Fréttablaðið - 03.10.2009, Qupperneq 57

LAUGARDAGUR 3. OKTÓBER 2009 7bleika slaufan ●
Öll þjónusta sem samtökin Sam-
hjálp kvenna veitir er í höndum
kvenna sem sjálfar hafa greinst
með brjóstakrabbamein. Starf
samtakanna í þau þrjátíu ár sem
þau hafa starfað hefur allt verið
unnið í sjálfboðavinnu en sá ár-
angur sem þau hafa náð verður
seint metinn til fjár.
Guðrún Sigurjónsdóttir, for-
maður Samhjálpar kvenna, segir
miklar og jákvæðar breytingar
hafa orðið á síðustu þrjátíu árum.
Lífslíkur kvenna með brjósta-
krabbamein hafa nú aukist mjög.
Fyrr voru 75 prósenta líkur á að
kona væri á lífi fimm árum eftir
að hún hafði verið greind með
meinið en nú eru lífslíkur henn-
ar rúmlega níutíu prósent. Íslend-
ingar státa því af besta árangri í
veröldinni ásamt Svíum.
Þá segir Guðrún að aukin
fræðsla um sjúkdóminn hafi
dregið úr ótta fólks. „Hér áður
fyrr var lítið til af efni fyrir
fólk að leita í eftir greiningu og
engin formleg stuðningssamtök,
og þessi skortur skapaði mikinn
ótta,“ segir hún en sjálf gekk hún
til liðs við samtökin eftir að hafa
notið stuðnings kvenna úr þeim.
Þá segir hún að sérstök leikfimi
sem ætluð er konum sem misst
hafa brjóst hafi veitt sér mikla
líkamlega og andlega hjálp. „Það
var ómetanlegt að fá að sprikla
með fjölda annarra kvenna sem
allar höfðu misst brjóst,“ segir
hún. Mikilvægt sé fyrir konur
að vita að þær séu ekki einar í
baráttunni. - kdk
Vinna ómetanlegt starf
Guðrún Sigurjónsdóttir er í forsvari samtakanna Samhjálp kvenna. FRÉTTABLAÐIÐ/GVA
Röntgenmyndataka er öruggasta
aðferðin til að finna krabbamein í
brjóstum á byrjunarstigi. Konur á
aldrinum 40-69 ára ættu að fara í
brjóstamyndatöku annað hvert ár
og panta tíma þegar boð kemur
frá Leitarstöð Krabbameinsfélags-
ins. Konum sem eru sjötíu ára og
eldri er frjálst að mæta til brjósta-
krabbameinsleitar á tveggja ára
fresti.
Með því að skoða og þreifa
brjóstin reglulega geta konur
áttað sig á því hvað er eðlilegt
og hvað hefur breyst frá síðustu
skoðun. Best er að þreifa brjóst-
in einu sinni í mánuði, um það bil
viku til tíu dögum eftir að blæð-
ingar hefjast. Eftir tíðahvörf er
best að þreifa brjóstin á svipuð-
um tíma í hverjum mánuði. Mikil-
vægt er að leita læknis ef einhver
breyting finnst. Rétt er að hafa í
huga að flestir hnútar í brjóstum
eru góðkynja.
Regluleg skoðun
Röntgenmyndataka er öruggasta
aðferðin til að finna brjóstakrabbamein
á byrjunarstigi.
Um eitt prósent brjóstakrabba-
meina sem greinast hér á landi
á hverju ári er í körlum.
Meðalaldur karla sem greinast
með brjóstakrabbamein er sjö-
tíu ár.
Meðalaldur kvenna sem grein-
ast með brjóstakrabbamein er
61 ár.
Ein kona af hverjum tíu hér
á landi greinist með brjósta-
krabbamein einhvern tíma á
ævinni.
Um níutíu prósent kvenna
sem greinast með brjósta-
krabbamein eru á lífi fimm
árum síðar og eru varla nokkurs
staðar þekktar betri horfur
kvenna sem greinast með
brjóstakrabbamein.
VISSIR ÞÚ AÐ ...