Vikan - 09.02.1961, Blaðsíða 25

VÍKAlil
Útgvfiimlh VSKAH B.F.
rtilitjorí;
Gíslí Slyurðitcft (ábm.)
Aualýs!ii«j 1 síjárl i
)ólianne» jörund!.spii.
Ft- ’njcyæmdaítjcri i
HMmar A. Kriítjánison.
ftitttjórn og auglýilngar: Sklpholtl 33.
Sírnar: 35320, 35321, 35322. Pósthólf 149,
Afgreíösla og drelfing: BI aöad re í f i n g,
Mfklubraut 15, ííml ÍS0I7. Verð í lausa-
söfu kr. 15 Atkrifíarverð er 200 kr. árt-
þriöjungslena, grelðist fyrirfram.. Prent-
un: Hilmír h.f. Myndamót: Rafgrai h.f.
í næsta blaöi verður m. a.:
4 Sami maður á tveimur stöðum í einu. Grein um það
dulræna fyrirbrigði, er einn og sami maður sést á
tveimur — eða fleiri — fjarlægum stöðum á sama
tíma.
♦ Barn sakborningsins. Smásaga um forhertan glæpa-
mann og litla stúlku, sem komst ein af úr flugslysi.
4 Frægur atburður úr íslendingasögum. Verðlauna-
getraun Vikunnar heldur áfram. Frystikista og
kæliskápur í verðlaun.
4 Smáatriðin skipta máli. Þátturinn hús og húsbún-
aður tekur fyrir ýmis atriði í innréttingum eldhúsa.
Sjö myndir til skýringar.
4 1 gróandanum. Smásaga eftir Óla Ágústar.
4 Morð Jóns Gottskálkssonar. Þorsteinn frá Hamri
skrifar um gamalt afbrotamál.
4 Skopskyggni. Grein eftir dr. Matthías Jónasson um
hæfileikann til þess að sjá hinar broslegu hliðar
hlutanna.
4 Munaðarleysingjar. Frásögn með mörgum myndum
af heimsókn á tvö munaðarleysingjahæli.
GRÍMUBÚNINGAR
Framliald af bls. 17J.
og stendur á Colgates-túpunum.
HafiS stóran tannbursta líka með
í ferðinni.
Sól og tungl. í því tilfelli þarf
víst ekki miklar leiðbeiningar að
gefa.
Blóm. Þar er úr hundruðum teg-
unda að velja eins og um fuglana.
Úr þessu efni er hægt að gera ynd-
islega búninga.
Svo eru hin venjulegu störf þjóð-
félagsins, flugfreyja, lögregluþjónn,
læknir, hjúkrunarkona, sótari, skó-
burstari (útbúið gervið þá eins og
skóburstara erlendis, sein standa á
götuhornum), visindamaður, slátr-
ari o. s. frv. o. s. frv.
Vínflaska. Þar verður að fara líkt
að og með tannkremstúpuna.
Hjarta. Um það er lítið að segja,
en þið verðið að vera þaktar í
hjörtum og það rauðum.
Róni. Þá ríður á að klæða sig
eins og róni og lifa sig inn i hlut-
verkið.
Simi. Þar verður að koma við
mikilli lagni og hugkvæmni.
Og að lokum viljum við stinga
upp á þvi, að þið stælið hina og
þessa menn, að innan og utan, eins
og Ómar Ragnarsson, ráðherrana
oklcar eða einhvern, sem allir kann-
ast við og er sérkennilegur.
Þetta var ekki alveg að lokum,
við gleymdum ungfrú yndisfríðri.
Það er tilvalið gervi, því að auð-
vitað er hún léttklædd og yndisleg
að vanda, og einhvers staðar ber
hún nafn sitt, t. d. á hattinum.
Þá hættum við, þvi að Vikan er
nú ekki stærri en þetta, og svona
hefðum við getað haldið áfram
endalaust. En i endann fáein heil-
ræði, hjá þeim verður ekki komizt.
Munið að lifa ykkur inn í hlutverk-
ið og leika það. T. d. sezt daman
i sólbaðinu á handklæðið og ber
á sig sólolíu, skóburstarinn er á
hnjánum fyrir hverjum, sem er, til
að bursta skóna og þar fram eftir
götunum. Þetta kvöld eruð þið það,
sem þið leikið, í gegn, ekki bara
utan á. Og loks: Góða skemmtun!
BÖLSKYGGN
AUGU
(Framháld af bls. 13)
ugg og geig. Þannig dregur úr sjálfs-
trausti hins aldna. Hann treystir sér
helzt við vanabundnar athafnir, en
gerist deigur við nýjar og ókunnar
leiðir. En straumur þróunarinnar
fleytir einmitt hinu gamla og venju-
bundna burt, og ber að 'í staðinn
ný og flókin viðfangsefni. Þá gerast
í mörgu brjósti þau geðhvörf, að
sjálfsgagnrýni á þverrandi þori er
nú í sjálfsbjargarskyni snúið að
veröldinni. Ekki hinn aldni hugur
hefur bilað; veröldin sjálf er á glöt-
unarbarmi. Hinn ellimóði hvarflar
auðveldlega til æskuminninganna,
þegar veröldin var enn þá björt og
vonfögur. En hann stælir ekki þor
sitt við minningarnar, eins og barn-
ið gerir í heimi hugarflugsins.
Æskuminningin er honum aðeins
afdrep, þaðan sem hann horfir böl-
skyggnum sjónum á þann raunveru-
leika, sem hann veldur aldrei
framar. ★
%

Hrútsmerkiö (21. marz—20. apr.): Þú verður að
sætta þig við, þótt talsvert reyni á þolinmæði þína
i þessari viku. Ef þú biður þolinmóður Þangað til I
næstu viku, muntu einnig uppskera rikulega, Nýr
kunningi þinn hefur talsvert mikil áhrif á gerðir
þínar, og er Það vel Þú ættir að reyna að kynnast honum betur.
Fimmtudagskvöldið verður dálitið óvenjulegt. Talan 8 skiptir
konur miklu í vikunni.
Nautsmerkiö (21. apr.—21. mai>: Þú færð freistandi
tilboð, sem þú verður að yfirvega og meta, áður
en þú tekur því. Líklega ferð þú í afar skemmti-
legt og óvenjulegt samkvæmi í vikunni. Þú skalt
aðeins varast að ljóstra ekki upp leyndarmáli, sem
þú og félagi þinn eigið einir. Það hefur borið nokkuð á eigin-
girni í fari félaga þíns og það bitnað einkum á þér. Reyndu að
sýna honum íram á villu sina. Heiilatala 5.
TvíburamerkiÖ (22. maí—21. júní): Maður, sem þú
þekkir lítillega verður til Þess að hjálpa þér í vik-
unni. Þér gefst einmitt tækifæri til þess að endur-
gjalda greiðvikni hans, enda þótt hætt sé við þvi að
Þú hliðrir þér við því, vegna anna. Láttu það endi-
lega ekki verða. Þú græðir peninga í vikunni, án þess að hafa
hið minnsta fyrir því.
Krábbamerkiö (22. júni—23. júlí): Þú verður til
þess að leysa deilu nokkurra kunningja þinna, og
verða endalok þess máls næsta nýstárleg og skemmti-
leg. Stjörnurnar vilja benda þér á, að bjartsýni sé
auðvitað holl hverjum manni, en ert þú ekki einum
of bjartsýnn? Verður þú ekki fyrir óþarfa vonbrigðum? Vinur
þinn er i vanda staddur — reyndu að létta af honum þessari
byrði, því að það getur þú hæglega.
Ljónsmerkið (24. júlí—23. ág.): Það hvílir einhver
hula yfir framtíð þinni, og verður afar litið lesið
úr afstöðu stjarnanna í þessari viku. Þó má sjá, að
eitthvað markvert gerist um helgina, en hvort það
er þér i vil eða ekki, verður ekki séð með vissu.
Einnig mun talan 7 skipta þig miklu. Þú skalt fara að öllu
með gát í vikunni.
MeyjarmerkiÖ (24. ág,—23. sept.): Þú hefur lengi
átt þér áhugamál, sem þér hefur ekki gefizt tæki-
færi til þess að sinna, og hefur þér þótt það miður.
Eíinmitt í þessari viku gefst þér tækifæri til þess að
sinna þessu áhugamáli, svo um munar, en verið getur
samt að þér verði ijóst, að Þetta áhugamál er ekki eins ómet-
anlegt og þú hefðir talið sjálfum þér trú um.
______ VogarmerkiÖ (24. sept.—23. okt.): Þú virðist of trú-
gjarn og treystir náunganum um of, og þess vegna
verður þú fyrir óþarfa vonbrigðum. Hætt er við,
að þú rekir þig illþyrmilega á þessa staðreynd í vik-
unni. Vertu ekki of uppáþrengjandi við þennan nýja
vin þinn. Þið verðið að kynnast smátt og smátt. Stjörnurnar
vilja eindregið mæla með þessum nýja kunningsskap.
Drekamerkiö (24. okt.—22. nóv.): Einhver verður
til þess óviljandi að koma i veg fyrir, að áform þín
nái fram að ganga. Varast skaltu samt að skeyta
skapi þínu á þessari persónu, því að það er alls ekki
hennar sök. Þú lest eða heyrir eitthvað, sem verður
til þess að þú tekur að vinna að einhverju verkefni af miklum
eldmóði. Þér getur orðið mikið úr verki. Þú skemmtir þér ó-
venjumikið í þessari viku.
BogmaÖurinn (23. nóv.—21. des.): Þú hefur allt of
mikið á prjónunum og verður þess vegna lítið úr
verki á einu vissu sviði. Það er einhver óeirð i þér,
sem ef til vill stafar af óánægju út af hjart-ans mál-
um. Sannleikurinn er samt sá, að þú þarft allt ann-
að en kvíða, þegar hjartans mál eru annars vegar. Þú hefur
ekki metið ástvin þinn réttilega. Tvö kvöld vikunnar verða afar
skemmtileg, heldur dauft yfir hinum.
Geitarmerkiö (22. des.—20. jan.): Þér berast Þægi-
legar fréttir i vikunni, sem verða til þess að koma
þér í mjög gott skap. Ekki veitti víst af, því að þú
hefur verið fremur þunglyndur undanfarið — lík-
lega samt að ástæðulausu, eins og nú kemur í ijós. í
sambandi við merkisatburð í fjölskyldunni munt þú komast að
dálitlu, sem þér hefur lengi leikið forvitni á að vita.
Vatnsberamerkiö (21. jan.—19. feb.): Ef þú gætir
komið auga á galla þína, myndi það verða til þess
að þér yrði murí meira úr verki. Sérðu ekki einhvern
galla í fari allra kunningja þinna? Hvers vegna
skyldir þú einmitt vera gallalaus? Þú ferð út eitt
kvöldið og kynnist þá manni, sem þig hefur lengi langað til að
kynnast, en líklega verður þú fyrir vonbrigðum. Þú átt von á
gleðifregnum um helgina. Heillatala 4.
FiskamerkiÖ (20. feb.—20. marz): Þú gerir eitthvað
i vikunni, sem verður þér dýrmæt reynsla — líklega
víti til varnaðar. Um helgina munt þú líklega óaf-
vitandi koma kunningja þínum i eitthvert klandur,
en þótt undarlegt megi virðast, verður þetta aðeins
byrjunin á löngu, skemmtilegu ævintýri. Taktu ekki mark á
því, sem kvenpersóna, sem þú þekkir lítillega, segir þér um einn
bezta vin þinn. Mánudagur til heilla.