Fálkinn - 14.11.1962, Page 36

PANDA □□ SAFNARINN MIKLI
Árás þeirra kínversku kom þeim félögum gjörsam-
lega á óvart. Eggert safnari var fljótlega yfirbugaður
af Mo, en Goggi og Panda stóðu einir eftir til þess
að mæta árásinni. „Bittu Judó-hnút á þjófinn sem
stal vasanum hans afa sáluga“, skipaði Ho Hum þjóni
sínum meðan hann hélt Panda í heljargreipum. Eftir
fáar sekúndur var Goggi kominn í mjög óþægilega
stöðu, fætur hans voru bundnir aftur fyrir háls á
honum. Panda var bundinn í gardínurnar, og nú voru
kínverjarnir alls ráðandi á orrustusvæðinu. ,,Jæja“,
sagði Ho Hum, „þá skulum við leita að vasanum".
Mo rannsakaði hús Eggerts safnara ásamt húsbónda
sínum. Allt í einu rak hann upp öskur: „Heiðraði
húsbóndi, ég hef fundið vasann... ég sé tvöfalt“.
Hann hristi höfuðið. Ho Hum sneri sér við og horfði
undrandi á vasana tvo. „Hvaða vasi er svo vasinn
hans afa?“ „Ó,“ vældi Eggert safnari, „hvað eru þessir
tveir menn að gera?“ „Þeir eru komnir til að ná í
vasann, sem Goggi stal frá þeim“, svaraði Panda.
„Safnari stelur aldrei“, sagði Eggert reiður. „Þeir
eru ... ég meina að safna vösunum", bætti Panda við.
satt að segja voru þeir kínversku ekki vissir um,
hvorn vasann þeir áttu, svo að þeir tóku þá báða.
„Stanzið, þjófar“, hrópaði Eggert safnari. „Þið eruð
ekki safnarar. Ræningjar“.
„Þessir Austurlenzku fjötrar eru dálítið þreytandi",
sagði Goggi kveinandi, en fætur hans voru enn bundn-
ir aftur fyrir háls á honum. „Það er sjálfum þér að
kenna“, sagði Panda, „ef þú hefðir ekki sto. . . ég
meina safnað þeirra vasa, hefðu þeir ekki safnað, ó
ég meina stolið okkar vösum.“ „Ég vil bara fá minn
vasa aftur“, sagði Eggert safnari. „Leystu mig, vinur,
„og svo skulum við ræða málið“. Þeir hvísluðust á.
„Veiztu, hvar þeir eiga heima?“ spurði Eggert. „Gæti
fundið staðinn í kolniðamyrkri“, svaraði Goggi. Og
Þegar skyggja tók lögðu þeir Goggi og Eggert af stað,
vopnaðir klaufjárnum og reipum. Panda læddist í
humátt á eftir þeim. Honum var órótt innanbrjósts.
FALKINN