Fréttablaðið - 03.10.2009, Qupperneq 100

64 3. október 2009 LAUGARDAGUR
sport@frettabladid.is
FÓTBOLTI Knattspyrnutímabilinu
á Íslandi lýkur um helgina þegar
úrslitaleikir bikarkeppni karla
og kvenna fara fram. Leikurinn í
karlaflokki er fyrst á dagskrá en
klukkan 14 í dag eigast við Fram
og Breiðablik.
Liðin urðu í 3. og 4. sæti deildar-
innar en bæði hlutu 34 stig. Fram
var þó með betra markahlutfall.
Báðum leikjum liðanna í deild-
inni í sumar lauk með jafnteflum,
fyrst 1-1 og svo 3-3 í hádramatísk-
um leik.
Breiðablik komst 3-0 yfir í fyrri
hálfleik en Fram náði að jafna
metin með þremur mörkum á síð-
asta stundarfjórðungnum. Undir
lok leiksins og eftir hann ætlaði allt
að sjóða upp úr þegar leikmönnum
og meira að segja þjálfurum lenti
saman.
Blikar með blóð á tönnunum
„Okkur var misboðið,“ sagði
Ólafur í samtali við Fréttablaðið.
Spurður hvort Blikar væru því með
blóð á tönnunum fyrir leikinn játti
hann því. „Klárlega. Menn ætla
svo sem ekki að hefna fyrir neitt
en fíllinn gleymir engu.“
Bæði lið hafa verið á góðu skriði
á síðustu vikum en Fram tapaði að
vísu fyrir Þrótti um síðustu helgi.
Margir leikmenn voru reyndar
hvíldir fyrir þann leik og segir
Þorvaldur Örlygsson, þjálfari
Fram, að margt hafi verið jákvætt
við leikinn.
„Margir ungir strákar fengu
tækifæri til að spila og þetta var
alls ekki slæmur leikur. Fyrir vikið
er nú enginn í banni fyrir leikinn
og allir leikmenn þar að auki heilir.
Þetta hefur því allt verið að smella
saman,“ sagði Þorvaldur.
Hann treystir sér ekki fyrir því
að spá því hvernig leikurinn muni
þróast. „Það skiptir mig svo sem
litlu máli hvernig leikurinn verð-
ur svo lengi sem við eigum mögu-
leika á að vinna. Bikarúrslitaleik-
ir geta oft verið hægir og þurrir,
sem er ef til vill ekki skemmtilegt
fyrir hinn hlutlausa áhorfanda. En
svona leikir snúast oft um þau tvö
lið sem taka þátt í honum og þeirra
stuðningsmenn. Spennan verður
því mikil fyrir þá.“
Ólafur segir að sínir menn ætli
fyrst og fremst að reyna að spila
sinn leik. „Við höfum verið að skora
að jafnaði 2-3 mörk í hverjum leik í
seinni hluta deildarinnar í sumar.
Ef við höldum áfram á þeim nótum
og náum að loka fyrir það sem þeir
eru sterkastir í óttumst við ekk-
ert.“
Þó svo að báðum leikjum lið-
anna í sumar hafi lokið með jafn-
tefli voru þeir ólíkir. „Annar leik-
urinn var stirður af beggja hálfu
og lítið um færi.
Seinni leikurinn var mjög lífleg-
ur og mikið um mörk og svipting-
ar. Ég held að við getum átt von á
hvoru tveggja að þessu sinni.“
Heimavallarumræðan ómarktæk
Framarar spila sína heimaleiki á
Laugardalsvelli þar sem bikarúr-
slitaleikurinn fer fram. Þorvald-
ur segir að það sem skipti fyrst og
fremst máli sé að leikurinn fari
fram á besta velli landsins.
„Þetta er langbesti grasvöllurinn
á Íslandi og auðvitað erum við því
ánægðir með að spila okkar heima-
leiki hér. En þessi umræða kemur
upp reglulega og virðist sem svo að
stundum töpum við á því að spila
á Laugardalsvellinum en græðum
svo á því í öðrum tilvikum,“ sagði
Þorvaldur.
Ólafur sagði að Blikar hefðu lítið
leitt hugann að þessari umræðu.
„Ég held að þetta muni ekki hafa
áhrif á okkur nema við leyfum því
að trufla okkur. Þetta er nokkuð
sem við ráðum ekki við og ætlum
ekki að hafa áhyggjur af.“
eirikur@frettabladid.is
Tvö hnífjöfn lið slást um bikarinn
Síðast þegar Breiðablik og Fram áttust við var boðið upp á hádramatíska viðureign þar sem allt var á suðu-
punkti. Þessi lið mætast í úrslitum bikarkeppni karla í dag en þau náðu nánast jafngóðum árangri í sumar.
FYRIRLIÐARNIR Auðun Helgason, Fram, og Blikinn Kári Ársælsson við bikarinn góða. FRÉTTABLAÐIÐ/VILHELM
Íslendingafélagið GAIS í sænsku úrvalsdeildinni hefur átt mjög
góðu gengi að fagna að undanförnu og er taplaust í sjö leikjum
í röð. Liðið hefur í þeim leikjum alls fengið sautján stig af 21
mögulegu. Í fyrstu átján leikjum tímabilsins hlaut liðið aðeins
þrettán stig og er því um mikinn viðsnúning að ræða.
Fjórir Íslendingar eru á mála hjá liðinu en aðeins einn þeirra,
Eyjólfur Héðinsson, hefur fengið að spila að nokkru ráði.
„Tímabilið byrjaði ekkert sérstaklega hjá okkur,“ sagði
Eyjólfur. „Um mitt tímabil vorum við í næstneðsta sæti
og nánast búnir að mála okkur út í horn. Við sáum þá
að þetta gæti ekki gengið til lengdar enda með allt of
gott lið til að vera í fallbaráttu.“
Eyjólfur var á bekknum lengst af framan af móti
og segir að það hafi verið erfitt að vera þolinmóður.
„Ég vissi að tækifærið myndi koma þegar meiðsli og
leikbönn færu að taka sinn toll. Ég þyrfti því bara að
nýta mitt tækifæri. Það gekk vel og síðan þá hef ég
verið í liðinu.“
Eyjólfur hefur gegnt lykilhlutverki í liðinu á þessum
góða spretti. Hann skoraði þrjú mörk í þessum leikjum, þar af eitt
sigurmark og eitt jöfnunarmark. Hann lagði svo upp tvö mörk í
síðasta leik er GAIS vann 3-0 sigur á Örebro.
„Ég finn auðvitað að menn eru ánægðir með mig hér enda
lítur þetta ágætlega út fyrir mig. Ég fékk að spila þegar verst gekk
og þá snerist þetta allt í einu við. Ég ætla þó ekki að eigna mér
það,“ sagði hann. „En auðvitað er gaman þegar vel gengur.“
Þetta er þriðja tímabil Eyjólfs hjá GAIS og hann á eitt ár
eftir af samningi sínum. „Maður hefur verið að heyra ýmis-
legt, bæði frá félaginu og umboðsmanninum, en ég ætla
lítið að spá í hvað gerist fyrr en eftir tímabilið.“
Þrír aðrir Íslendingar eru hjá GAIS. Guðmundur Reynir
Gunnarsson var lánaður til KR en þeir Hallgrímur Jónas-
son og Guðjón Baldvinsson hafa lítið fengið að spila.
„Þeir eru ekki langt frá því að komast í hópinn. Þeir
þurfa bara að halda áfram og nýta sín tækifæri.“
Í vikunni var greint frá því að svo gæti farið að níu stig
yrðu dregin af GAIS þar sem atvinnuleyfi eins leikmanna
liðsins, Brasilíumannsins Wanderson do Carmo, rann út.
EYJÓLFUR HÉÐINSSON: HEFUR ÁTT STÓRAN ÞÁTT Í VELGENGNI GAIS Í SÆNSKU ÚRVALSDEILDINNI
Ætla ekki að eigna mér gott gengi liðsins
> Guðjón rekinn frá Crewe
Guðjón Þórðarson var í gærmorgun rekinn
frá enska D-deildarfélaginu Crewe Alex-
andra. Liðið féll úr C-deildinni í vor og hefur
liðið nú tapað síðustu fjórum leikjum
sínum í deildinni. „Þetta er mikilvægt
tímabil fyrir okkur. Við viljum komast
aftur upp um deild sem allra fyrst og
úrslit síðustu leikja hafa ekki verið
nægilega góð. Því var ákveðið að
það væri best fyrir félagið ef Guðjón
myndi hætta nú,“ sagði John Bowler,
stjórnarformaður Crewe, í samtali við
enska fjölmiðla. Dario Gradi mun taka
tímabundið við starfi Guðjóns.
Á MORGUN KL. 14:30
CHELSEA
LIVERPOOL
HVERNIG FER BIKARÚR-
SLITALEIKUR KVENNA?
Rakel Hönnudóttir, fyrirliðí Þór/KA
Breiðablik vinnur 2-1
Sandra Sigurðard., fyr. Stjörnunnar.
Valur vinnur 3-2
Laufey Björnsdóttir, fyrirliðí Fylkis
Breiðablik vinnur 2-1
Lilja Dögg Valþórsdóttir, fyrirliði KR
Valur vinnur 3-1
Ágústa Jóna Heiðdal, fyrirliði GRV
Valur vinnur 3-1
Samantekt
3 af 5 spá því að Valur vinni bikarinn.
HEFUR TRÚ Á BLIKUM Rakel Hönnudótt-
ir, fyrirliði Þór/KA. FRÉTTABLAÐIÐ/STEFÁN
HVERNIG FER BIKARÚR-
SLITALEIKUR KARLA?
Davíð Þór Viðarsson, fyrirliði FH
Fram vinnur 2-0.
Grétar Sigurðarson, fyrirliði KR
Fram vinnur 1-0
Valur Fannar Gíslas., fyrirliði Fylkis
Fram vinnur 2-0.
Hólmar Örn Rúnarsson, fyr. Keflav.
Breiðablik vinnur 2-0
Daníel Laxdal, fyrirliði Stjörnunnar
Breiðablik vinnur 3-1
Samantekt
3 af 5 spá því að Fram vinni bikarinn.
TRÚIR Á FRAM Davíð Þór Viðarsson,
fyrirliði meistara FH. FRÉTTABLAÐIÐ/DANÍEL