Tímarit iðnaðarmanna - 01.12.1967, Side 55

þegar við höfum haft milligöngu um lausn á ágreinings-
málum milli iðnaðarmanna og neytenda, þá höfum við
ekki orðið varir við neinar áhyggjur út af því, að þeir
fengju bágt úr þeirri átt. Hins ber þó vel að gæta,
hliðstætt því, sem ég nefndi áðan um vanþekkingu
kaupmanna á kaupalögunum, að mörgum iðnaðar-
manni sé ekki fyllilega ljóst, hverjar séu skyldur hans
samkvæmt lögum, né hvar liggi takmörk réttinda hans.
Hann getur einnig stuðzt við háttu og venjur annarra,
sem hann telur, að hljóti að vera réttmætar og lögleg-
ar. Þannig getur hann eins og hver annar gert rangt án
betri vitundar. Um hina þarf ekki að fjölyrða, en þeir
eiga ekki að komast áfram með slíkt í krafti sérrétt-
inda og sterkrar aðstöðu á ýmsan annan hátt - og það
ekki síður stéttarinnar vegna en viðskiptavina hans.
Algengustu umkvartanir vegna iðnaðarvinnu varða
vanefndir loforða, hvað snertir að vinna verk og sér-
staklega að ljúka því innan tilskilins tíma, óábyrgar
kostnaðaráætlanir, sem hin endanlega reikningsupphæð
fer stundum óralangt fram úr og fælni við allt, sem
er skriflegt. Það verður allt of oft vart við tilhneigingu
hjá iðnaðarmönnum til að hafa allt sem óljósast, óá-
kveðið og óbundið, en ómótmælanlega er slíkt, þegar
að uppgjörinu kemur, í hag þess, sem reikninginn ger-
ir á eftir, hvort sem hann svo notfærir sér það að ein-
hverju leyti eða ekki.
Ágreiningsmál milli iðnaðarmanna og neytenda eru
án efa alltof mörg og jafnvafalaust óþarflega mörg. Það
væri fyllsta ástæða til að fækka þeim og finna leið til
að leysa þau á ódýran og skjótan hátt. Það er vissulega
hægt, ef vilji er fyrir hendi, sem ég leyfi mér að full-
yrða að hljóti að vera hjá iðnaðarmönnum almennt.
Af hálfu neytendasamtakanna hefur oft verið bent
á þá leið til lausnar á ágreiningsmálum kaupenda og
seljenda, að skipaðar væru matsnefndir, sem samtök
beggja aðilja kæmu sér saman um á jafnréttisgrund-
velli. Mér er það sönn ánægja að geta skýrt frá því hér,
að í sumar hafa átt sér stað viðræður milli fulltrúa frá
Iðnaðarmannafélaginu í Hafnarfirði, Iðnaðarmannafé-
lagi Suðurnesja og Neytendasamtökunum um stofnun
matsnefndar um iðnaðarvinnu, og það að frumkvæði
hinna fyrrnefndu. Þegar liggja fyrir drög að samningi
milli þessara aðila, en ef samkomulag næst, gæti það
táknað mikilvægt spor í rétta átt og orðið öðrum til
hliðsjónar. Það er mikils virði, að gagnkvæmt traust
ríki milli seljenda og kaupenda, svo sem nokkur kostur
er. Neytendasamtökin eru reiðubúin til samstarfs í
þessu efni. Og þau eru, eins og margir iðnaðarmenn
þekkja, hvenær sem er reiðubúin að verða þeim að liði,
þegar þeir eru í aðstöðu kaupandans, neytandans.
Ég leyfi mér að lokum að vona, að Iðnþingið taki
mál þetta að einhverju leyti til meðferðar nú. Ég óska
svo 29. Iðnþingi íslendinga allra heilla í störfum til
hagsbóta fyrir iðnaðarmenn og þá, sem við þá skipta,
- fyrir þjóðina alla.
Stenbergs Maskinbyra AB.
Stockholm
hafa selt trésmíöavélar til íslands
í hálfa öld.
Hitaplötur fyrir spónlagningru
Allskonar TRÉSMÍÐAVÉLAR
Sænsk gæðavara
EINKAUMBOÐ Á ÍSLANDI:
JÓNSSON & JÚLÍUSSON
HAMARSHÚSINU (vestur enda) . S í M I 1 5 4 3 0
TÍMARIT IÐNAÐARMANNA
159