Stúdentablaðið - 01.12.1952, Blaðsíða 33

STÚDENTABLAÐ
25
o. fremur takmarkaður mælikvarði á ástundun
manna.
III. Gert virtist ráð fyrir, að ástundun í fimleikum
eigi að hafa áhrif á embættispróf manna. Er það eins
og allir sjá fráleitara en svo, að orðum verði að eytit.
IV. Háskólastúdentar telja, að frjáls tímasókn geti
og orðið prófessorum og öðrum kennurum nokkurt
aðhald, þannig að þeir geri fyrirlestra sina svo úr
garði, að menn sækist eftir að hlýða á þá.
V. Hætt er við, að mjög verði reynt að sviðganga
reglur þær, sem um þetta verða settar. Réttlát fram-
kvæmd þeirra verður sennilega ókleif með öllu. Laga-
setning, sem sæta mun slíkum örlögum, er jafnan
varhugaverð.
Málið var tekið fyrir í neðri deild kl. 1.30. Voru há-
skólaborgarar fjölmennir á þingi, svo að áheyrenda-
pallar urðu þéttskipaðir. Urðu umræður nokkrar, og
mæltu þeir Björn Ólafsson, menntamálaráðherra, og
Gylfi Þ. Gíslason, prófessor, með frumvarpinu, en
Magnús Jónsson frá Mel og Einar Olgeirsson gegn þvi.
Áheyrendur hentu nokkurt gaman af „röksemdafærsl-
um“ menntamálaráðherrans og prófessorsins og
fannst þær lítið sannfærandi. Stóðu umræður til kl. 3,
og var þá af þingi gengið.
Skjótlega var nú skotið á fundum og gerðar álykt-
anir. Fyrst gerði stúdentaráð sjálít og öll stjórnmála-
íélögin samþykktir, en deildafélögin hafa komið á
eftir. Frumvarpið hefur hvarvetna á þeim vettvangi
hlotið eindregin mótmæli.
Þá var hafin undirskriftasöfnun laugardaginn 1.
nóvember í sambandi við stúdentaráðskosningarnar
til að mótmæla frumvarpinu. Hafa nú um 550 há-
skólaborgarar ritað þar nöfn sín.
Stúdentaráðskosningar
fóru fram 1. nóv. s.l. Juku þær enn á þann óróa, er
fyrir var. Að vanda stóðu hin fjögur stjórnmálafélög
að umfangsmikilli blaðaútgáfu og sálnaveiðar voru
iðkaðar með margvíslegum hætti. Lauk kosningabar-
áttunni með því, að höfuðstjói'nmálakempum skól-
ans var att saman á fundi í augsýn almúgans. Þótti
sumum þetta harla góð skemmtun.
Fjórir listar komu fram eins og í fyrra; A-listi frá
Stúdentafélagi lýðræðissinnaðra sósíalista. Hlaut hann
55 atkvæði og einn mann kjörinn, Halldór Steinsen,
stud. med. B-listi frá Félagi frjálslyndra stúdenta.
Hlaut hann 69 atkvæði og einn mann kjörinn, Einar
Sverrisson, stud. oecon. C-listi frá Félagi róttækra
stúdenta. Hlaut hann 130 atkvæði og tvo menn kjörna,
Boga Guðmundsson, stud. oecon. og Friðrik Sveinsson,
stud. med. D-listi frá Vöku, félagi lýðræðissinnaðra
stúdenta. Hlaut hann 301 atkvæði og fimm menn
kjörna, Braga Sigurðsson, stud. jur., Frosta Sigur-
jónsson, stud. med., Boga Ingimarsson, stud. jur.,
Matthías Johannessen, stud. mag., og Emil Als, stud.
med.
Hið nýkjörna stúdentaráð skipti með sér verkum,
og var Bragi Sigurðsson kosinn formaður, Friðrik
Sveinsson, ritari en Bogi Ingimarsson, féhirðir.
Oonvivium depositurorum
fór fram 25. október
s.l. Var þar að vanda
nýstúdentum fagnað.
Stúdentafélag háskól-
ans sá um allan und-
irbúning, og var örlát-
lega veitt.
Magister bibendi var
Niels P. Dungal, próf-
essor, og fórst það
skörulega úr hendi. Þá
flutti Skúli Thorodd-
sen, læknir, ræðu. Árni
Sigurðss., stud. theol.,
ávarpaði rússana og
bauð þá velkomna í
hóp háskólaborgara,
en Guðmundur Jónas-
son, stud. phil., svaraði fyrir þeirra hönd og þakkaði.
Loks söng Guðmundur Jónsson nokkur lög við fá-
dæma góðar undirtektir.
Stóð fagnaður þessi lengi nætur; í stuttu máli:
„Glaumr var í höllu,
halir ölreifir."
Rússar
voru skráðir sem hér segir: Guðfræðideild 9,
læknadeild 46, lagadeild 18, viðskiptadeild 14, heim-
spekideild 70 (þar af 10 í norrænu, 37 í fræðigreinum,
sem kenndar eru til B. A. prófs og 23 i heimspeki),
verkfræðideild 17. Eru þetta samtals 174 stúdentar.
Kynningarvika
var haldin fyrir nýstúdenta að tilhlutan stúdenta-
ráðs til þess að kynna háskólann og einstakar deildir
hans. Héldu þar erindi þessir menn: Prófessor Ás-
mundur Guðmundsson um guðfræðinám, prófessor
Gylfi Þ. Gíslason um viðskiptafræðinám, prófessor Jón
Jóhannesson um nám í islenzkum fræðum, prófessor
Steingrímur J. Þorsteinsson um nám til B. A. prófs,
prófessor Júlíus Sigurjónsson um læknisfræðinám,
prófessor Ármann Snævarr um lögfræðinám, prófess-
or Leifur Ásgeirsson um verkfræðinám, Pétur Sig-
urðsson, háskólaritari, um háskólann í heild, sjóði
hans, styrkveitingar o. þul. og Baldvin Tryggvason,
stud. juris, um félagslíf stúdenta .
1 lok vikunnar var efnt til kvöldskemmtunar í
Sjálfstæðishúsinu.
Breytingar á kennaraliði
urðu nokkrar. 1 upphafi kennsluársins á s. 1. vetri
lét Ólafur læknir Þorsteinsson af kennslu fyrir aldurs
sakir. Hafði hann haft á hendi kennslu í háls- nef- og