Fálkinn - 14.11.1962, Síða 31

móðgaður. — Hvers vegna ættu þeir
að gera það. Vandamönnum gestanna
þykir vænna en svo um að sjá þá hverfa,
án þess að hneykslismál verði út úr
því. Onei, hér gengur allt rólega og
réttilega fyrir sig, og við teljum gest-
ina hérna vini okkar. — Viljið þér líta
á herbergið yðar? Það verður númer
113 ... Þér eruð vonandi ekki hjátrúar-
fullur? Sarconi, viljið þér fylgja þessum
gesti á númer 113 .. . Þér gerið svo vel
að greiða þessa 300 dollara hjá gjald-
keranum. Skrifstofan hans er þarna.
Jean Monnier leitaði að einhvers kon-
ar manndrápsvél í herberginu þegar
hann kom inn, en það var árangurs-
laust.
ÞEGAR hann kom niður í anddyrið
á leið til miðdegisverðar, sá hann ekkert
nema dömur í flegnum kjólum og herra
á smoking. Gistihússtjórinn kom beint
í flasið á honum.
— Æ, herra Monnier. Ég var einmitt
að gá að yður .. . Af því að þér eruð
einn yðar liðs, datt mér í hug að þér
hefðuð kannski gaman af að verða
mötunautur eins gestsins hérna, frú
Kerby Shaw.
Monnier yppti öxlum. Hann varð
eiginlega dálítið ergilegur.
— Ég er ekki hingað kominn til að
taka þátt í samkvæmislífinu ... en
vitanlega er þetta undir því komið,
að... Getið þér sýnt mér þessa dömu
án þess að kynna mig fyrir henni?
— Ekkert er auðveldara. Það er
þessi unga dama í hreistraða kjólnum,
sem situr við flygilinn og er að fletta
nótnabók. Ég held að þér munuð ekki
iðrast þess að hafa kynnzt henni. Öðru
nær. Hún er sjálfstæð og greind dama,
mjög listræn að eðlisfari.
Frú Kerby Shaw var í sannleika sagt
fögur kona, — augun blíð og glaðleg í
senn. Hvernig stóð á því, að svona konu
langaði til að deyja?
— Er frú Kerby Shaw ... ég á við . ..
er þessi gestur yðar hingað kominn í
sama tilgangi... eins og ég er?
— Vitanlega, svaraði Boersteiner og
lagði áherzlu á orðið: Vitanlega.
— Þá skuluð þér kynna mig.
Þegar þau höfðu lokið við óbrotinn
en einkar ljúffengan miðdegisverð,
þekkti Jean ævi Kerby Shaw í stórum
dráttum. Hún hafði verið gift ríkum og
góðum manni, sem hún því miður hafði
aldrei elskað, og fyrir misseri síðan
hafði hún farið frá honum til þess að
fara með ungum enskum rithöfundi til
Evrópu. Hún hafði haldið að þessi mað-
ur ætlaði að kvænast sér undir eins og
hún hafði fengið lögskilnað hjá manni
sínum. En þau voru ekki fyrr komin til
Evrópu, en hann vísaði henni á bug
með hrottalegu móti. Og þá var það
einn daginn, að hún rakst á umburðar-
bréf frá Thanatos í póstinum sínum
og skildi þegar að þarna væri skjót og
þægileg lausn allra rauna.
— Eruð þér þá alls ekki hrædd við
dauðann, spurði Jean.
— Jú, auðvitað . . . en minna en við
hitt, að þurfa að lifa . . . En segið mér
Kæri Astró.
Ég hef fylgzt með þáttum
þínum og fundizt þeir bæði
fróðlegir og skemmtilegir.
Eins og margir aðrir langar
mig til að fá að vita eitthvað
um framtíðina. Ég er fædd um
það bil 20. mín. fyrir kl. 10
að morgni. Því miður get ég
ekki sagt nákvæmar um á
hvaða mínútu það var. Ég er
trúlofuð og unnusti minn er
fæddur í (fæðingardegi og ári
sleppt samkvæmt ósk) Mig
langar til að vita hvort við
eigum ekki vel saman. Og
hvort við eignumst mörg börn.
Á ég eftir að læra eitthvað
sérstakt, og mig langar til að
vita hvort ég á eftir að ferð-
ast eitthvað erlendis. Ég er
ekki vel skapi farin. Er frek-
ar slæm á taugum. Á ég eftir
að fá bót á því? Hvernig
verður heilsufarið? Vinsam-
lega sleppið fæðingarstöðum,
fæðingardögum, ári og mán-
uði. Þar sem þetta er orðið
býsna langt hjá mér tek ég það
fram að ekki er nauðsynlegt
að birta þetta allt. Svo er eitt
í viðbót. hvernig verður
fjárhagurinn? Svo vonast ég
eftir að fá svar sem fyrst.
Með fyrirfram þakklæti.
Unnusta sjómannsins.
Svar til urnustu sjómanns-
ins.
Þú fæddist er sól var 3° í
merki Steingeitarinnar. Mán-
inn var 9°56’. Nautið og hið
rísandi merki var 17° Boga-
maður. Þar eð þú tókst til
umræðu í bréfi þínu að þú
kenndir nokkurs taugaóstyrks
eða slæmsku á taugum, þá er
það sakir stöðu Mars og
Merkúr á hinni rísandi gráðu
á fæðingarstund þinni. Mars
hér gerir þig nokkuð fljót-
færna og veldur því að þú
framkvæmir mjög oft áður en
þú hugsar, en slíkt hlýtur að
virka illa inn á sálarástand-
ið og þar með taugarnar þeg-
ar til lengdar lætur, sakir
þeirra vonbrigða, sem slíkt
hlýtur að leiða af sér.
Merki fiskanna í geisla
annars húss bendir til að þrátt
fyrir að þú verðir fyrir sveifl-
um í sambandi við fjármálin,
bæði að því' er varðar tekjur
og gjöld þá verða velgengnis-
tímabil og einnig nokkuð ör-
yggi í fjármálunum. Hins
vegar er skynsamlegt fyrir
þig að taka hlutina ekki sem
of sjálfsagða eða verða kæru-
laus í meðferð fjármuna, þar
eð gróða eða fjáraflaleiðir
gætu lokast.
Máninn í öðru húsi bendir
til sveiflna í tekjum og gjöld-
um, samt ekki alvarlegum
þar eð hann er í merki
Nautsins. Hins vegar munu
fjölskyldumálefnin hafa rík
áhrif á fjármál þín.
Með tilliti til spurningar
þinnar um sérgrein, þá kemur
slíkt starf undir áhrif Sporð-
drekamerkisins, sem fellur á
geisla tíunda húss hjá þér.
Það er mjög margt sem kem-
ur undir áhrif þess, sérstak-
lega allt er varðar styrjald-
arrekstur. Hins vegar er ein
hlið málsins hótelrekstur,
framleiðsla léttra vína og
drykkja, veitingastofur, ís-
barar. og sem sagt fjölda
margt sem viðkemur hótel-
rekstri. Ég held að annað
komi ekki til greina fyrir þig,
af því sem fellur undir áhrif
þessa merkis. Sólin í merki
Steingeitarinnar gerir þig
nokkuð metnaðargjarna og þú
hefur sterka löngun til að
skapa þér nafn og viðurkenn-
ingu fyrir vel unnin störf.
Tvíburamerkið á geisla
sjötta húss bendir til sjúk-
dóma af völdum ofþenslu
tauganna. Einnig til sjúk-
dóma í lungum og stundum
handleggjum. Þetta er aðeins
tilhneiging, sem ég get um.
Hér er hins vegar ekkert sem
bendir til þess að þú þurfir
að hafa alvarleg áhrif af
heilsufarinu.
Ástamálin koma undir
áhrif sjöunda húss, en þar
sjáum við Satúrn og Plútó.
Þessar plánetur eru ekki
heppileg tákn, og þykja
venjulega benda til giftingar
fremur seint. Hins vegar er
piltur sá sem þú gafst mér
upp fæðingardag og ár á vel
fallinn til þess að verða eigin-
maður þinn miðað við þau
ríkjandi áhrif, sem eru í
korti þínu. Þú munt búa yfir
nokkrum metnaði í sambandi
við val maka og það mun
tefja nokkuð fyrir því að þú
finnir þann eina rétta. Hins
vegar má búast við að þú
verðir að minnsta kosti tví-
gift þar eð Tvíburamerkið er
á geisla hússins. Þér mundi
falla bezt að giftast hæggerð-
um manni, sem er þéttur á
velli og þéttur í lund. Þegar
gifting hefur átt sér stað
mun talsverður efi sækja á
þig um það hvort þú hefur
farið rétt að vali, en þú ætt-
ir fremur að reyna að una
glöð við þitt, heldur en sækj-
ast eftir nýjum maka.
'tr ★ ☆
FÁLKINN
31