snurfusaðar.
Mykjan rennur niður um göt á flór-
gólfinu niður í safnhúsið. Ef tími
vinnst til fyrir hádegi, vinna piltarnir
á bænum að því að pumpa áburðinn
upp úr safnhúsinu upp á bílpall, og
síðan er honum ekið á túnið á vöru-
bíl. Lítill traktor drífur dæluna, og
tekur skamma stund að fá hlass á bíl-
inn.
Þennan morgun þarf líka að sinna
hrossunum og hænsnunum. Litlu
stúlkurnar á bænum gefa hænsnun-
um gjarnan og tína saman eggin, en
þau eru ekki mörg á þessum árstíma.
Eftir hádegisbilið er haldið áfram
við að aka á túnið. Einn piltanna
tekur þó til þar, sem frá var horfið í
gær, og fer að dytta að gömlum vöru-
bíl, sem stendur inni í hlöðunni. Ætl-
unin er að gera hann gangfæran fyrir
vorið, og það starf er unnið í hjáverk-
um, er tími vinnst til.
En ekki er langur tími til starfa,
því að klukkan hálf þrjú er aftur kom-
inn tími til að gefa kúnum. í þetta
sinn er þeim gefið vothey, og er því
ekið á hjólbörum inn í fjósið. Að
þeirri gjöf lokinni er aftur þrifið til
í fjósinu, og því næst horfið að öðrum
störfum.
Skömmu eftir að miðdegiskaffi er
lokið, kemur mjólkurbíllinn úr kaup-
staðnum. Stúlkurnar hlaupa út til
þess að frétta, hvernig bílstjóranum
hafi gengið að verzla fyrir þær. í þetta
sinn hefur það gengið að óskum, og
nokkra stund fer fram uppgjör þarna
á hlaðinu. Á meðan losa piltarnir
brúsana af bílnum og koma þeim á
sinn stað, svo að þeir séu tiltækir fyrir
kvöldmjaltirnar. Þegar þessum snún-
ingum öllum er lokið, er kominn tími
Kýrnar fá vothey kl. hálf þrjú.
11