Samvinnan - 01.12.1965, Qupperneq 22

SAMVINNUMENN
ÞÓRÐUR KARLSSON
Fæddur 12. júlí 1905
Dáirm 6. sept. 1965
Þann 6. september s.l. andaSist í Fjórð-
ungssjúkrahúsinu á Akureyri, Þórður Karls-
son, forstöðumaður Saumastofu Gefjunar á
Alcureyri, sextugur að aldri.
Þórður var fæddur að Landamóti í Köldu-
kinn þann 12. júlí 1905 og voru foreldrar
hans hjónin Karl Kr. Amgrímsson og Karitas
Sigurðardóttir, er þá bjuggu að Landamóti,
en síðar að Veisu í Fnjóskadal um langa
hríð. Hann ólst upp með foreldrum sínum,
í stórum systkinahópi, og vann að búi þeirra
unz hann árið 1934 hóf nám í Samvinnu-
skólanum, en þaðan lauk hann prófi árið
1936. Að námi loknu réðst hann til starfa hjá
Sambandi ísl. samvinnufélaga í Reykjavík
og starfaði þar um eins árs skeið. Arið 1937
fluttist hann til Akureyrar og gerðist for-
stöðumaður Saumastofu Gefjunar og gegndi
því starfi meðan heilsan entist.
Hann var gæddur góðum gáfum og smekk-
vísi á allt j)að, sem fagurt er, eindreginn
samvinnumaður og trúaður á ræktun lýðs og
lands í anda samvinnustefnunnar. Hann
átti stóran þátt í, með systkinum sínum, að
rækta skóg á eignarjörð þeirra, Végeirsstöð-
um í Fnjóskadal, og hlutu þau, á s.l. sumri,
viðurkenningu frá Skógræktarfélagi Islands
fyrir jjá ræktun. Hann haslaði sér eigi völl
á mörgum sviðum, en var heill og óskiptur
hvar sem hann kom við sögu.
Þórður var kvæntur Steinunni Jónasdóttur
og höfðu þau húið sér hið fegursta heimili.
Þau voru bamlaus.
P.H.
22 SAMVINNAN