Fréttablaðið - 03.10.2009, Qupperneq 59

LAUGARDAGUR 3. OKTÓBER 2009 9bleika slaufan ●
„Ég er hætt að fresta
hlutunum,“ segir Dóróthea
Jónsdóttir, sem 29 ára gömul
greindist með illkynja æxli í
hægra brjóstinu. Hún var þá
með fimm mánaða gamlan
son sinn á brjósti en eldri
sonur hennar var tveggja ára.
„Ég fann fyrir einhverri fyrirferð
í hægra brjóstinu og taldi í fyrstu
að það væri mjólkurstífla. Eftir
að ég hafði farið á milli sérfræð-
inga á Kvennadeild Landspítal-
ans og á Leitarstöð Krabbameins-
félags Íslands kom í ljós að þetta
var illkynja æxli,“ segir Dóróthea
æðrulaus.
„Greiningin var mikið áfall
fyrir okkur hjónin og í raun var
sá tími sem ég var í meðferðinni
eins og rússíbanaferð. Það var oft
eins og ég væri ekki með sjálfri
mér, og reyndar hvorugt okkar.
Þetta var svo óraunverulegt, eins
og að vera hvort í sinni sápukúl-
unni. Mér þótti líka mjög leiðin-
legt að þurfa að hætta með barn-
ið á brjósti,“ segir hún og heldur
áfram. „Fjölskyldan lagðist á eitt
við að hjálpa okkur en auk þess
fór ég á sjálfsstyrkingarnámskeið
og svo í Ljósið, sem er endurhæf-
ingar- og stuðningsmiðstöð fyrir
fólk sem hefur fengið krabba-
mein. Allur stuðningur skiptir
máli fyrir þann sem greinist með
krabbamein. Maður er dofinn
en um leið ólga allar tilfinning-
ar. Ég þurfti að ræða svo margt
á meðan á meðferðinni stóð – eins
og dauðann. Ég ræddi hann fram
og til baka ásamt svo mörgu öðru.
Allar tilfinningar eru leyfilegar
þegar maður gengur í gegnum
lífsreynslu eins og þessa.“
Dóróthea segir fólk hafa brugð-
ist misjafnlega við sjúkdómi henn-
ar. „Fólkið í kringum mig brást
við á allan máta. Mjög margir
gátu ekki talað við mig og upp-
lifðu sig hjálparvana. Aðrir fóru
þá leið að finna sér verkefni til
að hjálpa. Það er svo einstakl-
ingsbundið, bæði hvernig sá sem
greinist með krabbamein upplifir
ferlið og eins þeir sem eru í kring-
um hann. Viðbrögðin eiga aldrei
að vera neitt til þess að skammast
sín fyrir.“
Sjálfri fannst henni skipta miklu
máli að hafa góðan lækni. „Ég er
mjög heppin með lækni en ég held
að réttar og ítarlegar upplýsingar
hjálpi nýgreindum krabbameins-
sjúklingum mjög, jafnvel þótt
maður meðtaki þær ekki allar
strax. Það er líka þess vegna sem
það er svo mikilvægt að geta alltaf
haft aðgengi að góðum upplýsing-
um. Þar sem ég var svo dofin átti
ég það til að gleyma hvað lækn-
irinn sagði í viðtölunum þannig
að mér fannst mjög gott að hafa
einhvern með mér. Þá gat ég líka
rætt um það sem fram fór í tímun-
um. Það sama má segja um lyfja-
meðferðina,“ segir Dóróthea en
hún fór í mjög harða lyfjameð-
ferð, með hléi þar sem brjóstið var
fjarlægt með skurðaðgerð.
En hvernig er líf eftir brjósta-
krabbamein? „Stærsta breytingin
er sú að ég er hætt að fresta hlut-
unum. Ég geri ekki lengur áætlan-
ir fram í tímann. Sumum finnst ég
lifa hratt en lífssýnin og gildin hafa
breyst. Ég lifi lífinu núna.“ - uhj
Allar tilfinningar leyfilegar
Dóróthea Jónsdóttir segir meðferðina hafa verið eins og rússíbanaferð. FRÉTTABLAÐIÐ/HEIDA.IS
Um 62 prósent kvenna á aldrin-
um 40-69 ára mæta reglulega í
leit að brjóstakrabbameini, en
takmarkið er að sjálfsögðu að
allar konur á þessum aldri fylg-
ist vel með heilsu sinni og mæti
í skoðun.
Brjóstakrabbamein eru mun al-
gengari í vestrænum ríkjum en í
Afríku og Asíu.
Erfðaþættir eru taldir hafa þýð-
ingu í um eða yfir fimmtán pró-
sentum brjóstakrabbameina.
Í Japan, þar sem áhrifa vest-
rænnar menningar gætir í sí-
vaxandi mæli, er tíðni brjósta-
krabbameins að aukast.
Skipulögð hópleit að brjósta-
krabbameini
með brjósta-
röntgenmyndatöku
hófst meðal ís-
lenskra kvenna í
lok árs 1987.
Mörg stéttar-
félög greiða
niður kostnað
við krabbameins-
skoðun.
Krabbameinsfélag
Íslands var stofn-
að 27. júní 1951.
„Vífilfell hefur áður styrkt málstaðinn.
Í fyrra settum við á markað sérstakan
Topp til styrktar Bleiku slaufunni, en
hluti söluandvirðisins rann til tækja-
kaupa fyrir Leitarstöð Krabbameins-
félagsins,“ segir Árni. FRÉTTABLAÐIÐ/GVA
„Þetta heppnaðist vel,“ segir
Árni Árnason, vörumerkjastjóri
hjá Vífilfelli, sem í samstarfi við
Krabbameinsfélag Íslands og Golf-
samband Íslands stóð fyrir golf-
mótaröðinni Bleiki Toppbikarinn í
sumar.
Þetta var fimmta árið í röð sem
mótaröðin fór fram. Árni segir þátt-
töku hafa verið með mestu ágætum
en hún var í fyrsta sinn opin báðum
kynjum. „Þarna spiluðu 500 manns
á sjö golfvöllum víða um landið í
allt sumar, þar sem keppt var um
þátttökurétt á lokamótinu hjá Golf-
klúbbi Borgarness. Á því kepptu
svo tólf lið og stóðu Garðar
Ingi Leifsson og Örn Rúnar
Magnússon uppi sem sigur-
vegarar. Allir sem kepptu
á lokamótinu fengu gala-
kvöldverð og gistingu í
boði Hótel Hamars.“
Þeir sem að mótinu
stóðu gáfu að sögn Árna
vinninga, auglýsingar og
afnot af völlunum. Hann
bætir því við að allur
ágóði af þátttökunni verði
nýttur til eflingar leitar-
starfs á vegum Krabba-
meinsfélagsins. - rve
Vel heppnuð
golfmótaröð
VISSIR ÞÚ AÐ ...