Stúdentablaðið - 01.11.1965, Blaðsíða 18

18
STÚDENTABLAÐ
Böövar Guðmundsson dró saman effnivið
Charles Bauleraire leic fyrst dagsins ljós hinn 9. apríl árið
1821 í París. Faðir hans, scm hafði nokkuð gott embætti með
höndum, var þá um sextugt, en móðir hans einungis 28 ára.
Þessi mikli aJdursmunur liefur af mörgum bókmenntasérfræð-
ingi verið talin orsök þeirrar taugaveiklunar og óróa, sem hrjáði
Baudelaire allt hans líf. Hvernig, sem slík niðurstaða er fengin,
er víst, að fráfall föðurins, 1827, var hinum unga Baudclaire
mikill harmur. Strax í bernsku var hann óvenju tilfinninga-
næmur, hann lagði mikla rækt við minninguna um föður sinn,
og eftir fráfall hans lagði hann ofurást á móður sína. Það má
því nærri geta, hvernig honum hefur orðið við, er móðir hans
gekk í hjónaband á ný, eftir einungis eins árs ekkjustand.
Þegar hann var 1 1 ára, fluttist fjölskyldan til Lyon, þar
sem stjúpi hans hafði fengið háa stöðu í hernum. I. Lyon gekk
hann í skóla sem önnur börn embættismanna þessa tíma, þar
til fjölskyldan fluttist aftur til Parísar 1836, eftir að stjúpa
hans hafði verið úthlutað enn æðra embætti þar í borg. Sama
ár innritaðist Baudelaire í mcnntaskóla Lúðvíks mikla (Lycóe
Louis le Grand). Um þessar mundir var Baudelaire þegar farinn
að fást dálítið við ljóðagerð, og sóttu skáldgrillur ákaft á hann.
Eins og nærri má gcta var fjölskylda hans lítið hrifin af því, og
lagði stjúpi hans, sem vildi að hann yrði embættismaður, mik-
ið kapp á að koma fyrir hann vitinu. En það tókst ekki betur
en svo, að Baudehlire varð brátt andvígur öllu námi. Tok hann
nú mjög að þverskallast við reglum skolans, og kom svo um
síðir, að hann var rekinn frá skóla Lúðvíks mikla 1839. Þetta
tækifæri til að hætta skólanámi lót hann þó ónotað og lauk
stúdentsprófi frá öðrum skóla sama ár. En þar með sagði hann
líka stopp, — hvað scm. tautaði og raulaði skyldi hann verða
skáld, — og þar við sat.