Fréttablaðið - 03.10.2009, Qupperneq 56

3. OKTÓBER 2009 LAUGARDAGUR6 ● bleika slaufan
Bleika slaufan hefur verið tákn
baráttunnar gegn brjósta-
krabbameini árum saman og
nælur í formi bleikrar slaufu
verið seldar til fjáröflunar.
Í fyrra var tekið upp á þeirri ný-
breytni að fá þekktan skartgripa-
hönnuð, Hendrikku Waage, til að
hanna Bleiku slaufuna. Hún hann-
aði tvær gerðir af slaufunni, bæði
ódýrari gerð sem seldist í fjörutíu
þúsund eintökum og dýrari gerð
sem einnig hlaut góðar viðtök-
ur. Í ár er það Sif Jakobs, þekkt-
ur skartgripahönnuður sem býr og
starfar í Danmörku, sem hannar
slaufuna en hún hefur fengið við-
urkenningar fyrir hönnun sína hér
heima og erlendis.
„Þegar mér var veittur sá heið-
ur að hanna Bleiku slaufuna fyrir
Krabbameinsfélagið var mín
fyrsta hugsun hvernig ég gæti
lengt líftíma gripsins, fengið fleiri
til að ganga með hann. Ég tók púls-
inn á vinahópnum og fólkinu í
kringum mig, þar sem í ljós kom
að talsverður meirihluti gengur
ekki með nælur af ýmsum ástæð-
um, en hefur samt keypt nælur í
gegnum tíðina til að styrkja mál-
staðinn. Mér fannst af þeim sökum
tilvalið að hanna fallega og eigu-
lega skartgripi sem hæfðu sem
flestum konum.“
Sif ákvað að gera hálsmen og
eyrnalokka og brjóta upp hefðina
fyrir því að hafa Bleiku slaufuna
ávallt í formi nælu. Hálsmenið og
eyrnalokkarnir eru með fallegum
ljósbleikum steinum og njóta sín
hvort í sínu lagi en eru sérstak-
lega falleg saman sem sett. „Ég
er mjög nákvæm í starfi mínu og
legg ríka áherslu á að hver einstak-
ur skartgripur sé listsmíði í hæsta
gæðaflokki. Markmið mitt er nota-
gildi skartgripanna og að þá megi
bera við hvaða tækifæri sem er.“
Ódýrari gerðin af nælunni verður
einnig til sölu í ár og er hún í sama
formi og skartgripirnir. „Nælan er
framleidd í tugum þúsunda eintaka
og verður hún til sölu víðs vegar
um landið í októbermánuði. Skart-
gripirnir eru hins vegar fram-
leiddir í takmörkuðu upplagi og
verða til sölu meðal annars hjá
verslunum Leonard og Halldóri
Ólafssyni á Akureyri. Hálsmenið
kostar 11.500
krónur
og eyrna-
lokkarn-
ir 9.500.“
Andvirðið
rennur að
sjálfsögðu
til styrktr
leitarstarfi
KÍ.
Sif segir
málefnið
standa sér
nærri. „Ég hef upplifað þau áhrif
sem sjúkdómur eins og krabbamein
hefur á aðstandendur og vini sjúk-
linga og þetta málefni hefur mikla
þýðingu fyrir mig eins og allar
konur.“ Hún telur afar mikilvægt
að vekja athygli á nauðsyn þess
að konur fari reglulega í brjósta-
skoðun. „Það er engin spurning
að þetta átak, sem er orðið árleg-
ur viðburður, hefur mikla þýð-
ingu í þeirri vitundarvakningu um
brjóstakrabbamein sem hefur átt
sér stað á Íslandi. Það er mér mik-
ill heiður að fá að taka þátt í þessu
verkefni. Ég hef lagt mitt af mörk-
um til að halda áfram að vekja fólk
til meðvitundar um brjóstakrabba-
mein allt árið, með hönnun á falleg-
um, kvenlegum
og eigulegum
skartgrip
sem hentar
öllum konum
við öll tæki-
færi. Þetta
er málefni
sem snert-
ir alla og
kemur
okkur
öllum
við.“ - bb
Braut upp hefðina með hálsmeni og lokkum
Skartgripirnir eru þannig úr
garði gerðir að þá má bera
við hvaða tækifæri sem er.
Sif hannaði skartgripina
með það í huga að þeir
hæfðu hvaða konu sem er.
Skartgripaverslunin Leonard hóf
sölu á sérstakri skartútgáfu Bleiku
slaufunnar 1. október til styrkt-
ar Krabbameinsfélaginu. Að þessu
sinni var hönnuðurinn og gullsmið-
urinn Sif Jakobsdóttir fenginn til að
útbúa sérstaka skartútgáfu bleiku
slaufunnar.
Verslanir Leonard í Kringlunni,
Smáralind og Flugstöð Leifs Ei-
ríkssonar eru aðalsöluaðili skartút-
gáfu Bleiku slaufunnar í ár og segir
Sævar Jónsson hjá Leonard að ákveð-
ið hafi verið að setja verslanirnar í
bleikan búning með bleikri lýsingu
til að vekja enn meiri athygli á verk-
efninu. „Við tókum þátt í þessu verk-
efni í fyrra og tókst mjög vel til. Sif
Jakobsdóttir, hönnuður Bleiku slauf-
unnar, ákvað að hafa slaufuna í formi
hálsmens í stað nælu og auk þess
bæta við eyrnalokkum þetta árið.
Útkoman er mjög góð og við erum
spennt að sjá viðbrögðin. Í fyrra biðu
viðskiptavinir fyrir utan búðina fyrir
opnun til þess að tryggja sér eintak,“
segir Sævar.
Slaufan hefur alltaf verið tengd
fegurð og árvekni en það var sjálf
snyrtivörudrottningin Estée Lau-
der sem átti frumkvæðið að átaki
og vakningu fólks á brjóstakrabba-
meini og varð bleika slaufan síðan að
alþjóðlegu merki átaksins.
Skartslaufa Sifjar er til í takmörk-
uðu upplagi. Hún er úr silfri og er
skreytt sirkon- og oxíðsteinum. Þykir
skartgripalína Sifjar endurspegla
lífsgleði, aðdáun hennar á einföld-
um en tjáningarríkum formum, sem
og hágæða efnum og næmi hennar
fyrir fegurð einfaldleikans. Þar að
auki leggur hún áherslu á notagildi
skartgripa sinna og að þá megi bera
við hvaða tækifæri sem er. - kdk
Fagur gripur með ríka sögu
Sif Jakobsdóttir, hönnuður og gullsmiður, ásamt Sævari Jónssyni hjá Leonard
með bleiku slaufuna góðu. FRÉTTABLAÐIÐ/ANTON