Tímarit iðnaðarmanna - 01.12.1967, Blaðsíða 35

um úrskurð þess. Með bréfi dagsettu
h. 5. júní s.l. staðfestir ráðuneytið
skilning Landssambands iðnaðar-
manna og segir orðrétt í bréfi ráðu-
neytisins:
„Ráðuneytið leggur þann skilning
í nefnt ákvæði, að þar sé átt við,
að bygginganefnd geti veitt einum
meistara réttindi til að standa einn
fyrir byggingaframkvæmdum og bera
ábyrgð á öllu verkinu gagnvart bygg-
inganefnd, en undirskilið sé, að hann
ráði meistara í öðrum iðngreinum
til þess að hafa umsjón með verkum,
sem tilheyra þeim iðngreinum, enda
beri þeir hver um sig faglega á-
byrgð á sínum verkum."
Ráðstefna um áætlanagerð.
1 byrjun júní-mánaðar s.l. kom
hingað til lands á vegum Efnahags-
stofnunarinnar aðalsérfræðingur Al-
þjóðabankans í áætlanagerð, jmr.
Albert Waterston.
1 tilefni af komu hans efndi Efna-
hagsstofnunin til ráðstefnu um á-
ætlanagerð á sviði atvinnuveganna
og var hinum ýmsu samtökum boðið
að senda fulltrúa. Af hálfu Lands-
sambands iðnaðarmanna sat Otto
Schopka framkvæmdastjóri ráðstefn-
una og Bjarni Einarsson, skipa-
smíðameistari, fyrir Félag íslenzkra
dráttarbrautareigenda.
Á ráðstefnunni kom fram mikill
áhugi á alhliða áætlanagerð, bæði
sem tæki til stefnumótunar fyrir at-
vinnugreinarnar sjálfar í samskipt-
um við ríkisvaldið í leit að betri
kjörum í tolla-, skatta-, lána- og
viðskiptamálum, og sem tæki til
ákvarðana um fjárfestingarfram-
kvæmdir og til að treysta undirbún-
ing slíkra framkvæmda og loks sem
tæki til undirbúnings sérstakra að-
gerða á sviði einstakra atvinnu-
greina, svo sem endurskipulagningar,
samruna eða samstarfs fyrirtækja í
greininni og til fjárhagslegrar endur-
skipulagningar.
Þá kom einnig fram, að samtök
hverrar atvinnugreinar ættu að hafa
meiri afskipti af áætlanagerð en ver-
ið hefði til þessa og efna þyrfti til
samstarfs milli opinberra aðila og
þessara samtaka um hagnýtingu á-
ætlunargerðar til eflingar einstakra
atvinnugreina.
Ráðstsína Stiórnunarfélags íslands.
í lok ágústmánaðar gekkst Stjórn-
unarfélag íslands fyrir ráðstefnu um
skipulagsbyggingu íslenzkra atvinnu-
vega í Bifröst í Borgarfirði. Ráð-
stefnuna sóttu nær 70 fulltrúar frá
samtökum atvinnuveganna, ýmsum
opinberum stofnunum og einstökum
fyrirtækjum. Af hálfu Landssam-
bands iðnaðarmanna sóttu ráðstefn-
una þeir Þorbergur Friðriksson, Ing-
var Jóhannesson og Otto Schopka
og Bjarni Einarsson fyrir Félag ís-
lenzkra dráttarbrautareigenda og
þeir Gissur Sigurðsson og Leó Guð-
laugsson fyrir Meistarafélag húsa-
smiða í Reykjavík. Ennfremur hag-
ræðingarráðunauturLandssambands-
ins, Sigurður Auðunsson.
Á ráðstefnunni voru haldin m. a.
erindi um framtíðarviðhorf í skipu-
lagsbyggingu íslenzkra atvinnuvega,
um gildi skipulagsbyggingar at-
vinnuveganna fyrir framleiðni, sam-
keppnishæfni og afkomu þeirra og
um fjárhagsleg vandamál við sam-
runa fyrirtækja. Þá voru flutt erindi
um viðhorf hinna einstöku atvinnu-
greina gagnvart stækkun rekstrar-
eininga.
Iðnaðurinn var mjög til umræðu á
ráðstefnunni, og m. a. flutti Þórir
Einarsson, viðskiptafræðingur IMSÍ,
erindi um dæmi um samruna og
samstarf iðnfyrirtækja. Skýrði hann
frá fyrirhugaðri sameiningu þriggja
vélsmiðja á Suðurnesjum og lýsti
aðdraganda og undirbúningi þeirrar
aðgerðar.
Vöktu þær upplýsingar mikla at-
hygli á ráðstefnunni.
Iðnaðarmálaráðherra, Jóhann
Hafstein, var gestur ráðstefnunnar.
EndurskoSun bókhaldslaganna.
Um nokkurt skeið hefur starfað
sérstök nefnd á vegum fjármálaráðu-
neytisins að endurskoðun bókhalds-
laganna, en núgildandi lög frá 1938
eru orðin ófullnægjandi að mörgu
leyti, og æskilegt að færa þau til
meira samræmis við breyttar aðstæð-
ur. Á þessum tíma hafa hugmyndir
manna um hlutverk bókhalds og
reikningsskila breytzt verulega. Auk-
in og breytt skattheimta gerir sífellt
meiri kröfur til upplýsinga um rekst-
ur fyrirtækja og meiri hagskýrslu-
gerð og víðtækari afskipti hins opin-
bera af atvinnulífinu stefna einnig í
sömu átt.
Nefndin hefur gert drög að nýju
lagafrumvarpi en áður en endanlega
var frá því gengið var það sent ýms-
um samtökum atvinnuveganna, m. a.
Landssambandi iðnaðarmanna, til
umsagnar. Stjórn Landssambands
iðnaðarmanna fól framkvæmda-
stjóra að hafa samráð við önnur
samtök um að ganga frá umsögn um
frumvarpið og héldu framkvæmda-
stjórar Landssambands iðnaðar-
manna, Félags íslenzkra iðnrekenda,
Verzlunarráðs Islands, Félags ísl.
stórkaupmanna og Kaupmannasam-
taka íslands nokkra fundi og ræddu
frumvarpið og samræmdu athuga-
semdir sínar. Var nefndinni síðan
sent sameiginlegt bréf frá þessum
samtökum, þar sem fram komu ýms-
ar ábendingar og athugasemdir um
einstakar greinar frumvarpsins.
Helztu nýmæli frumvarpsins eru
þau m. a., að bókhaldsskylda er
gerð nokkru víðtækari en skv. nú-
gildandi lögum, þannig að allir þeir
sem stunda atvinnurekstur í hvaða
formi sem er, eru bókhaldsskyldir og
þeir sem nota meira en 104 vinnuvik-
ur á ári við starfsemi sína (þ. e. hafa
einn heilsársstarfsmann eða meira)
skulu færa tvíhliða bókhald. 1 eldri
lögum eru iðnaðarmenn, sem hafa
tvo menn eða færri í vinnu, ekki
bókhaldsskyldir, en nú er þessi und-
anþága afnumin.
Tekin er upp heimild í lögum til
þess að nota laus blöð (kort) við
bókhald (vélabókhald), enda séu
þau hluti af skipulegu og öruggu
kerfi. Slík heimild hefur ekki verið
í lögum áður en brýna nauðsyn ber
til að setja ákvæði um þessa bók-
haldsaðferð, sem er nú orðin mjög
útbreidd.
Sett eru ákvæði um birgðataln-
TfMARIT IÐNAÐARMANNA
139