Vikan - 02.03.1961, Blaðsíða 17

METMYND.
Við öll íþróttamót eru staddir ljósmyndarar, sem eru tilbúnir til að taka
mynd, ef einhver skemmtilegur atburSur kæmi fyrir. Þessi mynd var kosin
bezta iþróttamynd ársins í Bretlandi, og hún er óneitanlega skemmtileg að
mörgu leyti. Hún er tekin, um leið og Ghulam Raziq vinnur 100 metra hlaup
með einni neflengd á undan Keith Gardner á Ibrox Park-leikvanginum i
Glasgow.
FELULEIKUR.
ANITA EKBERG hin sænska hefur undanfarið leikið i ýmsum kvikmynd-
um, sem helzt fjalla um alls konar ólifnað. Þar á meðal er mynd, sem heitir
Gleðikonur h/f. Nú bar svo við, að ein þeirra stúlkna, sem í myndinni
léku, tók þetta allt mjög alvarlega og hóf að stunda i raun það atferli, sem
hún annars lék í kvikmyndinni. Lögreglunni þótti þetta að vonum nokkuð
utan takmarka listarinnar. Og því situr þessi stúlka, Linda Veras, nú i stein-
inum i Róm.
Anita Ekberg önnur frá vinstri og hægra megin við hana Linda.
FÓLK Á FÖRNUM VEGI
BELMONDOISMI.
Jean-Paul Belmondo heitir nýjasta stjarnan í evrópskum kvikmyndum.
Ekki er það samt fyrir sérstaka leikkunnáttu, því hann kemur fyrir, eftir því
sem næst verður komi/.t eins og hann er i raun og veru. Hann er sleipur
náungi, sem lætur hverjum degi nægja sína þjáningu, skemmtir sér og
svallar, ekki af því, að honum sé það lijartfólgið, heldur eingöngu af þvi,
að það er þægilegt. Hann þekkir ekki til vinnu, en hefur þó nóg fé milli handa,
og má það einu gilda, hvernig honum áskotnast það. Honum er ekkert rétt
eða rangt, aðeins þægilegt eða óþægilegt. Dráp snertir hann ekki, það er
honum alveg óviðkomandi. Ilann er metnaðarlaus, og honum er eiginlega
sama um allt. Og þessi aigera upplausn sálarlifsins er orðin að eftirbreytnis-
verðri fyrirmynd ungs fólks á Vesturlöndum. Er þetta svar unga fólksins við
ógnun kjarnorkusprengjunnar?
ELSKU VINUR.
Ekki er allt sem sýnist með
hann Krúsa. Annað veifið
hundskammar hann Hammar-
skjöld og hitt kallar hann
hann elsku vin og gerir óspart
að gamni sínu. Vonandi verða
þeir meiri vinir en fjandmenn
á þessu ári, rétt si-sona til
þess að gera menn um heim
allan ekki taugaveiklaðri en
þeir þegar eru.
Edith Piaf.
HEIMT ÚR HELJU.
Fyrir nokkru kom franska söngkonan Edith Piaf aftur fram á sviðið
eftir erfiða sjúkdómslegu. Þessi söngkona, sem er elskuð og dáð af
Frökkum, lá fyrir dauðanum fyrir rúmu ári. En hún skaut dauðanum
ref fyrir rass og er sem sagt farin að koma opinberlega fram. Aðsókn-
in að söngskemmtuninni, sem hún hélt fyrst eftir leguna, var svo
gífurleg, að þúsundir urðu frá að hverfa. Og plöturnar með söng henn-
ar seldust i risaupplögum.

VlKAH 17